Shuʼayb ibn Umar
Abu Amr Shuʼayb ibn Umar ibn Iso al-Ballutiy, shuningdek, Vizantiya manbalarida Saet (yunoncha: Σαήτ) yoki Saipes (Σαΐπης) nomlari bilan ham tanilgan, taxminan 855–880-yillarda hukmronlik qilgan Krit amirligining ikkinchi amiri boʻlgan.
Krit amirligining ichki tarixi va hukmdorlari haqidagi saqlanib qolgan maʼlumotlar juda parokanda holda yetib kelgan. Shuʼayb Kritni fath etgan va Krit amirligini barpo etgan Abu Hafs Umarning oʻgʻli edi. Jorj S. Maylzning numizmatik dalillar yordamida olib borgan tadqiqotlariga koʻra, uning hukmronligi taxminan 855-yildan 880-yilgacha deb sanalanadi, biroq uning nomi bilan zarb qilingan bir oltin dinor hatto 894/5-yil bilan sanalangan. Shuʼayb, odatda, Vizantiya solnomachilari – Teofanes Continuatus, Ioann Skilitsa va Genesioslar tilga olgan „Saet“ yoki „Saipes“ bilan aynanlashtiriladi[1][2][3].
Vizantiya solnomachilari xabar berishicha, taxminan 872/3-yillarda u murtad Fotiyni Vizantiya imperiyasiga yurish uyushtirish uchun yuborgan, natijada kritliklar Niketas Ooryphas boshchiligidagi Vizantiya floti qoʻlidan Kardiya va Korinf qo‘ltig‘idagi ikki ogʻir magʻlubiyatni boshdan kechirgan[3][4]. Bu Vizantiya gʻalabalari, ehtimol, vaqtinchalik sulhga olib kelgan va koʻrinishidan Shuʼayb taxminan oʻn yil davomida Vizantiyaga xiroj toʻlashga majbur boʻlgan[5]. Shuʼaybning ikki oʻgʻli – Umar va Muhammad uning vorislari sifatida taxtga chiqqanlar[1][2][3].
Manbalar
- ↑ 1,0 1,1 Miles 1964, ss. 11–14.
- ↑ 2,0 2,1 Canard 1971, s. 1085.
- ↑ 3,0 3,1 3,2 PmbZ, Šu‘ayb (#27429).
- ↑ Wortley 2010, ss. 147–148.
- ↑ Canard 1971, ss. 1083–1084.
Sources
- Canard, M. (1971). "Iḳrīṭis̲h̲". in Lewis, B.. Encyclopaedia of Islam. Volume III: H–Iram (2nd nashri). Leiden: E. J. Brill. 1082–1086 b. OCLC 495469525. http://referenceworks.brillonline.com/entries/encyclopaedia-of-islam-2/ikritish-COM_0358.
- Lilie, Ralph-Johannes; Ludwig, Claudia; Pratsch, Thomas; Zielke, Beate (2013). "Prosopographie der mittelbyzantinischen Zeit Online. Berlin-Brandenburgische Akademie der Wissenschaften. Nach Vorarbeiten F. Winkelmanns erstellt" (German). Berlin and Boston: De Gruyter. https://www.degruyter.com/view/db/pmbz.
- Miles, George C. (1964). "Byzantium and the Arabs: Relations in Crete and the Aegean Area". Dumbarton Oaks Papers 18: 1–32. doi:10.2307/1291204.
| Oldingisi | Krit amiri taxminan 855 – taxminan 880 |
Keyingisi |