Stanislav Boklan
| Stanislav Boklan | |
|---|---|
.JPG) | |
| Tavalludi |
1960-yil 12-yanvar |
| Fuqaroligi |
 Ukraina |
| Kasbi | teatr va kino aktyori |
| Faoliyat yillari | 1984–hozirgacha |
| Turmush oʻrtogʻi | Nataliya Klenina |
Stanislav Volodimirovich Boklan (ukraincha: Станіслав Володимирович Боклан; 1960-yil 12-yanvar, Brusilov, Jitomir viloyati, Ukraina SSR, SSSR) – ukrainalik teatr va kino aktyori. Ukraina xalq artisti (2016)[1] . 3-darajali „Buyuk xizmatlari uchun“ ordeni kavaleri (2021). Boklan Sluga narodu serialidagi Ukraina Bosh vaziri Yuriy Chuyko roli, „Papik“ serialidagi Aleksandr Merkulov roli va „Krepostnaya“ serialidagi Pyotr Chervinskiy roli tufayli mashhurlikka sazovor boʻlgan[2].
Hayoti
Stanislav Boklan 1960-yil 12-yanvarda Brusilov shahrida (Jitomir viloyati) tugʻilgan. Keyinroq oilasi Kievga koʻchib oʻtgan. Boklan Svyatoshinskiy tumanida sanʼatga aloqasi boʻlmagan oddiy ishchi oilasida oʻsgan. Maktabdan soʻng Boklan „Kristal“ zavodiga ishga borgan, u yerda „mikromodulda elektr parametrlarini oʻlchovchi“ ishchi boʻlib ishlagan[3].
1979-yilda Boklan doʻsti bilan teatr institutiga oʻqishga kirish uchun imtihon topshiradi, ammo oʻtolmagan. "Esimda, imtihondan keyin yomon baho olganimdan keyin hech kim meni hech qayerga ishga ololmasligini tushundim. Nutq oʻqituvchisi ortimmdan chiqdi. U meni toʻxtatib, „Albatta yana urinib koʻring. Sizda nimadir bor, deb aytdi“. „Va bir yildan keyin men teatr institutiga oʻqishga kirdim“, deb eslaydi aktyor.
1984-yilda I. K. Karpenko-Kariy nomidagi Kiyev davlat teatr sanʼati institutining aktyorlik fakultetini tamomlagan (Boris Stavitskiy kursi)[4][5].
1984-yildan 1994-yilgacha Donesk viloyati akademik drama teatrida (Mariupol) ishlagan.
1994-yildan 2020-yilgacha Kiyev akademik yosh teatrining aktyori boʻlgan[6].
2017-yil oxirida aktyor „Liga smexa“ shousining hakamlar hay’ati aʼzosi boʻldi.
2021-yil noyabr oyidan boshlab Boklan „Kim millioner boʻlishni xohlaydi?“ ukraincha koʻrsatuvining boshlovchisi boʻlib faoliyat olib bormoqda
Oilasi
Birinchi xotini teatr va kino aktrisasi Yelena Dudich. Ularning Marianna Boklan ismli qizi bor. Ikkinchi xotini teatr va kino aktrisasi Natalya Klenina. Oʻgay oʻgʻli (xotinining teatr va kino aktyori Aleksandr Pyanzin (1956—2018) nikohidan boʻlgan oʻgʻli) Kirill Dumskiy[3]. Nevaralari Demid (2015-yilda tugʻilgan), Arina (2017-yilda tugʻilgan). Kichik ukasi Nikolay Boklan (1963-yil 13-oktyabrda tugʻilgan) ukrainalik teatr va kino aktyori, Ukrainada xizmat koʻrsatgan artist (2008).
Manbalar
- ↑ Ukaz Prezidenta Ukraїni vіd 22 sіchnya 2016 roku № 18/2016 „Pro vіdznachennya derjavnimi nagorodami Ukraїni z nagodi Dnya Sobornostі Ukraїni“ Wayback Machinedagi asl nusxadan arxivlangan arxiv nusxasi. (26-yanvar 2016-yil)(ukr.)
- ↑ „Станіслав Боклан: Біографія, особисте життя та найкращі фільми“ (uk-UA). Офіційний сайт каналу 1+1 (2017-yil 12-yanvar). Qaraldi: 2023-yil 19-iyul.
- ↑ 3,0 3,1 „Станислав Боклан“. 24smi. 2019-yil 22-iyulda asl nusxadan arxivlangan.
- ↑ Kratkaya biografiya aktyora Stanislava Vladimirovicha Boklana. (Wayback Machine saytida 2015-02-05 sanasida arxivlangan) Wayback Machinedagi asl nusxadan arxivlangan arxiv nusxasi. (5-fevral 2015-yil) Ofitsialniy sayt Kievskogo akademicheskogo Molodogo teatra // molody.kiev.ua
- ↑ „боклан станіслав володимирович — Київський академічний Молодий театр“ (uk) (2015-yil 5-fevral). 2015-yil 5-fevralda asl nusxadan arxivlangan. Qaraldi: 2022-yil 18-mart.
- ↑ „Новий сезон Молодого театру: Вітовська зіграє перукарку, а Ребрик - безсмертну артистку“. Зеркало недели | Дзеркало тижня | Mirror Weekly. Qaraldi: 2022-yil 18-mart.