Shoh Nizor II
Shoh Nizor II (arabcha:شاه نزار الثاني) – Nizoriy Ismoiliylar jamoasi tarkibidagi Qosim-Shohiy boʻlimining 40-imomi[1].
Shoh Nizor II otasi Xalilulloh II Ali 1680-yilda vafot etganidan keyin, uning oʻrniga oʻtirgan[2]. Shoh Nizor oʻz imomligining dastlabki davrida, bir paytlar oʻzidan oldingi imomlar ikki asrdan koʻproq istiqomat qilgan Anjudan qishlogʻini tark etib, yaqin atrofdagi Kahak qishlogʻiga koʻchib oʻtadi. Keyinchalik bu hudud Nizoriy imomlarining yangi qarorgohiga aylangan[3] .
Uning tashabbusi bilan shu paytgacha Xurosonda koʻchmanchi boʻlib yashagan koʻplab nizoriy dindorlari Kirmonga kelib qoʻnim topgan[4]. Shoh Nizor soʻfiy Ni’matullohiylar bilan yaqin aloqada boʻlib, soʻfiylik ustozi Ato Alloh nomini olgan va bu nom bilan Kirmondagi Nizoriy tarafdorlarining orasida shuhrat qozongan[4].
Shoh Nizor 1722-yil sentabrda vafot etgan[4] va uning oʻrniga oʻgʻli Sayyid Ali oʻtirgan[5]. Shoh Nizor maqbarasi hali ham Kahakda saqlanib qolgan. 1966-yilgi restavratsiya vaqtida 18-asrga oid koʻplab asl inshootlar buzib tashlangan[4].
Manbalar
- ↑ Daftary 2007, s. 509.
- ↑ Daftary 2007, ss. 456, 509.
- ↑ Daftary 2007, ss. 439, 456.
- ↑ 4,0 4,1 4,2 4,3 Daftary 2007, s. 457.
- ↑ Daftary 2007, s. 458.
Havolalar
- Daftary, Farhad. The Ismāʿı̄lı̄s: Their History and Doctrines, Second, Cambridge: Cambridge University Press, 2007. ISBN 978-0-521-61636-2.