Sibel Siber
| Sibel Siber | |
|---|---|
.jpg) Siber 2014-yilda | |
| Respublika Majlisi Spikeri | |
|
Mansab davri 2013-yil 4-sentyabr – 2018-yil 22-yanvar | |
| Oʻtmishdoshi | Hasan Bozer |
| Vorisi | Teberrüken Uluçay |
| Shaxsiy maʼlumotlari | |
| Tavalludi |
1960-yil 13-dekabr Nikosiya, Kipr |
| Siyosiy partiyasi | Respublikachi Turk Partiyasi |
| Turmush oʻrtogʻi |
Rıfat Siber (turm. 1984) |
| Bolalari | 1 |
| Alma mater | Istanbul universiteti |
Sibel Siber (1960-yil 13-dekabrda tugʻilgan) – kiprlik turk siyosatchisi. 2013-yil 13-iyundan 2-sentyabrgacha Shimoliy Kipr Bosh vaziri lavozimida ishlagan. Ushbu lavozimga avvalgi bosh vazir İrsen Küçük hukumatiga ishonchsizlik votumi natijasida tayinlangan va bu lavozimni egallagan birinchi ayol boʻlgan[1]. 2015-yil noyabr holatiga koʻra, Shimoliy Kipr Turk Respublikasi Respublikalar Majlisi (Parlament) raisi boʻlgan[2]. Siber ushbu lavozimda ishlagan ikkinchi ayol boʻlib, undan oldin bu lavozimni Fatma Ekenoğlu egallagan.
Yoshlik yillari
Sibel Siber (qizlik familiyasi Adademir) 1960-yil 13-dekabrda Nikosiyada tugʻilgan[3]. Otasi Altay Adademir Larnaka tumani Melouseia qishlogʻidan boʻlgan boshlangʻich maktab oʻqituvchisi, onasi Aysel Adademir esa Klavdia qishlogʻidan boʻlgan uy bekasi edi. Bolaligida otasi turli maktablarga ishga tayinlangani bois Siber oilasi bilan bir necha qishloq va shaharlarda istiqomat qilgan[4]. U Larnaka, Arsos va Klavdia qishlogʻida yashagan[4], soʻngra yetti yoshida Tremetousia qishlogʻiga koʻchib oʻtgan. Keyinchalik, bolalik davridagi eng katta qoʻrquvi safarga chiqish boʻlganini eslab oʻtgan, chunki oʻsha davrda koʻplab kiprlik turklar yoʻllarda yoʻqolib qolgan. Shunga qaramay, Siber Tremetousia singari aholi aralash yashovchi qishloqlarda ikki jamoa (kiprlik turk va yunonlar) orasida tinch-totuv munosabatlar boʻlganini alohida taʼkidlagan[5]. Sibel Siber dastlab Tremetousia Turk boshlangʻich maktabini tugatgan va keyinchalik Nikosiyadagi Turk qizlar oʻrta maktabiga oʻqishga kirgan[4].
Sibel Siber 16 yoshida talabalar ishtirokidagi siyosiy voqealar avjiga chiqqan bir davrda Istanbul universitetining Cerrahpaşa Tibbiyot fakultetiga oʻqishga qabul qilingan[6]. 1983-yil 5-aprelda ushbu fakultetni shifokor sifatida muvaffaqiyatli tamomlagan[7][8]. 1987-yilda Istanbuldagi Şişli Etfal kasalxonasida ichki kasalliklar ixtisosligini tamomlab, Kiprga qaytgan va shaxsiy klinikasida ishlay boshlagan. 1989-yilda Siber stipendiya asosida AQShning Virginia universitetida diabet va endokrinologiya boʻyicha malaka oshirgan[7].
Sibel Siberning birinchi maqolasi 1983-yilda Shimoliy Kiprdagi sogʻliqni saqlash tizimi haqidagi tanqidiy maqola boʻlib, oʻsha davrda eng koʻp tirajga ega gazeta tomonidan chop etilgan[9].
Manbalar
- ↑ „Turkish Cyprus to see first female prime minister - World News“. Hürriyet Daily News. Qaraldi: 2018-yil 26-dekabr.
- ↑ „MRS. Siber elected as the President of the Assembly - North Cyprus“. 2013-yil 6-dekabrda asl nusxadan arxivlangan. Qaraldi: 2013-yil 13-sentyabr.
- ↑ „KKTC'ye 2 aylığına kadın başbakan“. Hürriyet (2013-yil 12-iyun). Qaraldi: 2015-yil 8-noyabr.
- ↑ 4,0 4,1 4,2 „KKTC Cumhurbaşkanı Adayı Dr. Sibel Siber: Kendi Kalemimden Ben“ (Turkish). Caucasus Businessmen Association. 2016-yil 4-martda asl nusxadan arxivlangan. Qaraldi: 2015-yil 8-noyabr.
- ↑ „Siber, Çözümü liderler, Barışı halk bulacak“ (Turkish). Havadis (2013-yil 8-dekabr). 2016-yil 4-martda asl nusxadan arxivlangan. Qaraldi: 2015-yil 8-noyabr.
- ↑ „KKTC Cumhurbaşkanı Adayı Dr. Sibel Siber: Kendi Kalemimden Ben“ (Turkish). Caucasus Businessmen Association. 2016-yil 4-martda asl nusxadan arxivlangan. Qaraldi: 2015-yil 8-noyabr.
- ↑ 7,0 7,1 „Sibel Siber kimdir?“ (Turkish). Yeni Düzen (2013-yil 13-iyun). Qaraldi: 2015-yil 8-noyabr.
- ↑ „İstanbul University, Cerrahpaşa Medical Faculty Graduates from Turkish Program“. Cerrahpaşa Medical Faculty. 2016-yil 4-martda asl nusxadan arxivlangan. Qaraldi: 2015-yil 8-noyabr.
- ↑ „KKTC Cumhurbaşkanı Adayı Dr. Sibel Siber: Kendi Kalemimden Ben“ (Turkish). Caucasus Businessmen Association. 2016-yil 4-martda asl nusxadan arxivlangan. Qaraldi: 2015-yil 8-noyabr.