Sofdil mahallasi
Sofdil mahallasi (Birlik koʻchasi, 1) – Oʻzbekiston Respublikasi Toshkent shahar Sergeli tumanidagi mahalla. 1996-yil Toshkent viloyati Zangiota tumani tarkibida Temir yoʻlchilar mahallasi nomi bilan tashkil etilgan. Mahalladagi „Oʻzgarish“ dahasida joylashgan 3 ta koʻp qavatli uylarni Oʻzbekiston temir yoʻllari kompaniyasi oʻz ishchi-xizmatchilariga qurib topshirgani va ularda asosan temir yoʻli ishchilari yashayotganligi uchun „Temir yoʻlchi“ deb nomlangan. Aholisi 6 750 kishi. 10 ta koʻp qavatli uyda – 963 ta oila, yakka tartibdagi uylarda 504 oila istiqomat qiladi (2008). Mahalla aholisining asosiy qismini oʻzbeklar, ruslar, qozoqlar va tatarlar tashkil qiladi. Mahalla hududida, oziq-ovqat doʻkoni, mahsulotlari doʻkoni, 2 ta kafe, 3 novvoyxona mavjud. Mahallada 2 ta koreys ibodatxonasi faoliyat yuritib kelmoqda.[1] Maydoni 75,6 gektar.[2]
Tumandagi Soʻgʻdiyona, Ittifoq, Nilufar, Ziynat, Sohibqiron hamda Yangihayot tumanining Mash’al mahallalari bilan chegaradosh.[2] 2020-yil Yangihayot tumani tashkil etilganda mahalla hududining bir qismi yangi tumanga oʻtkazilgan.[3]
Takror mahalla nomini tartibga keltirish maqsadida[4], 2016-yil 21-apreldagi Xalq deputatlari Toshkent shahar kengashi qaroriga binoan mahalla nomi Sofdil deb oʻzgartirilgan.[5]
Manbalar
- ↑ Toshkent. Ensiklopediya, 2009-yil.
- ↑ 2,0 2,1 „“Toshkent shahrining Mirzo Ulug‘bek, Sergeli, Yangihayot va Yashnobod tumanlaridagi mahallalarning aniq chegaralarini belgilash to‘g‘risida”gi Xalq deputatlari Toshkent shahri kengashining VI-99-35-14-0-K/24 sonli qarori“ (oʻzbekcha). kengash.gov.uz. Oʻzbekiston hukumati (2024-yil 2-aprel). Qaraldi: 25-aprel 2025-yil.
- ↑ „Toshkentning Yangihayot kichik tumani tarkibiga qaysi mahallalarning kirishi ma’lum bo‘ldi“. Gazeta.uz. Afisha Media (2020-yil 22-iyun). Qaraldi: 26-aprel 2025-yil.
- ↑ „“Toshkent shahridagi ba'zi geografik obyektlar nomlarini tartibga keltirish to‘g‘risida”gi Toshkent shahar hokimining 1111/14-4-sonli qarori“. lex.uz. Toshkent: Oʻzbekiston Respublikasi Adliya vazirligi (2016-yil 21-aprel). Qaraldi: 25-aprel 2025-yil.
- ↑ „Toshkent shahridagi 100dan ortiq mahalla qayta nomlandi“. Kun.uz. Web Expert (2016-yil 29-aprel). Qaraldi: 18-aprel 2025-yil.