Siyosat obyekti va subyekti

Siyosatning obyekt va subyektlari: Siyosatning asosiy “harakat qiluvchi shaxslari” uning subyektlari boʻlib, ular siyosiy faollik manbai sifatida maydonga chiqadi. “Subyekt” va “obyekt” tushunchalari (lotincha “subjectum” – “ega”, “objectum” – “predmet”) gumanitar bilimning muhim kategoriyalaridandir.

Siyosat subyekti – amaliy siyosiy faoliyat sohibidir. Siyosat subyektlariga – individlar (oddiy shaxslar va siyosiy liderlar); ijtimoiy guruhlar – jamoalar, etnik guruhlar, diniy jamoalar, siyosiy elita, sinflar, omma, fuqarolik jamiyati, xalqlar, millatlar, tamaddunlar; siyosiy institutlar (davlat, siyosiy partiyalar) kiradi.

Siyosat obyekti – subyektning bilish va boshqa faoliyati nimaga qaratilgan boʻlsa, ana shuni anglatadi.