Kontent qismiga oʻtish

Sophie Jaques

ZiyoSfera, erkin ensiklopediya
Sophie Jaques
2024-yilda Jaques PWHL Minnesota jamoasi safida
Tugʻilgan joyi 2000-yil 16-oktyabr (2000-10-16) (25 yosh)
Toronto, Ontario, Kanada
Boʻyi 5 ft 8 in (173 cm)
Pozitsiyasi Himoyachi
Maydondagi joylashgan oʻrni Oʻng
PWHL
Sobiq jamoalar		 Vancouver Goldeneyes
Minnesota Frost
PWHL Boston
Jamoalardagi faoliyat 2018—hozirgacha
Medallari va yutuqlari
Jahon chempionatlari
Kumush 2025-yilgi Jahon chempionati, Chexiya

Sophie Jaques (2000-yil 16-oktabrda tugʻilgan) – Professional Ayollar Xokkey Ligasi (PWHL) Vancouver Goldeneyes jamoasi tarkibida oʻynovchi kanadalik professional xokkey himoyachisi. Bundan avval Minnesota Frost jamoasida oʻynagan va jamoa tarkibida 2 marta Walter kubogini qoʻlga kiritgan.

Yoshligi

Jaques uch mavsum davomida Provincial Ayollar xokkeyi ligasidagi Toronto Jr. Aeros jamoasi safida oʻynagan va 78 ta oʻyinda 20 ta gol hamda 25 ta golli uzatmani oʻz hisobiga yozdirgan[1]. Sportchi Aeros jamosiga 2016 va 2018-yillarda PWHL chempionati va Viloyat kubogini qoʻlga kiritishda yordam bergan[2][3][4].

Sport faoliyati

Kollej

Jaques oʻzining kollej talabalari oʻrtasidagi sport faoliyatini 2018–2019-yilgi mavsumda Ohio shtati Buckeyes jamoasida boshlagan. 1-kurs talabasi sifatida u 35 ta oʻyinda 5 ta gol va 16 ta golli uzatmani qayd etgan. Sportchi gol, golli uzatma va ochkolar boʻyicha barcha yangi xokkeychilar orasida yetakchi, mavsum davomida esa jamoa boʻyicha umumiy hisobda 6-oʻrinni egallagan[5].

2019–2020-yilgi mavsumda 2-kurslik paytida u 38 ta oʻyinda 9 ta gol va 15 ta golli uzatmani amalga oshirgan[6]. Sportchi konferensiya doirasida himoyachilar orasida ochkolar boʻyicha 3-oʻrinni egallagan, darvozaga yoʻllangan zarbalar boʻyicha 131 ta zarba bilan barcha himoyachilar orasida yetakchi boʻlgan. Shuningdek, 58 ta raqib zarbalarini toʻsib qolgan holda jamoada 2-oʻrinni qayd etgan. Mavsum yakunida sportchi All-WCHA Uchinchi jamoasi tarkibiga kiritilgan[7]. 2020–2021-yilgi mavsum davomida sportchi 3-kurs boʻlgan. Oʻsha paytda u pandemiya tufayli qisqartirilgan mavsumda 2 ta gol va 2 ta golli uzatmani qayd etgan. Jaques barcha WCHA himoyachilari orasida 54 ta darvozaga yoʻllangan zarba, shuningdek, 33 ta raqib zarbasini toʻsib qolgan holda jamoada yetakchilikni qoʻlga kiritgan[6].

2021–2022-yilgi mavsumda sportchi 4-kursda oʻqiyotgan edi. U 38 ta oʻyinda 21 ta gol va 38 ta golli uzatmani amalga oshirgan.

Shuningdek, sportchi Buckeyes jamoasiga 2022-yilda ilk bor NCAA ayollar xokkeyi turniri chempionligini qoʻlga kiritishda yordam bergan[8][9]. Yaxshi natijalar bilan yakuniga yetgan ushbu mavsumdan soʻng u All-WCHA Birinchi jamoasi tarkibiga kiritilgan va WCHA tomonidan „Yilning eng yaxshi himoyachisi“" deb topilgan[10][11].

2022–2023-yilgi mavsum chogʻida Jaques magistratura talabasi sifatida 39 ta oʻyinda 24 ta gol va 24 ta golli uzatmani qayd etgan[12]. 2023-yil 24-fevralda u „Bemidji State“ jamoasiga qarshi oʻyinda oʻzining faoliyati davomidagi ilk xet-trikini qayd etgan[13]. Ushbu mavsumdan soʻng u yana All-WCHA Birinchi jamoasi tarkibiga kiritilgan. Bundan tashqari WCHA tomonidan „Yilning eng yaxshi oʻyinchisi“ va ketma-ket 2-yil „Yilning eng yaxshi himoyachisi“ deb topilgan.

Xalqaro oʻyinlar

2026-yil 9-yanvarda Jaques 2026-yilgi Qishki Olimpiada oʻyinlarida ishtirok etish uchun Kanada terma jamoasi tarkibiga kiritilgan[14].

Manbalar

  1. ↑ „Meet Midget Aeros Defensemen #22 - Sophie Jaques“. v.com (2015-yil 21-oktyabr). 2023-yil 12-martda asl nusxadan arxivlangan. Qaraldi: 2023-yil 12-mart.
  2. ↑ „Toronto Junior Aeros Crowned 2016 PWHL Champions“. torontoaeros.com (2016-yil 5-aprel). 2023-yil 12-martda asl nusxadan arxivlangan. Qaraldi: 2023-yil 12-mart.
  3. ↑ „Toronto Aeros Capture PWHL Gold at Final 4“. torontoaeros.com (2018-yil 26-mart). Qaraldi: 2023-yil 12-mart.[sayt ishlamaydi]
  4. ↑ „Junior Aeros Capture Provincial Gold“. torontoaeros.com (2018-yil 10-aprel). 2023-yil 12-martda asl nusxadan arxivlangan. Qaraldi: 2023-yil 12-mart.
  5. ↑ Lukan, Alison „Freshman Sophie Jaques cementing a spot on Buckeyes' top defensive pair“ (2018-yil 17-dekabr). 2023-yil 12-martda asl nusxadan arxivlangan. Qaraldi: 2023-yil 12-mart.
  6. ↑ 6,0 6,1 „Sophie Jaques Bio“. ohiostatebuckeyes.com. 2023-yil 12-martda asl nusxadan arxivlangan. Qaraldi: 2023-yil 12-mart.
  7. ↑ „WCHA Announces 2019-20 All-League Teams, Presented by Sterling Trophy“. wcha.com (2020-yil 27-fevral). 2022-yil 20-avgustda asl nusxadan arxivlangan. Qaraldi: 2023-yil 12-mart.
  8. ↑ Rabinowitz, Bill „Ohio State defenseman Sophie Jaques, a Kazmaier finalist, leads Buckeyes into Frozen Four“ (2022-yil 17-mart). 2023-yil 12-martda asl nusxadan arxivlangan. Qaraldi: 2023-yil 12-mart.
  9. ↑ Keatley, Josh „Ohio State women's hockey wins national championship“ (2022-yil 20-mart). 2023-yil 12-martda asl nusxadan arxivlangan. Qaraldi: 2023-yil 12-mart.
  10. ↑ „Jaques, Muzerall Pick Up WCHA Postseason Honors“. ohiostatebuckeyes.com (2022-yil 2-mart). 2023-yil 12-martda asl nusxadan arxivlangan. Qaraldi: 2023-yil 12-mart.
  11. ↑ „WCHA unveils four individual award winners for 2021-22 women’s college hockey season“. USCHO.com (2022-yil 1-mart). 2023-yil 12-martda asl nusxadan arxivlangan. Qaraldi: 2023-yil 12-mart.
  12. ↑ Douglas, William „Color of Hockey: Jaques has unfinished business at Ohio State“. NHL.com (2023-yil 6-fevral). 2023-yil 12-martda asl nusxadan arxivlangan. Qaraldi: 2023-yil 12-mart.
  13. ↑ „Jaques’ Hat Trick Pushes Buckeyes Past Beavers, 4-1“. ohiostatebuckeyes.com (2023-yil 24-fevral). 2023-yil 4-martda asl nusxadan arxivlangan. Qaraldi: 2023-yil 12-mart.
  14. ↑ „Team Canada unveils women’s roster for 2026 Olympics in Milan“. TSN.ca (2026-yil 9-yanvar). Qaraldi: 2026-yil 9-yanvar.

Havolalar

Vikiomborda „Sophie Jaques“ mavzusi boʻyicha mediafayllar bor. 
"https://ziyosfera.uz/index.php?title=Sophie_Jaques&oldid=787453" dan olindi