Shomahmud Shorahmedov
 | Bu maqolani oʻchirish taklif etiladi. Sababi va mos munozaralarni quyidagi sahifadan topishingiz mumkin: ZiyoSfera:Oʻchirishga/Shomahmud Shorahmedov. Maqolani yaxshilashga urinib koʻrishingiz mumkin, ammo munozara jarayoni yakunlanmagunga qadar mazkur ogohlantirish xabarini aslo olib tashlamang. Manbalar izla: „Shomahmud Shorahmedov“ – yangiliklar · gazeta · kitoblar · akademik · JSTOR Maqola muallifiga: Maqolangiz oʻchirilish arafasida boʻlsa, nima qilish kerak? Administratorlarga: bu yerga havolalar • tarix (oxirgi oʻzgarish) • Shorahmedov qaydlar • oʻchirish Sahifani oʻchirishga nomzod oʻlaroq koʻrsatish:
|
Shomahmud Shorahmedov | |
|---|---|
| Kasbi | Sozanda, joʻrnavoz, pedagog |
| Cholgʻular | Rubob, Dutor |
| Faoliyat yillari | 1986–hozirgacha |
| Fuqaroligi | Oʻzbekiston |
| Mukofotlari | Madaniyat va sanʼat fidokori (2020), Oʻzbekiston Respublikasi Mustaqilligining 30 yilligi esdalik nishoni (2021) |
Shomahmud Shorahmetov (11-iyun 1962, Toshkent) — oʻzbek sozandasi, joʻrnavoz, xonanda va pedagog. Rubob ijrochiligida anʼanaviy maktabning yirik vakillaridan biri. Oʻzbek milliy musiqasini targʻib etishda, shuningdek, yosh ijodkorlarni tayyorlashda muhim hissa qoʻshgan.
Hayoti va taʼlimi
Shomahmud Shorahmetov 1962-yil 11-iyunda Toshkent shahrida sanʼatkor oilasida tugʻilgan. 1986-yilda Toshkent davlat konservatoriyasining “Sharq musiqasi” kafedrasini tamomlagan. Shu yili Guliston musiqa bilim yurtida oʻqituvchi sifatida mehnat faoliyatini boshlagan. 1989-yildan boshlab Toshkent davlat konservatoriyasida hozirda esa Yunus Rajabiy nomidagi Oʻzbek milliy musiqa sanʼati institutida pedagoglik faoliyatini davom ettirib kelmoqda.
Ijodiy faoliyati
Ustoz rubob ijrochiligida anʼanaviy ijro maktabiga tayanadi. Uning repertuarida “Soʻlim”, “Topolmasman”, “Yigʻlayman”, “Yangi oy chiqqan kecha” kabi xalq va bastakor kuylar mavjud. Shorahmetov xonandalik sohasida ham faol boʻlib, 1989-yilda boʻlib oʻtgan “Kamolot-89” tanlovida III oʻrinni egallagan.
Pedagogik faoliyati
Shorahmetov 30 yildan ortiq davom etayotgan pedagogik faoliyati davomida koʻplab isteʼdodli shogirdlarni yetishtirgan. U “Maqom yoʻllaridagi kuylar va mashqlar” nomli oʻquv qoʻllanma muallifi boʻlib, maqom ijrochiligi va cholgʻu mashgʻulotlari boʻyicha ilmiy-uslubiy yoʻnalishda faol ishlaydi. 2006-yilda dotsent ilmiy unvoniga ega boʻlgan.
Mukofot va unvonlari
- “Madaniyat va sanʼat fidokori” koʻkrak nishoni (2020)
- “Oʻzbekiston Respublikasi Mustaqilligining 30 yilligi” esdalik nishoni (2021)
- Dotsent ilmiy unvoni (2006)
Manbalar
- ↑ Rifatilla Qosimov. An’anaviy ijrochilik. — Oliy ta’lim muassasalari uchun o‘quv qo‘llanma. — Toshkent: O‘zbekiston Respublikasi Fanlar akademiyasi “Fan” nashriyoti, 2007.