Sintang jomʼe masjidi
| Masjid | |
Sintang jomʼe masjidi
Masjid Jami' Sultan Nata | |
 | |
| Mamlakat |  Indoneziya
|
| Hudud | G‘arbiy Kalimantan |
| Shahar | Sintang |
| Koordinatalar | 0°04′57″N 111°29′23″E / 0.082496°N 111.489674°E |
| Yoʻnalishi | sunniy |
| Masjid turi | Jomeʼ-Masjid |
| Meʼmoriy uslub | Kalimantan meʼmorchiligi |
| Asosiy sana: 9-may 1672-yil
| |
| Minoralar soni | 2 ta |
| Minoralar soni | 2 ta |
| Holati | amaldagi |
| Tarovih | 
|
| Saharlik va iftorlik |
|
Sintang jomʼe masjidi (shuningdek Sulton Nata masjidi nomi bilan ham tanilgan) Indoneziyaning Gʻarbiy Kalimantan provinsiyasidagi Sintang hududida joylashgan masjiddir. Masjid Istana al-Mukarrammah majmuasi ichida, yaʼni Sintang sultonligining asosiy saroyi hududida joylashgan. Sintangda 13-asrdan beri mavjud boʻlgan bu qirollik shu yerda faoliyat yuritgan.
Tarixi
Masjid Sintangda islomning yoyilishida muhim rol oʻynagan. Pangeran Agung hukmronligi davrida (Sintangning 17-rajasi) islom qirollikning rasmiy dini boʻlib, avvalgi rasmiy din boʻlgan hinduizmning oʻrnini egalladi. Biroq oʻsha paytda Sintangda masjid yoʻq edi. Islom taʼlimi hanuz saroy majmuasida, balai kerajaanda oʻtkazilardi. Pangeran Agungning oʻgʻli Pangeran Tunggal 50 kishiga moʻljallangan kichik masjid qurishga qaror qildi. Ana shu kichik masjid Sintang jom’e masjidining dastlabki asosi boʻlgan[1][2].
Sulton Nata Muhammad Shamsuddin (Sintangning 19-sultoni, unvon sifatida sultonni birinchi boʻlib qoʻllagan hukmdor) hukmronligi davrida bu kichik masjid kengaytirilib, Sintang sultonligining bosh masjidiga aylantirildi. Masjid hijriy 1083-yil, Muharram oyining 12-kunida (milodiy 1672-yil 9-mayga toʻgʻri keladi) tantanali ravishda ochilgan. Sulton Abdurrashid Muhammad Jamaluddin (Sintangning 21-rojasi) davrida masjid taʼmirlanib, kengaytirildi. Sintang jome masjidi Sintang sultonligida diniy faoliyatlarning rasmiy maskaniga aylandi. Raden Abdulbahriy Danu Perdana al-Mukaram (1935) hukmronligi davrida masjidning chap va oʻng tomoniga ikki minorasi qoʻshildi[2].
1987-yilda masjid asoschisi sharafiga rasmiy ravishda „Sintang Sulton Nata jomʼe masjidi“ deb nomlandi[2].
Arxitekturasi
Sintang jom’e masjidi meʼmorchiligi Gʻarbiy Kalimantanning daryo boʻyi mintaqasiga xos edi. Masjid ulin yoki belian yogʻochidan qurilgan boʻlib, bu Borneoga xos, juda sifatli qattiq yogʻoch turidir. Poydevor, bino karkasi, toʻsinlar, tom qoplamasi va pol taxtalari belian yogʻochidan yasalgan[1].
Masjid tomi uch qavat (pogʻona)dan iborat: birinchi va ikkinchi, pastki qavatlar piramidasimon shaklda, uchinchi – eng yuqori qavat esa sakkiz burchakli asosga ega. Masjidni ikki yonidan oʻrab turgan ikki minora kvadrat asosli boʻlib, tepasi sakkiz burchakli xonacha va sakkiz burchakli asosli konussimon tom bilan yakunlangan. Masjidning oʻng tomonidagi minora chapdagisidan pastroq. Masjid devorlari oq va yashil ranglarga boʻyalgan. Bino markazidagi sakkizta saka guru asosiy ustun – hech qachon almashtirilmagan yoki yangilanmagan yagona qismdir. Ushbu 10 metr (33 ft) asosiy ustunlarning mavjudligi bilan bogʻliq afsonalar mavjud[1].
Yana qarang
Manbalar
Havolalar
Vikiomborda „Sintang jomʼe masjidi“ mavzusi boʻyicha mediafayllar bor.
 | Masjid haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |