Svetlana Jafarova
| Svetlana Jafarova | |
|---|---|
| Tavalludi |
14-sentyabr 1938-yil |
| Vafoti |
13-yanvar 2006-yil (67 yoshda) Ashxobod, Turkmaniston |
| Fuqaroligi |
 SSSR  Turkmaniston |
| Taʼlimi | Turkamniston univeristeti |
| Kasbi | raqqosa, xoreograf, oʻqituvchi |
| Unvoni | Turkmaniston xalq artisti |
Svetlana Ismailovna Jafarova (turkmancha: Swetlana Jafarowa; 1938-yil 14-sentyabr, Ashxobod, Turkmaniston SSR — 2006-yil 13-yanvar, Ashxobod, Turkmaniston) — turkman raqqosasi, xoreograf, oʻqituvchi. Turkmaniston xalq artisti (1993)[1].
Tarjimayi holi
Svetlana Jafarova 1938-yil 14-sentyabrda Ashxobodda tugʻilgan. 1955-yilda Turkmaniston davlat filarmoniyasi balet truppasiga qabul qilingan va truppada 1988-yilgacha chiqish qilgan. 1968-yilda Turkmaniston davlat universitetining filologiya fakultetiga rus tili va adabiyoti oʻqituvchisi mutaxassisligi boʻyicha oʻqishga kirib, 1975-yilda tamomlagan. 1988–1991-yillarda Turkmaniston davlat xalq raqs ansambli baletining yetakchi artisti, 1991–1994-yillarda Turkmaniston davlat filarmoniyasi „Mengli“ raqs ansambli bosh xoreografi, 1994-yildan Turkmaniston davlat filarmoniyasi „Mengli“ raqs ansamblining (2001-yildan Turkmaniston milliy madaniyat markazi) badiiy rahbari bo`lib ishlagan[1].
Oʻlimi
Rasmiy maʼlumotlarga koʻra, Svetlana Jafarova „toʻsatdan vafot etgan“[1]. Mahalliy gazetalarda Turkmaniston prezidenti Saparmurod Niyozov, Turkmaniston Majlisi raisi Öwezgeldi Ataýew va Turkmaniston Ministrlar kabineti raisining besh nafar amaldagi oʻrinbosari tomonidan imzolangan taʼziyanoma eʼlon qilingan.
Norasmiy versiyaga koʻra, Svetlana Jafarova Ashxoboddagi oʻz uyining podyezdida bosqinchilik hujumi natijasida oʻldirilgan. Fojianing tafsilotlari oshkor etilmagan[2].
Unvon va mukofotlari
1993-yilda Turkmaniston xalq artisti faxriy unvoni bilan, 1995-yil va vafotidan keyin 2016-yilda Turkmanistonning „Vatanga muhabbati uchun“ medali bilan taqdirlangan[3].
Manbalar
- ↑ 1,0 1,1 1,2 „Закончился жизненный путь народной артистки Туркмении Светланы Джафаровой | Интернет-газета Turkmenistan.Ru“. www.turkmenistan.ru. 2026-yil 29-aprelda asl nusxadan arxivlangan. Qaraldi: 2026-yil 8-aprel.
- ↑ „Убита народная артистка Туркменистана танцовщица Светлана Джафарова“. centrasia.org. 2026-yil 8-aprelda asl nusxadan arxivlangan. Qaraldi: 2026-yil 8-aprel.
- ↑ „УКАЗ Президента Туркменистана О награждении государственными наградами Туркменистана“. www.parahat.info (2016-yil 21-oktyabr). 2026-yil 8-aprelda asl nusxadan arxivlangan. Qaraldi: 2026-yil 8-aprel.