Kontent qismiga oʻtish

Stevan Jovetić

ZiyoSfera, erkin ensiklopediya
Stevan Jovetić
Стеван Јоветић
Jovetić Chernogoriya tarkibida (2014-yil)
Shaxsiy maʼlumot
Toʻliq ismi Stevan Jovetić[1]
Tavallud sanasi 1989-yil 2-noyabr (1989-11-02) (36 yosh)[2]
Tavallud joyi Titograd, Chernogoriya SR,
Yugoslaviya SFR
Boʻyi 1.83 m[3]
Ampluasi Strayker
Klub maʼlumoti
Joriy klub
 AEL Limassol
Raqami 9
Yoshligida aʼzo boʻlgan klublar
0000—2004 Mladost Podgorica
2004—2006 Partizan
Professional faoliyati*
Yillar Jamoa Isht. (Gol.)
2006—2008 Partizan 51 (23)
2008—2013 Fiorentina 116 (35)
2013—2016 Manchester City 30 (8)
2015—2016 →  Inter Milan 26 (6)
2016—2017 Inter Milan 5 (0)
2017 →  Sevilla 21 (6)
2017—2021 Monaco 61 (18)
2021—2023 Hertha BSC 35 (10)
2023—2024 Olympiacos 21 (6)
2024—2026 Omonia 51 (11)
2026— AEL Limassol 4 (0)
Milliy terma jamoa‡
2005—2006 Serbiya va Chernogoriya U17 9 (3)
2007 Chernogoriya U19 2 (1)
2007—2010 Chernogoriya U21 7 (2)
2007— Chernogoriya 95 (37)
*Professional klublardagi gollari (ichki chempionat)
(2026-yil 18-sentyabr uchun)
‡ Milliy terma jamoadagi gollari (2026-yil 5-oktyabr uchun)

Stevan Jovetić (Montenegrin: Стеван Јоветић; 1989-yil 2-noyabrda tugʻilgan) — chernogoriyalik professional futbolchi, Kipr Birinchi divizionining „AEL Limasol“ klubi hujumchisi hamda Chernogoriya milliy terma jamoasi sardori.

Yovetichning asosiy pozitsiyasi ikkinchi hujumchi boʻlsa-da, u hujumkor yarimhimoyachi yoki qanot hujumchisi sifatida ham toʻp sura oladi. U oʻzining driblingi, texnik mahorati va kreativligi bilan tanilgan[4] boʻlib, oʻyin uslubi jihatidan Roberto Baggioga qiyoslanadi[5][6].

Jovetich oʻz faoliyatini „Partizan“ klubida boshlab, 2008-yilda Serbiya Superligasi va Serbiya kubogida gʻalaba qozonib, „oltin dubl“ qayd etdi, shundan soʻng taxminan 10,8 million yevro evaziga „Fiorentina“ safiga qoʻshildi. Italiya klubidagi besh mavsum davomida u 134 ta oʻyinda 40 ta gol urdi va bu uning „Manchester Siti“ga taxminan 26,7 million yevro evaziga transfer qilinishiga zamin yaratdi[7]. Angliyadagi ilk mavsumidayoq u Liga kubogi va Premyer-ligada gʻolib chiqdi. Keyinchalik, 2015-yilda „Inter Milan“da oʻynash uchun Italiyaga qaytdi[8] hamda 2017-yilda Ispaniyaning „Sevilya“ klubida ijara asosida toʻp surdi[9], oʻsha yilning oxirida esa Liga 1 vakili „Monako“ safiga borib qoʻshildi[10].

Jovetić Chernogoriya terma jamoasi aʼzosi boʻlib, bungacha mamlakatning 21 yoshgacha boʻlgan terma jamoasi sharafini himoya qilgan[11]. U milliy terma jamoadagi debyutini 2007-yilda, Chernogoriyaning mustaqil davlat sifatidagi ilk xalqaro futbol uchrashuvida oʻtkazgan. U 37 ta gol bilan Chernogoriya tarixidagi eng yaxshi toʻpurar hisoblanadi.

Jovetić „Katta beshlik“ning barcha ligalarida kamida bittadan gol urgan ikkinchi futbolchi sifatida eʼtirof etilgan. U Yevropaning kuchli beshta ligasining barchasida toʻp surgan toʻrtta professional futbolchidan biridir (Florin Răducioiu, Christian Poulsen va Justin Kluivert bilan birga)[12]. Shuningdek, Jovetić halol oʻyini bilan ham tanilgan boʻlib, faoliyati davomida hech qachon toʻgʻridan-toʻgʻri qizil kartochka olmagan.

Shaxsiy hayoti

U 13 yoshida tugʻilib oʻsgan shahri Podgoritsadan Belgradga koʻchib oʻtib, „Partizan“ klubining yoshlar jamoasida toʻp surdi. U Belgradda toʻrt yarim yil yashadi[13], shundan soʻng „Fiorentina“ bilan shartnoma imzoladi (2008-yil may). 2013-yilda „Manchester Siti“ safiga oʻtguniga qadar 5 yil davomida Florensiyada istiqomat qildi[14].

Chernogoriyada unga „Joveta“ deb laqab qoʻyishgan[15]. „Fiorentina“ muxlislari esa unga „Jo-Jo“ deb laqab berishgan[16]. Uning kumirlari — „Roma“ klubining sobiq hujumchisi hamda Chernogoriya terma jamoasidagi yurtdoshi Mirko Vuchinich (Jovetich 17 yoshida Chernogoriya U-21 terma jamoasi sardorlik bogʻichini aynan undan qabul qilib olgan) va bolaligida havas qilib taqlid qilgan Andriy Shevchenkolar hisoblanadi[17].

U geymer boʻlib, koʻpincha doʻsti va sobiq jamoadoshi Matiya Nastasich bilan PlayStation oʻynaydi[13]. Chap qoʻliga butunlay tatuirovka chizdirgan („full-sleeve“)[13]. Umrida hech qachon spirtli ichimlik ichmagan[13]. Sevimli jamoasi — „Partizan“ FK[13]. Jovetich pravoslav xristian diniga eʼtiqod qiladi[18].

Yutuqlari

Partizan
  • Serbiya Superligasi: 2007–08
  • Serbiya kubogi: 2007–08
Manchester City
  • Premyer-liga: 2013–14[19]
  • Angliya liga kubogi: 2013–14
Olympiacos
  • UEFA Konferensiya Ligasi: 2023–24[20]
Omonia
  • Kipr birinchi divizioni: 2025–26[21]

Shaxsiy

  • Chernogoriyada yilning eng yaxshi futbolchisi: 2009, 2015[22]

Manbalar

  1. ↑ „Barclays Premier League Squad Numbers 2013/14“. Premier League (2013-yil 16-avgust). 2013-yil 21-avgustda asl nusxadan arxivlangan. Qaraldi: 2013-yil 17-avgust.
  2. ↑ „Stevan Jovetić – Montenegro – UEFA Nations League“ (en). UEFA. 2020-yil 23-oktyabrda asl nusxadan arxivlangan. Qaraldi: 2020-yil 8-noyabr.
  3. ↑ „Stevan Jovetic FC“. ACF Fiorentina. 2012-yil 18-avgustda asl nusxadan arxivlangan.
  4. ↑ Michael Cox. „Jovetic grows into the face of Fiorentina“. ESPN FC (2013-yil 18-fevral). 2016-yil 15-fevralda asl nusxadan arxivlangan. Qaraldi: 2016-yil 11-fevral.
  5. ↑ „Football: News, opinion, previews, results & live scores – Mirror Online“. mirrorfootball.co.uk. 2012-yil 26-avgustda asl nusxadan arxivlangan. Qaraldi: 2014-yil 14-may.
  6. ↑ Roberta Radaelli. „Slowly but surely for Jovetić“. UEFA (2009-yil 4-noyabr). 2017-yil 23-sentyabrda asl nusxadan arxivlangan. Qaraldi: 2016-yil 11-fevral.
  7. ↑ McVeigh, Niall. „Manchester City: rating every signing in 10 years of Abu Dhabi ownership“. The Guardian (2018-yil 1-sentyabr). Qaraldi: 2020-yil 8-may.
  8. ↑ „Manchester City confirm loan of Stevan Jovetic to Internazionale“. The Guardian (2015-yil 31-iyul). Qaraldi: 2020-yil 8-may.
  9. ↑ Fdez, Alberto; Sevilla „Sevilla: Jovetic, nuevo jugador del Sevilla“ (es). Marca (2017-yil 9-yanvar). 2020-yil 2-iyulda asl nusxadan arxivlangan. Qaraldi: 2020-yil 2-iyul.
  10. ↑ „El AS Mónaco anuncia el fichaje de Jovetic, recambio de Mbappé“ (es). Mundo Deportivo (2019-yil 29-avgust). 2024-yil 18-iyunda asl nusxadan arxivlangan. Qaraldi: 2020-yil 2-iyul.
  11. ↑ Stevan Jovetić – UEFA musoboqalardagi natijalari (arxivlangan)
  12. ↑ Woodward, Guy.. „The Knowledge: major league players“ (2003-yil 14-fevral). 2018-yil 4-iyulda asl nusxadan arxivlangan. Qaraldi: 2009-yil 24-aprel.
  13. ↑ 13,0 13,1 13,2 13,3 13,4 N.R. „Stevan Jovetić – Želja mi je osvajanje Lige šampiona“. Modni Ritam. 2015-yil 16-fevralda asl nusxadan arxivlangan. Qaraldi: 2015-yil 16-fevral.
  14. ↑ „Blic Sport – Jovetić: Ostajem u Sitiju, lepo mi je u Mančesteru“. Blic Sport. 2015-yil 16-fevralda asl nusxadan arxivlangan. Qaraldi: 2015-yil 16-fevral.
  15. ↑ „Joveta, dođi, budi Del Piero“ (sr). mondo.rs (2013-yil 27-may). 2013-yil 12-iyulda asl nusxadan arxivlangan. Qaraldi: 2013-yil 21-iyul.
  16. ↑ „Jovetic, Chiamatemi Jo-Jo ma non sono Baggio“ (it). Firenzeviola.it.
  17. ↑ 10 things you need to know about Fiorentina hotshot Stevan Jovetic (Wayback Machine saytida 11 May 2014 sanasida arxivlangan). Mirrorfootball.co.uk (2 November 1989). Retrieved 8 January 2012.
  18. ↑ „Blic Sport – Praznični duh u Mančester sitiju: Džeko čestitao Božić“. Blic Sport. 2015-yil 16-fevralda asl nusxadan arxivlangan. Qaraldi: 2015-yil 16-fevral.
  19. ↑ „Stevan Jovetic: Overview“. Premier League. 2018-yil 17-aprelda asl nusxadan arxivlangan. Qaraldi: 2018-yil 17-aprel.
  20. ↑ „El Kaabi swoops to secure Greece's first major European trophy“. UEFA (2024-yil 29-may). 2024-yil 30-mayda asl nusxadan arxivlangan. Qaraldi: 2024-yil 30-may.
  21. ↑ „Η «χρυσή βίβλος» των τίτλων: Για 22η φορά πρωταθλήτρια η Ομόνοια!“ (Greek). 24sports.com.cy (2026-yil 2-may). Qaraldi: 2026-yil 2-may.
  22. ↑ „Player of the year – Montenegro“. World Football.net. 2023-yil 25-martda asl nusxadan arxivlangan. Qaraldi: 2016-yil 8-fevral.

Havolalar

Vikiomborda „Stevan Jovetić“ mavzusi boʻyicha mediafayllar bor. 
"https://ziyosfera.uz/index.php?title=Stevan_Jovetić&oldid=1242331" dan olindi