Ta’limni rivojlantirish respublika ilmiy-metodik markazi
| Qisqartma | TRM |
|---|---|
| Turi | Davlat idorasi |
| Maqomi | Markaz |
| Ishga tushgan sanasi | 2023-yil |
| Joylashuvi | Toshkent, Shayxontohur tumani, Navoiy koʻchasi, 30 |
| Direktor | Yuliya Risyukova |
| Til(lar)i | Oʻzbek |
| Vebsayti | trm.uz |
Oʻzbekiston Respublikasi Ta’limni rivojlantirish respublika ilmiy-metodik markazi — Oʻzbekiston Respublikasi Prezidentining “Ilmiy-metodik va tadqiqot ishlari sifatini oshirish orqali ta’lim tizimini kompleks rivojlantirishni jadallashtirish bo‘yicha chora-tadbirlar to‘g‘risida” PQ–128-sonli qarori asosida Oʻzbekiston Respublikasi Ta’limni rivojlantirish respublika ilmiy-metodik markazi tashkil etildi.[1]
Markaz ta’lim jarayoniga innovatsion pedagogik texnologiyalarni joriy qilish, zamonaviy talablar va jamiyat ehtiyojlariga javob beradigan yangi o‘quv rejalari, dasturlari va o‘quv-metodik adabiyotlarni ishlab chiqish va amaliyotga kiritish hamda o‘z hayotiy qiziqishlari, shuningdek, jamiyat va davlat manfaatlari yo‘lida ham ijodiy salohiyatini ro‘yobga chiqarishga qodir bo‘lgan har tomonlama kamol topgan shaxsni shakllantirish maqsadida tashkil etilgan tuzilma hisoblanadi.[2]
Markazning asosiy vazifalari
Markazning asosiy vazifalari:
- ta’lim jarayoniga innovatsion pedagogik texnologiyalarni, o‘qitishning samarali shakl va usullarini, ta’lim sifatini baholash va monitoring qilishning zamonaviy tizimlarini joriy qilish;
- maktabgacha, umumiy o‘rta va maktabdan tashqari ta’lim tashkilotlari, shuningdek, qisqa muddatli, shu jumladan xususiy o‘quv kurslar (keyingi o‘rinlarda — o‘quv kurslari)ning ta’lim standartlari, o‘quv rejalari va dasturlariga qo‘yiladigan talablarni ishlab chiqish va tasdiqlash;
- ta’lim tashkilotlarida o‘qitish metodikasini takomillashtirish, zamonaviy talablar va ilg‘or xorijiy tajriba asosida yangi darsliklar va o‘quv-metodik majmualarni nashr qilish, tajriba-sinovdan o‘tkazish va ekspertiza qilishni tashkillashtirish;
- ta’lim tashkilotlarining rahbar va pedagogik kadrlarini tayyorlash, qayta tayyorlash va ularning malakasini oshirishning ilg‘or shakllarini joriy qilish, o‘qituvchilarning kasbiy mahoratini uzluksiz oshirib borish uchun shart-sharoit yaratish;
- ta’lim tashkilotlaridagi o‘quv-tarbiya jarayonlari va kadrlarni tayyorlash sifatini monitoring qilishda, ta’lim oluvchilarning bilimi ta’lim standartlari va talablariga muvofiqligini tahlil qilishda ishtirok etish, Oʻzbekiston Respublikasida ta’lim sifati sohasida xalqaro dasturlar va tadqiqotlar o‘tkazilishini tashkillashtirish;
- ta’lim sohasini rivojlantirishga qaratilgan tahliliy va amaliy tadqiqotlar o‘tkazish, ta’lim jarayonida jahon ilm-fani va texnologiyalari yutuqlaridan keng foydalanish bo‘yicha ilmiy ishlanmalar va tavsiyalar tayyorlash;
- ta’lim sohasidagi ilg‘or amaliyotni o‘rganish va tizimli tahlil qilish hamda uni respublikada joriy etish bo‘yicha kompleks chora-tadbirlarni qabul qilish, yetakchi xorijiy ilmiy-tadqiqot tashkilotlari bilan aloqalarni rivojlantirish.
Markazning asosiy funksiyalari
Markaz oʻziga yuklangan vazifalarga muvofiq quyidagi funksiyalarni amalga oshiradi:[3]
- ta’lim standartlari, o‘quv rejalari va dasturlariga qo‘yiladigan talablarni ishlab chiqadi va tasdiqlaydi;
- maktabgacha, umumiy o‘rta va maktabdan tashqari ta’lim tashkilotlari uchun yangi darsliklar va o‘quv-metodik majmualarni nashr qilish, tajriba-sinovdan o‘tkazish va ekspertiza qilishni tashkillashtiradi;
- maktabgacha, umumiy o‘rta va maktabdan tashqari ta’lim tashkilotlari hamda o‘quv kurslarini moddiy-texnik jihozlash bo‘yicha talablarni ishlab chiqadi va tasdiqlaydi;
- vakolatli davlat organlari bilan birgalikda maktabgacha, umumiy o‘rta va maktabdan tashqari ta’lim tashkilotlari, shuningdek, o‘quv kurslari faoliyati sifatini nazorat qilish va baholash mezonlarini ishlab chiqadi va tasdiqlaydi;
- ta’lim standartlari, o‘quv rejalari, dasturlari, darsliklar va o‘quv-metodik majmualarning samaradorligini davriy tahlil qiladi;
- tahlil yakunlariga ko‘ra hamda vazirliklar, idoralar va keng jamoatchilikdan kelib tushgan takliflar asosida ta’lim standartlari, o‘quv rejalari va dasturlariga qo‘yilgan talablarni takomillashtirish bo‘yicha choralar ko‘radi;
- vakolatli davlat organlari Respublika markazi talablari asosida maktabgacha, umumiy o‘rta va maktabdan tashqari ta’lim tashkilotlari, shuningdek, o‘quv kurslari uchun ta’lim standartlari, o‘quv rejalari va dasturlarini ishlab chiqadi va tasdiqlaydi;
- Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari davlat maktabgacha, umumiy o‘rta va maktabdan tashqari ta’lim tashkilotlarini Respublika markazi talablariga muvofiq jihozlash bo‘yicha zarur choralar ko‘radi.
Rahbariyat
Ta’limni rivojlantirish markazi faoliyatiga umumiy rahbarlik Oʻzbekiston Respublikasi Prezidentining fan, ta’lim, sog‘liqni saqlash va madaniyat masalalari bo‘yicha maslahatchisi bo‘linmalari tomonidan amalga oshiriladi.[4]
Markazga Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan direktor rahbarlik qiladi.[5]
Manbalar
- ↑ „Oʻzbekiston Respublikasi Prezidentining qarori, 20.04.2023 yildagi PQ-128-son“ (2023-yil 24-aprel). Qaraldi: 2026-yil 7-fevral.
- ↑ „Oʻzbekiston Respublikasi Prezidentining qarori, 20.04.2023 yildagi PQ-128-son“ (2023-yil 24-aprel). Qaraldi: 2026-yil 7-fevral.
- ↑ „Oʻzbekiston Respublikasi Prezidentining qarori, 20.04.2023 yildagi PQ-128-son“ (2023-yil 24-aprel). Qaraldi: 2026-yil 7-fevral.
- ↑ „Oʻzbekiston Respublikasi Prezidentining qarori, 20.04.2023 yildagi PQ-128-son“ (2023-yil 24-aprel). Qaraldi: 2026-yil 7-fevral.
- ↑ „Oʻzbekiston Respublikasi Prezidentining qarori, 20.04.2023 yildagi PQ-128-son“ (2023-yil 24-aprel). Qaraldi: 2026-yil 7-fevral.
Havolalar
- ↑ „Ta’limni rivojlantirish markazi tashkil etildi. U katta vakolatlarga ega bo‘ladi“. Kun.uz (2023-yil 25-aprel). Qaraldi: 2026-yil 7-fevral.
- ↑ „Ta’limni rivojlantirish markaziga rahbar tayinlandi“. Gazeta.uz (2025-yil 6-noyabr). Qaraldi: 2026-yil 7-fevral.
- ↑ „Prezident qarori bilan Ta'limni rivojlantirish respublika ilmiy-metodik markazi tashkil etildi“. "Yangi O‘zbekiston" gazetasi (2023-yil 25-aprel). Qaraldi: 2026-yil 7-fevral.
- ↑ „Ta’limni rivojlantirish respublika ilmiy-metodik markazi tashkil etildi“. O‘zbekiston Milliy axborot agentligi (2023-yil 25-aprel). Qaraldi: 2026-yil 7-fevral.
- ↑ „Ta’limni rivojlantirish respublika ilmiy-metodik markazi 2024-yilning birinchi yarmida amalga oshirgan ishlar va istiqboldagi rejalar yuzasidan brifing tashkil etildi“. Talimxabarlari.uz (2024-yil 25-iyul). Qaraldi: 2026-yil 7-fevral.