Sotim Ulugʻzoda

Sotim Ulugʻzoda
Fayl:Sotim-Ulugʻzoda.jpg
Tavalludi	11-sentyabr 1911-yil Chust, Fargʻona viloyati, Rossiya imperiyasi
Vafoti	25-iyun 1997-yil(1997-06-25) (85 yoshda) Dushanbe, Tojikiston
Kasbi	adabiyot
Fuqaroligi	Tojikiston

Sotim Ulugʻzoda (1911-yil, 9-noyabr, Chust – 1997, Dushanbe) – tojik yozuvchisi, dramaturg, adabiyotshunos. Tojikiston Fanlar akademiyasi muxbir aʼzosi (1951). Toshkent Oʻqituvchilar institutini tugatgan (1929). Ikkinchi jahon urushi qatnashchisi. Tojikiston Yozuvchilar uyushmasi boshqaruvining birinchi kotibi (1944 —46). Ijodi 1930 -yildan boshlangan. „Oʻt ichida“ dramasi (1944)da xalqning fashizmga qarshi kurashi tasvirlangan. „Himmatli doʻstlar“ (1947), „Yoshligimiz tongi“ (1951) qissalari, „Izlovchilar“ komediyasi (1951) oila muammolari haqida. „Yashnagan diyor“ (1953) romani urushdan keyingi yillar qoʻriq va boʻz yerlarni oʻzlashtirishga bagʻishlangan. Sotim Ulugʻzoda „Ibn Sino“ (1953), „Shoir qismati“ (1957), „Rudakiy“ (1958), „Vakila“ (1960) kinossenariylari, „Gavhari shamchiroq“ (1962) komediyasi, „Voseʼ“ romani (1967) muallifi. Asarlari oʻzbek tiliga tarjima qilingan.

Adabiyotlar

• Yoshligimiz tongi [qissa], T., 1958;
• Voseʼ [roman], T., 1970.