Sumenep katta masjidi
| Masjid | |
Sumenep katta masjidi
Masjid Agung Sumenep | |
| Fayl:COLLECTIE TROPENMUSEUM Moskee Madoera TMnr 60022649.jpg | |
| Masjidning kirish darvozasi | |
| Mamlakat |  Indoneziya
|
| Hudud | Madura |
| Shahar | Sumenep |
| Koordinatalar | 7°00′29″S 113°51′32″E / 7.007985°S 113.858763°E |
| Yoʻnalishi | sunniy |
| Masjid turi | Jomeʼ-Masjid |
| Meʼmoriy uslub | Xitoy va yava meʼmorchiligi |
| Meʼmor | Lauw Pia Ngo[1] |
| Binokorlik | 1779—1787 |
| Asosiy sana: 1757-yil (eski masjid qurilishi)
| |
| Hajmi | 2 000 nafar namozxon |
| Minoralar soni | 1 ta |
| Minoralar soni | 1 ta |
| Minoralar balandligi | 50 metr (160 ft) |
| Holati | amaldagi |
| Tarovih | 
|
| Saharlik va iftorlik |
|
Sumenep katta masjidi (indonezcha: Masjid Agung Sumenep) – Sumenep (Madura) shahrida joylashgan XVIII asr masjidi. Sumenepning alun-alun maydonida qad rostlagan boʻlib, u Madura orolidagi eng katta masjid va Maduraning mashhur diqqatga sazovor obidalaridan biridir.
Tarixi
Avval masjidni bunyod etgan Sumenepning 31-adipatisi (knyaz) sharafiga Panembahan Sumala Jom’e masjidi deb atalgan; masjid qurilishi 1779-yilda boshlangan va 1787-yilda yakunlangan. Masjid Sumenepdagi Kraton majmuasining bir qismi sifatida barpo etilgan[2].
Sumenep katta masjidi yangi kraton majmuasidagi ikkinchi masjid boʻlib, undan avvalgi masjid laju (madurchadan, maʼnosi – „eski masjid“) oʻrnini egallagan. Masjid laju qurilishini Sumenepning 21-hukmdori Kanjeng Raden Tumenggung Aria Anggadipa boshlab bergan va u 1757-yilda yakunlangan[3].
Meʼmorchilik
Masjid meʼmori – Maduraga koʻchib kelib yashagan xitoyliklarning dastlabki avlodlaridan biri Lauv Pia Ngo edi[1]. U 1764-yilda avvalroq yakunlangan Sumenep kratonini ham loyihalagan[4][5].
Masjidning umumiy qiyofasida eklektik taʼsirlar – xitoycha, mahalliy yavancha va gʻarbona uslublar qorishmasi – yaqqol koʻzga tashlanadi; bu Yavaning shimolidagi shaharlarga xos. Sumenep katta masjidida uch qavatli tom bor boʻlib, bu Indoneziya masjid meʼmorchiligiga xos uslubdir. Asosiy tom tepasida uchta shar tasvirlangan kemuncak bezagi joylashgan. Ushbu asosiy tom asosiy namozgohning janub, sharq va shimol tomonlarida joylashgan, kichikroq ikki qavatli tomlardan iborat oltita toʻplam bilan oʻralgan. Masjidning ichki maydoni oq gʻisht devor bilan oʻrab qoʻyilgan. Niderland mustamlaka meʼmorchiligi uslubini eslatuvchi baland derazalar va asosiy eshik esa aksincha, yorqin ranglarga boʻyalgan boʻlib, bu xitoycha uslubga xosdir[4].
Yana qarang
Manbalar
- ↑ 1,0 1,1 Musthofa Bisri 2010.
- ↑ Zein M. Wiryopraviro 1986, ss. 34–5.
- ↑ Kompasiana 2015.
- ↑ 4,0 4,1 Zein M. Wiryoprawiro 1986, ss. 34–5.
- ↑ Syaf Anton Wr 2011.
Havolalar
Vikiomborda „Sumenep katta masjidi“ mavzusi boʻyicha mediafayllar bor.
 | Masjid haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |