Shokir Xoliqov
| Shokir Xoliqov | |
|---|---|
 | |
| Tavalludi |
1992-yil 30-noyabr |
| Kasbi | rejissyor |
| Millati | oʻzbek |
| Mukofotlari |
 |
Shokir Xoliqov (1992-yil 30-noyabr Surxondaryo viloyatining Shoʻrchi tumani) – Kinorejissyor va ssenarist.
Faoliyati
Shokir Xoliqov 1992-yil 30-noyabr Surxondaryo viloyating Shoʻrchi tumanida tugʻilgan. Shokir Xoliqov Oʻzbekiston davlat sanʼat va madaniyat institutida „Televideniye va radio rejissyorligi“ boʻyicha tahsil olgan. Shokir Xoliqov 2019-yilda 72-xalqaro Kann festivali doirasida „Choy“ nomli qisqa metrajli filmi Gran-prisini qoʻlga kiritgan. Xoliqovning debyut „Yakshanba“ badiiy filmi Xitoyning Shanxay shahrida boʻlib oʻtgan 25-Shanxay xalqaro kinofestivali doirasidagi „Osiyoning yangi isteʼdodlari“ yoʻnalishining eng oliy mukofoti – „Oltin kubok“ka sazovor boʻldi. Yosh rejissyor shu paytgacha Fransiya, Yaponiya, Turkiya, Hindiston, Rossiya, Makedoniya, Qozogʻiston, Qirgʻiziston va Tojikistonda boʻlib oʻtgan qisqa metrajli filmlar xalqaro kinofestivallarida gʻolib boʻlgan[1]. Shokir Xoliqovning „Qiz va bulut“ animatsion filmi Yaponiyada oʻtkazilgan „DigiCon6 Asia“ animatsion filmlar festivalida ikkita mukofotni qoʻlga kiritgan. Film „Mintaqaning oltin filmi“ va „Festivalning oltin filmi“ nominatsiyalarida gʻolib deb topilib, 3 ming AQSh dollari mukofoti bilan taqdirlangan[2]. 2026-yil 28-mayda Shuhrat medali bilan taqdirlangan[3].
Filmlari
- „Messi“
- „Choy“
- „Ifor“
- „Ichan qal’a“
- „Qiz va Bulut“ (animatsiya)
Manbalar
- ↑ „“O‘zbekkino”ning servizi tufayli mashhurlikka erishgan rejissyor Shokir Xoliqov bilan AQShga o‘qishga ketayotgani va karyerasini O‘zbekistonda ko‘ra olmasligi haqida intervyu (video)“. daryo.
- ↑ „daryo.uz“ (2021-yil 22-noyabr). Qaraldi: 2025-yil 5-yanvar.
- ↑ „O‘zbekiston Respublikasi Prezidentining 2026-yil 28-maydagi „Madaniyat, san’at va adabiyot sohalari xodimlaridan bir guruhini mukofotlash to‘g‘risida“gi farmoni“. president.uz (2026-yil 28-may). 2026-yil 28-mayda asl nusxadan arxivlangan. Qaraldi: 2026-yil 28-may.