Simenava

Simenava (“panjara arqoni”) - guruch somonidan to‘qilgan va qog‘oz bog‘ich bilan bog‘langan arqon bo‘lib, undan sintoizmda muqaddas joy hududini belgilashda foydalaniladi. Simenava odatda sintoizm ibodatxonasiga kirish qismidagi darvoza - “toriy”ga bog‘lab qo‘yiladi. Shuningdek, sintoiylik e’tiqodi bo‘yicha kami - ajdodlar ruhi yashaydi yoki joylashadi, deb hisoblanadigan joylar - daraxt, tosh kabilar ham aynan simenava, ya’ni maxsus arqon bilan o‘ralgan bo‘ladi. Afsonaga ko‘ra, ushbu maxsus arqon bilan o‘ralgan daraxtni kesish kishiga baxtsizlik keltiradi.

Adabiyotlar

• Najmiddinov J., Karimov J., Turdiyeva D.. Dinshunoslik. Qomusiy lugʻat. Imom Buxoriy xalqaro markazi nashriyoti, 2017 — 480-bet. ISBN 978-9943-5105-3-1.