Sohibqiron (doston)

„SOHIBQIRON“ — oʻzbek xalq dostoni. Oʻgay onalar tuhmati bilan chaqaloqligidayoq ota-onasidan ajratilgan egizaklar taqdiri haqidagi dostonlar turkumi („Qironxon“, „Oyparcha“, „Odilxon“, „Choryor“, „Zorliq bilan Mungliq“ va boshqalar)ga kiradi. „S.“da farzandsizlik tufayli chekilgan ohu zorlar, kundoshlarning mol-dunyo orttirish yoʻlidagi gʻarazli niyatlari, qabixliklari, shohning adolatsiz hukmi, Boʻtakoʻzning zindonda azob tortishi, egizaklar taqdiri, sarguzashtlari va hokazo fantastik hodisalar bilan uygʻunlikda ifodalangan. Unda muhim ijtimoiy, maʼnaviy-axloqiy masalalar, omma ongiga oson yetib boradigan uslubda bayon qilingan. „S.“ dagiga oʻxshash syujet boshqa xalqlar yozma adabiyotiga ham oʻtgan (A. S. Pushkinning „Shoh Sulton, oʻlik malika va yetti bahodir haqida ertak“ asari).

Nashri: Sohibqiron, Doston, T., 1964.