Syerra-Leoneda Islom
Syerra-Leoneda islom diniga aholining katta qismi eʼtiqod qiladi. Pyu Research Center tadqiqot markazining 2015-yilgi tadqiqotiga koʻra, Syerra-Leone aholisining 78 foizi musulmonlardir. Syerra-leonelik musulmonlarning katta qismi sunniy islom tarafdorlaridir.
Tarkibi
2020-yilga koʻra, Syerra-Leone aholisining 77 foizi musulmonlardir[1]. Syerra-Leoneda 16 etnik guruh mavjud boʻlib, ikkita eng kattasi Temne va Mende ham musulmonlardir. Syerra-Leonedagi oʻn olti etnik guruhdan oʻntasi koʻpchilikni musulmonlar tashkil qiladi.
Syerra-Leonelik musulmonlarning aksariyati Molikiy fiqh maktabi sunniylaridir.
Tarixi
Mintaqada Islomning eng qadimgi mavjudligi Mali imperiyasidan kelgan musulmon savdogarlarning hozirgi Serra-Leone shimoliy hududlariga koʻchib oʻtishi natijasida vujudga kelgan[2]. XVIII-XIX asrlarda Islom tez sur’atda tarqala boshladi, chunki savdogarlar mahalliy aholi (masalan, Temne qabilasi) bilan ijtimoiy va iqtisodiy aloqalarni oʻrnatib, masjidlar tashkil etdilar. Bu omillar din madaniy taʼsirining kuchayishi bilan birga koʻplab kishilarning Islomga kirishiga olib keldi va bu oʻz navbatida yanada koʻproq odamlarning dinni qabul qilishiga turtki boʻldi[3]. Britaniya hukmronligi davrida nasroniylikni yoyish uchun qilingan harakatlar asosan natijas iz qoldi.
1961-yildagi mustaqillikdan soʻng ham islom dini tarqalishda davom etdi. 1960-yilda musulmonlar aholining 35 foizini tashkil etgan boʻlsa, 2000-yilga kelib bu koʻrsatkich 60 foizga, 2008-yilda esa 71 foizga yetdi. Syerra-Leone aholisi uchun Islomning beshinchi ustuni boʻlmish Hajni ado etish uchun Makkaga borish qiyin, chunki ikki mamlakat orasidagi masofa uzoq va sayohat xarajatlari koʻpchilik serra-leoneliklar uchun haddan tashqari qimmat. 2014-2016-yillardagi Ebola inqirozi vaziyatni yanada murakkablashtirdi, chunki Syerra-Leone fuqarolarining Saudiya Arabistoniga viza olishi imkonsiz boʻlib qoldi.
Manbalar
- ↑ „2021 Report on International Religious Freedom: Sierra Leone“. U.S. Department of State (2022-yil 2-iyun). Qaraldi: 2023-yil 11-avgust.
- ↑ Jalloh, Alusine. Islam and Trade in Sierra Leone (en). Africa World Press, 1997 — 1–2-bet. ISBN 978-0-86543-544-5.
- ↑ Jalloh, Alusine. Islam and Trade in Sierra Leone (en). Africa World Press, 1997 — 21–52-bet. ISBN 978-0-86543-544-5.