Soat minorasi muzeyi
| Soat minorasi muzeyi | |
|---|---|
| Asos solingan sana | 2019-yil may |
| Joylashuvi | Makka, Saudiya Arabistoni |
| Koordinatalari | 21°10′41″N 39°49′32″E / 21.17808°N 39.825552°E |
| Sayt | clocktowermuseum.com |
Soat minorasi muzeyi — Makka shahridagi Makka qirollik soat minorasining yuqori toʻrt qavatini egallagan muzey boʻlib, Saudiya Arabistonida joylashgan[1]. Makkadagi eng baland nuqtada joylashgan muzeyni notijorat tashkilot boʻlgan, valiahd shahzoda Muhammad bin Salmon tomonidan tashkil etilgan Misk jamg‘armasi boshqaradi[1][2].
Boʻlimlar
Muzey 2019-yil may oyida tashrif buyuruvchilar uchun ochilgan. Unda har bir qavati alohida mavzuni ifoda etuvchi toʻrt qavat mavjud. Birinchi qavatda Makka minorasi, uning meʼmoriy va konstruktiv loyihasi va ishlab chiqish bosqichlari hujjatlashtirilgan. Ikkinchi qavatda qadim zamonlarda qoʻllangan vaqt oʻlchovlari namoyish etiladi. Uchinchi qavatda quyosh, oy va Yer oʻtmishda hayot va faoliyatni tartibga solish uchun qanday ishlatilgani tushuntiriladi. Toʻrtinchi qavatda esa koinot va sayyoralar tafsilotlari tasvirlanadi. Shuningdek, Masjid al-Haromning panoramali manzarasiga ega balkon ham mavjud[1][3].
Manbalar
- ↑ 1,0 1,1 1,2 „Clock tower museum in Makkah thrown open to visitors“ (en). Saudi Gazette (2019-yil 11-may). 2024-yil 12-martda asl nusxadan arxivlangan. Qaraldi: 2019-yil 14-may.
- ↑ Mirza, Mohammed „A New Museum Has Opened In The Royal Clock Tower In Makkah And It's Said To Be The Highest In The World“ (en). Lovin Saudi (2019-yil 12-may). 2019-yil 15-mayda asl nusxadan arxivlangan. Qaraldi: 2019-yil 15-may.
- ↑ Siasat, Tanvir „Museum at Makkah Clock Tower opened“ (en-GB). The Siasat Daily (2019-yil 13-may). 2024-yil 12-martda asl nusxadan arxivlangan. Qaraldi: 2019-yil 15-may.