Sofiya Vohidova
 | Bu maqolada manbalar <ref></ref> teglariga olinmagan yoki umuman koʻrsatilmagan. |
| Sofiya Ahmedovna Vohidova | |
|---|---|
| Tavalludi |
1937-yil Toshkent viloyati Bekobod tumani |
| Istiqomat joylari | Toshkent, Andijon |
| Fuqaroligi |
Oʻzbekiston SSR,  Oʻzbekiston |
| Kasbi | tarixchi olima |
| Ish joylari | Andijon davlat pedagogika instituti |
| Taʼlimi | Toshkent davlat universiteti |
| Ilmiy darajasi | tarix fanlari doktori |
| Ilmiy unvoni | professor |
| Tezis sarlavhasi | „Oʻzbekiston kolxozchi-dehqonlari madaniy texnika saviyasining oʻsishi (Andijon viloyati misolida)“ (nomzodlik), „Oʻzbekiston kolxozchi-dehqonlarni madaniy va kasb-hunar saviyasini oshirish (1959—1975-yillar)“ (doktorlik) |
Sofiya Ahmedovna Vohidova – Xalq maorifi aʼlochisi, tarix fanlari doktori (1984), professor.
Tarjimayi holi
Sofiya Vohidova 1937-yilda Toshkent viloyatining Bekobod tumanida tavallud topgan. 1961-yilda Toshkent davlat universiteti (hozirgi Oʻzbekiston Milliy universiteti) filologiya fakultetining jurnalistika boʻlimini tamomlagan[1].
Olima ish faoliyatini Andijon davlat pedagogika instituti (hozirgi Andijon davlat universiteti)dan boshlaydi. 1979-yildan 1993-yilgacha mazkur institutda kafedra mudiri lavozimida ishlab kelgan, 1980—1985-yillarda Andijon shahar Kengashiga deputat boʻlgan[manba kerak].
Ilmiy faoliyati
Olima „Oʻzbekiston kolxozchi-dehqonlari madaniy texnika saviyasining oʻsishi (Andijon viloyati misolida)“ mavzusidagi nomzodlik, „Oʻzbekiston kolxozchi-dehqonlarni madaniy va kasb-hunar saviyasini oshirish (1959—1975-yillar)“[2] mavzusidagi doktorlik dissertatsiyalarini himoya qilgan.
Sofiya Vohidova oʻz ilmiy tadqiqotlarida qishloq infratuzilmasini oʻzgartirish muammolarini, qishloq aholisining, ayniqsa, yoshlarnimg madaniylik darajasini, kasb-hunar egallashdagi saviyasini koʻtarish, turmush tarzini, urf-odatlarini zamonaviy hayot bilan bogʻlash kabi dolzarb muammolarni koʻtarib chiqqan[manba kerak]. Oʻz faoliyati davrida vazirlik, viloyat hokimligi, oʻzi faoliyat koʻrsatgan oliy taʼlim muassasalari rahbarlari tomonidan bir necha bor ragʻbatlantirilgan.
Profesor Sofiya Vohidovaning ilmiy yoʻnalishi bir qancha sohalarni qamrab olgan. Oʻzbekiston kolxozchi-dehqonlarni madaniy va kasb-hunar hayot faoliyatini oʻrgangan, siyosatshunoslik asoslari yoʻnalishida faoliyat koʻrsatgan[3].
Asarlari
Professor Sofiya Vohidova quyidagi ilmiy va oʻquv-uslubiy ishlarni chop ettirgan:
- Oʻzbekiston kolxozchi-dehqonlari madaniy va professional texnika saviyasining oʻsishi (1959–1970-yillar). – Toshkent: Fan, 1975.
- Qishloq mehnatkashlari madaniyati va mehnat malakasini oshirish masalalari. – Toshkent: Fan, 1977.
- Oʻzbekiston qishloq mehnatkashlari madaniyati va professional texnika saviyasining oʻsishi, 1966—1970-yillar. Toshkent: Fan, 1986.
Manbalar
- ↑ Ўзбекистон тарихчилари (библиографик маълумотнома), биринчи жилд. Тошкент: Fan va texnologiya, 2012. — 71-bet.
- ↑ Вахидова С.А. Рост культурного и профессионально-технического уровня колхозного крестьянства Узбекистана в условиях развитого социализма (1966-1975): диссертация ... доктора исторических наук: 07.00.02, Ташкент, 1984 — 371-bet.
- ↑ Вахидова С.А. Повышение культурного и профессионально-технического уровня колхозного крестьянства Узбекистана, 1966-1975 гг. Ташкент: Фан, 1986. — 117-bet.