Slovenlar
Slovenlar, slovinlar — Sloveniya Respublikasidagi xalq. 2,3 mln. kishi (1990y.lar urtalari), jumladan, Sloveniyada 1,7 mln. kishi. Sloven tilida soʻzlashadi. Dindorlari — katoliklar, protestantlar va pravoslavlar ham bor. hozirgi S. ajdodlari mil. VI—VII asrlarda Dunay daryosining oʻrta oqimi boʻylari, Pannoniya pasttekisligi, Sharqiy Alp (Karantaniya)da yashagan. VIII asrda karantaniyalik S. germanlarga tobe boʻlib krlganlar. XIII asrdan sloven yerlarining katta qismi Avstriya (1867-yildan Avstriya-Vengriya) tarkibida. 1918-yil Serblar, xorvatlar va slovenlar qirolligi (1929-yildan — Yugoslaviya) barpo etilgan. XX asrning 1-yarmida millat boʻlib shakllangan. Yugoslaviya tarkibidan ajralib chiqqan S, 1991-yil 25 iyundan mustaqil davlat barpo etganlar.
S. dehqonchilik, chorvachilik, bogʻdorchilik, uzumchilik, asalarichilik va hunarmandchilik bilan shugʻullanadi.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |