Soslan Tigiyev

Soslan Vaznoyevich Tigiyev
Shaxsiy maʼlumotlari
Jinsi	erkak
Fuqaroligi	Rossiya → Oʻzbekiston
Tavallud sanasi	1983-yil 12-oktyabr (1983-10-12) Vladikavkaz, Shimoliy Osetiya, RSFSR
Boʻyi	175 sm
Vazni	74 kg
Mukofotlar
Sport
Mamlakat	Oʻzbekiston
Qaysi sport	Erkin kurash

Soslan Tigiyev

Medal soni
Oʻzbekiston vakili
Erkin kurash
Olimpiada oʻyinlari
Chetlatilgan	London-2012	74kg
Chetlatilgan	Pekin-2008	74 kg
Jahon chempionati
Bronza	Guanchjou-2006	74 kg
Jahon kubogi
Oltin	Krasnoyarsk-2007	74 kg
Osiyo oʻyinlari
Bronza	Doha-2006	74 kg
Osiyo chempionati
Kumush	Uxan-2005	74 kg

Soslan Vaznoyevich Tigiyev (osetin: Тыджыты Вазнойы фырт Сослан ; 1983-yil 12-oktyabr kuni Shimoliy Osetiyaning Vladikavkaz shahrida tugʻilgan) – osetiyalik erkin kurashchi, musobaqalarda Oʻzbekiston nomidan ishtirok etadi, erkin kurash boʻyicha Jahon kubogi sohibi, 2008-yili Pekin va 2012-yilgi London Olimpiadalarining kumush va bronza medallari egasi. Xalqaro toifadagi sport ustasi.

Hayoti

1983-yil 12-oktyabr kuni Shimoliy Osetiyaning Vladikavkaz shahrida, Tigiyevlar oilasida, egizak akasi Batraz bilan birga tugʻilgan. Egizaklar yoshligidan harakatchan boʻlishgan va onasi ularni bir yildan beri bolakaylarning akasi – Taymuraz shugʻullanayotgan erkin kurash toʻgaragiga topshirishga qaror qilgan. 1998-yili Soslan Moskvadagi Butunjahon oʻsmirlar oʻyinlarida bronza medalini qoʻlga kiritadi, biroq shu musobaqadan soʻng, jarohat sabab faoliyatida uzilish yuzaga keladi. 2005-yildan eʼtiboran yana katta sportga qaytgan Soslan musobaqalarda ketma-ket yutuqlarga erisha boshlaydi. 2006—2010-yillar davomida – Shimoliy Osetiya davlat Agrar universitetida tahsil oldi.

Sport faoliyati

Soslanning faoliyati nisbatan yaxshi kechadi. U 2005-yildan beri Oʻzbekiston nomidan xalqaro musobaqalarda ishtirok etib keladi. Shu yili Uxanda boʻlib oʻtgan Osiyo chempionatida ikkinchi oʻrinni oladi.

• 2006-yil Ukraina davlatida oʻtkazilgan xalqaro turnirda 1-oʻrin, Rossiya Federatsiyasi davlatida oʻtkazilgan xalqaro turnirda 3-oʻrinlarni egallagan.

2006-yili esa Guanchjouda boʻlib oʻtgan jahon chempionati va Dohada boʻlib oʻtgan Osiyo oʻyinlarida bronza medallarni qoʻlga kiritadi. Shu yili, Toshkent shahrida oʻtkazilgan „Mustaqillik Kubogi“ xalqaro turnirida 3-oʻrinlarni egallagan.

• 2007-yili Krasnoyarskda boʻlib oʻtgan jahon chempionatida birinchi oʻrinni qoʻlga kiritadi.
• 2008-yil Shveysariya davlatida oʻtkazilgan Olimpiada oʻyinlariga yoʻllanma beruvchi xalqaro turnirda oltin medalni qoʻlga kiritib, Olimpiada oʻyinlariga yoʻllanmasiga ega boʻldi.

2008-yili Pekinda boʻlib oʻtgan Olimpada oʻyinlarida kumush medal egasiga aylanadi.

• 2009-yili esa Bokuda oʻtkazigan „Golden Grand Prix“ musobaqasi gʻolibiga aylandi. 2012-yili esa Londonda oʻtkazilgan Olimpiada oʻyinlari bronza medal egasiga aylandi.

2008-yil avgust oyida Xitoyning Pekin shahrida oʻtkazilgan XXIX-yozgi Olimpiada oʻyinlarida munosib ishtirok etib 2- oʻrin.

• 2012-yil Angliyaning London shahrida oʻtkazilgan 2012 Yozgi Olimpiya oʻyinlarida 3-oʻrinni egalladi.

Mukofotlari

• 2006-yildan erkin kurash boʻyicha Oʻzbekiston milliy terma jamoasi aʼzosi. Erkin kurash boʻyicha xalqaro toifadagi sport ustasi.
• 2008-yili Oʻzbekiston Respublikasida xizmat koʻrsatgan sportchi faxriy unvoni.
• 2012-yil Oʻzbekiston iftixori faxriy unvoni bilan taqdirlangan.

Diskvalifikatsiya

7-noyabr kuni Associated Press axborot agentligi ikkita manbaga asoslanib, Soslan Tigiyevning organizmidan taqiqlangan metilgeksanamin moddasi topilgani va 2012-yilgi London Olimpiadasi medalidan mahrum etilishi haqida xabar tarqatdi. Shu kuni Xalqaro Olimpiya Qoʻmitasi ushbu xabarni tasdiqladi.