Stefania Belmondo
| Stefania Belmondo | |
|---|---|
 | |
| Shaxsiy maʼlumotlari | |
| Jinsi | Ayol |
| Fuqaroligi |
 Italiya |
| Tavallud sanasi |
1969-yil 13-yanvar Vinadio, Cuneo, Italiya |
| Boʻyi | 158 sm |
| Sport | |
| Qaysi sport | kross-chang‘ichi |
| Klubi | G. S. Forestale |
Stefania Belmondo („Tiny Tornado“ laqabi bilan tanilgan; 1969-yil 13-yanvarda tugʻilgan) – Italiyalik sobiq changʻi poygachisi (cross-country skiing boʻyicha), ikki karra Olimpiada chempioni va toʻrt karra jahon chempioni[1][2][3][4].
Hayoti va karyerasi
Bolalik davri
Belmondo Cuneo provinsiyasi Vinadioda tugʻilgan. Onasi uy bekasi, otasi esa elektr kompaniyasi xodimi boʻlgan. Faoliyati davomida u G.S. Forestale klubi sharafini himoya qilgan.
U uch yoshidan boshlab tugʻilib oʻsgan Piedmont togʻlarida changʻi uchishni boshlagan.
Faoliyati
1987-yilda FIS Nordic World Ski Championships musobaqasida debyut qilgan. Keyingi mavsumda Italiya asosiy milliy terma jamoasiga qoʻshilib, 1988-yil Qishki Olimpiada oʻyinlarida (Calgary, Alberta, Canada)da ishtirok etgan. 1989-yilda u Salt Lake Cityda ilk bor Dunyo Kubogi bosqichida gʻalaba qozonib, mavsumni umumiy hisobda ikkinchi oʻrinda yakunlagan[5].
Ilk muvaffaqiyat, jarohat va qaytish
1991-yilgi FIS Nordic World Ski Championshipsda u 15 km masofada bronza, 4 × 5 km estafetada kumush medalni qoʻlga kiritgan. 1992-yilgi (Albertville) Qishki Olimpiada oʻyinlarida esa 30 km yoʻnalishda ilk Olimpiada oltin medalini qoʻlga kiritgan.
1993-yilgi FIS Nordic World Ski Championshipsda u 5 km + 10 km kombinatsiyalangan poyga va 30 km masofada oltin, 4 × 5 km estafetada esa kumush medalni qoʻlga kiritgan. Shundan soʻng oʻng oyogʻining bosh barmogʻi jarohati sababli operatsiya qilingan va 4 oy musobaqalardan chetda qolgan.
Ikkinchi operatsiyadan keyin u 1994-yilgi Qishki Olimpiada oʻyinlari(Lillehammer)da qatnashib, ikki bronza medal bilan cheklangan. Shifokorining tavsiyasiga qaramay, u faoliyatini davom ettirishga qaror qilgan. 1996–1997 mavsum uning operatsiyalardan keyingi eng muvaffaqiyatli mavsumlaridan biri boʻlib, u 5 km, 15 km va 30 km masofalarda uchta kumush medalni qoʻlga kiritgan.
1998-yilgi Qishki Olimpiada oʻyinlari(Nagano, Japan)da u 4 × 5 km estafetada bronza va 30 km masofada kumush medalni qoʻlga kiritgan. Estafetadagi bronza ayniqsa eʼtiborga loyiq edi, chunki Belmondo oxirgi bosqichni boshlaganda Italiya jamoasi toʻqqizinchi oʻrinda edi.
Faoliyatining soʻnggi yili – 2002-yilda u Qishki Olimpiada oʻyinlarida bitta oltin, bitta kumush va bitta bronza medalni qoʻlga kiritgan hamda oʻsha yilgi World Cup umumiy reytingini uchinchi oʻrinda yakunlagan.
2006-yilgi Qishki Olimpiada oʻyinlari (Turin, uning tugʻilib oʻsgan Piedmont hududi) ochilish marosimida u Olimpiada mash’alasini yoqdi. Shuningdek, 2006-yilgi Turin Qishki Olimpiya oʻyinlari rasmiy saytida musobaqalar davomida oʻz his-tuygʻulari va taassurotlari haqida maxsus sahifalar yuritgan.
Olimpia oʻyinlari
- 10 medals – (2 oltin, 3 kumush, 5 bronza)
| Yil | Yoshi | 5 km | 10 km | 15 km | Pursuit | 20 km | 30 km | Sprint | 4 × 5 km |
|---|---|---|---|---|---|---|---|---|---|
| 1988 | 19 | — | 19 | — | — | 29 | — | — | 10 |
| 1992 | 23 | 4 | — | 5 | Silver | — | Gold | — | Bronze |
| 1994 | 25 | 13 | — | 4 | Bronze | — | — | — | Bronze |
| 1998 | 29 | 12 | — | 8 | 5 | — | Silver | — | Bronze |
| 2002 | 33 | — | Bronze | Gold | 11 | — | Silver | — | 6 |
Manbalar
- ↑ „Belmondo bows out on a high“. olympics.com (2002-yil 9-fevral). Qaraldi: 2024-yil 30-avgust.
- ↑ „Olympic flame lit over Turin as Winter Games begin“. www.chinadaily.com.cn. Qaraldi: 2024-yil 30-avgust.
- ↑ „Meet Marit Bjoergen, now the most decorated female athlete in Winter Olympics history“ (en-US). USA TODAY. Qaraldi: 2024-yil 30-avgust.
- ↑ Hastings, Deborah „Benvenuto!“ (en-US). The Herald-Times. Qaraldi: 2024-yil 30-avgust.
- ↑ „Belmondo opens Europe's medal rush“ (en-GB) (2002-yil 9-fevral). Qaraldi: 2024-yil 30-avgust.
[[Turkum:]]