Shomahmud Shorasulov
| Shomahmud Shokarimovish Shorasulov | |
|---|---|
| Tavalludi |
Шомаҳмуд Шо Шорасулов 1969-yil 3-oktyabr |
| Fuqaroligi |
 OʻzSSR →  Oʻzbekiston |
| Kasbi | Dublyaj aktyori |
| Turmush oʻrtogʻi | Mufazzal Shorasulova |
| Bolalari | Shomurod shorasulov, Shorasul Shorasulov, Shorustam Shorasulov |
Shomahmud Shorasulov (3-oktyabr 1969-yil, Toshkent shahri, OʻzSSR) — oʻzbekistonlik aktyor, dublyaj ustasi.
Hayoti
Shomahmud Shorasulov 1969-yil 3-oktyabrda Toshkent shahrida tugʻilgan. Shahardagi 165-maktabda tahsil olgan. 1991—1986-yillarda Abdulla Qodiriy nomidagi Toshkent davlat madaniyat institutida tahsil olgan.
Faoliyati
Oʻzbek tiliga Davlat tili maqomi berilgach, televideniyeda kinomahsulotlarni faqat oʻzbek tilida efirga uzatish zarur boʻlgan va ana shu munosabat bilan Shomahmud Shorasulov bolalar va oʻsmirlar uchun eshittirishlar muharririyatiga taklif qilingan. U yerda professional aktyorlar bilan birga multiplikatsion, ilmiy ommabop va badiiy filmlarga ovoz berib tajriba orttirgan. Aktyor sifatida esa „Sardor“ serialida Ismoil obrazini gavdalantirgan.
Dublyajdagi faoliyati
Dastlabki yillarda dublyaj jarayonini avvaldan yozib olishga vaqt va sharoit boʻlmagani sababli dublyaj ishlari jonli efirda amalga oshirilgan. Radioda Akbarali Ochilov, televideniyeda Niziya Lyumanova kabilar ustozlik qilgan. Shomahmud Shorasulov dublyaj sohasiga ham salmoqli hissa qoʻshgan. Jumladan, Koreyaning “Yoz ifori”, “Saroy javohiri”, Hindistonning “Ikki taqdir”, „Mahabhorat“, Turkiyaning “Oila rishtalari”, Dostoyevskiy asarlari asosida Rossiya kinoijodkorlari tomonidan ishlangan “Telba”, “Jinoyat va jazo”, “O‘smir”, BBC buyurtmasi asosida suratga olingan “Urush va tinchlik” kabi seriallarni ovozlashtirgan. Bundan tashqari, Rossiyaning “Jamila”, “Vanya tog‘a”, Gruziyaning “Tazarru”, “Iltijo”, “Orzu daraxti”, Eronning “Yomg‘ir”, “Samoviy yog‘du”, “Tilla baliqcha”, “Chumchuqlar qo‘shig‘i”, Turkiyaning “Yovvoyi nok”, Hindistonning „Salom shodlik, salom gʻam“, “Apu trillogiyasi”, “Qo‘rqoq”, “Qizil qalampir”, Italiyaning “Qizil sahro”, “Yo‘l”, Yaponiyaning “Qumlikdagi ayol”, “Rasyomon” kabi badiiy filmlarning ovozlashtirish jarayoniga rejissorlik qilgan hamda ovoz bergan[1].
Shu bilan birga audiokitoblar loyihasida ishtirok etib, oʻzbek xalq ertaklari, „Alpomish“ dostoni, „Shum bola“ asarini ovozlashtirishda ishtirok etgan[2][3].
Manbalar
- ↑ „Aktyor va dublyaj rejissori Shomahmud Shorasulov Isroilda oshxonada ishlab, ofitsiantlik qilgani haqida gapirib berdi (video)“. daryo.uz. Qaraldi: 13-sentabr 2025-yil.
- ↑ „Shomahmud Shorasulov“. kitobplus.uz. Qaraldi: 13-sentabr 2025-yil.
- ↑ „Showing results by narrator "Shomahmud Shorasulov" in All Categories“. audible.com. Qaraldi: 13-sentabr 2025-yil.
Havolalar
- Shomahmud Shorasulov Isroilda ofitsiantlik qilgani, 'Sardor' serialidan qaychilab tashlangani haqda
- Киноларга ОВОЗ берувчилар барча сураган ВИДЕО
- Iguro Obanaini o'zbekcha gapirtirgan - Shomahmud Shorasulov #anime #dublyajuz
- Dublaj Ustasi Shomahmud Shorasulov sohir ovoz sohibi
- Elchi. Umar Sayfiddin hikoyasi. Jahongir Nahanov tarjimasi. Shomahmud Shorasulov o‘qigan.
- Шомахмуд Шорасулов Биографияси Аёли фарзандлари оиласи уйи хаёти ёшлиги