Suv sporti boʻyicha jahon chempionati

Suv sporti bo'yicha jahon chempionati (ilgari FINA World Championships nomi bilan tanilgan) — suv sportining olti yo‘nalishi bo‘yicha o‘tkaziladigan jahon chempionatidir. Bu musobaqalar quyidagi yo‘nalishlarni o‘z ichiga oladi: Suzish (Swimming), Suvga sakrash (Diving), Balandlikdan sakrash (High diving), Ochiq suvda suzish (Open water swimming), Badiiy suzish (Artistic swimming), Suv polosi (Water polo). Musobaqa Jahon suv sporti (ilgari FINA — Fédération internationale de natation) tomonidan tashkil etiladi. Bu tashkilot Xalqaro Olimpiya Qo‘mitasi (IOC) tomonidan xalqaro suv sporti musobaqalarini boshqaruvchi yagona rasmiy federatsiya sifatida tan olingan. World Aquatics Championships — tashkilotning eng yirik va asosiy musobaqasi bo‘lib, an’anaviy ravishda har toq yillarda (biennal, har ikki yilda bir marta) o‘tkaziladi va har safar olti yo‘nalishning barchasi bo‘yicha bahslar o‘tkaziladi. Ushbu musobaqaning tashkil etilishida Dr. Hal Henning (1972–1976 yillarda FINA prezidenti bo‘lgan va tashkilotning birinchi amerikalik rahbari) muhim rol o‘ynagan. U birinchi jahon chempionatining tashkil etilishi va Olimpiada dasturida suzish musobaqalari sonining saqlab qolinishida katta hissa qo‘shgan. Bu o‘z navbatida kuchli va muvozanatli suzish jamoalariga ega mamlakatlarga katta ustunlik bergan.