Sumgayit kimyo sanoat parki
Sumgayit kimyo sanoat parki – Ozarbayjon Respublikasi Prezidenti Ilhom Aliyevning 2011-yil 21-dekabrdagi 548-sonli farmoni bilan tashkil etilgan va 2012-yil 11-may kuni rasmiy ro‘yxatdan o‘tkazilgan. Prezident Ilhom Aliyev Sumgayit Kimyo Sanoat Parkiga uch marotaba tashrif buyurgan. 2013-yil 3-oktabr kuni davlat rahbari ishtirokida parkning poydevor qo‘yish marosimi bo‘lib o‘tdi. Shuningdek, 2015 va 2017-yillarda Prezident Ilhom Aliyev parkka tashrifi davomida bir nechta korxonalarning ochilish va yangi loyihalarga start berish marosimlarida qatnashgan[1][2].
Park haqida
Sumgayit Kimyo Sanoat Parki Ozarbayjonning Sumgayit shahrida joylashgan bo‘lib[3], Bokudan 32,5 km uzoqlikda joylashgan. Parkning umumiy maydoni 505,64 gektarni tashkil etadi. Sanoat parkining Bosh rejasiga ko‘ra, uning hududida agrokimyo va farmatsevtika kimyosi, maishiy kimyo, qurilish va bunyodkorlik kimyosi, elektronika va avtomobil sanoati uchun kimyo mahsulotlari, shuningdek polimerlar va sanoat uskunalari ishlab chiqarish yo‘nalishlari rivojlantirilishi rejalashtirilgan. Ozarbayjon Respublikasi Prezidenti tomonidan 2014-yil 18-apreldagi 396-sonli farmon bilan Sumgayit Kimyo Sanoat Parki hududidan 127,96 gektar yer maydoni maqsadli foydalanish uchun ajratilgan[4]. Shuningdek, 2017-yil 25-yanvardagi 2625-sonli farmonga muvofiq, Sumgayit shahridagi Boku–Quba avtomobil yo‘lining 37-kilometrida joylashgan 170,75 gektar yer maydoni park hududini kengaytirish uchun ajratilgan[5].
Manbalar
- ↑ „Sumgayit Chemical Industrial Park - AzerNews.az“ (en). www.azernews.az. Qaraldi: 2018-yil 22-aprel.
- ↑ „Sumgait Chemical Industrial Park“ (en-gb). scip.az. 2018-yil 23-aprelda asl nusxadan arxivlangan. Qaraldi: 2018-yil 22-aprel.
- ↑ „Main Plan“. scip.az. 2018-yil 23-aprelda asl nusxadan arxivlangan. Qaraldi: 2018-yil 22-aprel.
- ↑ „Industrial Park Ranking“. Benchmarkia: Crowd-Based Sustainability Benchmarking. Qaraldi: 2024-yil 12-iyul.
- ↑ „Sumqayit Chemistry Industrial Park“. 2017-yil 5-martda asl nusxadan arxivlangan. Qaraldi: 2018-yil 22-aprel.
Tashqi havolalar
- Sumgayit kimyo sanoat parkining rasmiy sahifasi (Wayback Machine saytida 2020-04-23 sanasida arxivlangan)