Sigʻim qarshilik

Sigʻim qarshilik- oʻtkazuvchan tok zanjiridagi toʻla qarshilikning bir qismi.

Sigʻim qarshiligi ulangan oʻzgaruvchan tok zanjiri

Elektr zanjiriga sigʻim qarshiligi ulanganda kondensator vaqti vaqtida elektr energiyasi bilan zaryadlanib, keyin soʻnib boradi. Bu jarayon gʻaltakdan oʻzgaruvchan elektr toki oʻtganda, vaqti- vaqti bilan magnit energiyasi (magnit maydonining energiyasi) bilan zaryadlanib, keyin soʻnib borishiga oʻxshaydi. Sigʻim ulangan zanjirda oʻzgaruvchan tok quvvati xuddi zanjirdagi induktiv qarshilik bilan manba orasida aylanib yurganidek, kondensator bilan manba orasida aylanib yuradi, shuning uchun uni reaktiv (sigʻimli) quvvat deyiladi.

Sigʻim qarshiligi ulangan elektr zanjiri

Elektr zanjiriga ulangan sigʻimli tok kuchlanishning fazasi bilan toʻgʻri kelmaydi va undan 90° oldinga surilgan. Sigʻimli tokni induktiv tokka oʻxshatib, odatda, reaktiv tok deb aytiladi. Sigʻimli zanjirga ulangan kuchlanishning va undan oʻtayotgan sigʻim tokning miqdorini bilgan holda Om qonuniga asosan uning zanjirdagi qarshiligini quyidagicha aniqlash mumkin:

X_i=U/I , Om

bu yerda: U — zanjir uchlaridagi kuchlanish, V; Ic — sigʻimli tok, A; xc — zanjirning qarshiligi, Om. Bu qarshilikni sigʻimli yoki reaktiv qarshilik deb ataladi. U quyidagicha ifodalanadi:

X_i= 1/ωC

bu yerda: ω — oʻzgaruvchan tokning burchak tezligi; ω = 6,28 f; f — oʻzgaruvchan tokning tebranishi, Hz; C — kondensatorning sigʻimi, F.