Shodmon Xoʻjamberdiyev (baxshi)
| Shodmon Xoʻjamberdiyev | |
|---|---|
 Shodmon baxshi Xo'jamberdiyev | |
| Tavalludi |
Шодмон Хўжамбердийев 1967-yil 6-fevral |
| Fuqaroligi |
 → |
| Kasbi | baxshi |
| Mashhur ishlari | „Xondali“, „Xurdona“ |
| Mukofotlari |
 |
Shodmon Xoʻjamberdiyev (1967-yil 6-fevral, Boysun tumani, Surxondaryo viloyati, Oʻzbekiston SSR) — baxshi O‘zbekiston Respublikasi xalq baxshisi faxriy unvoni sohibi[1].
Tarjimayi holi
Shodmon Xoʻjamberdiyev 1967-yil 6-fevralda Surxondaryo viloyatining Boysun tumanida tugʻilgan. 1971-yilda boshlangʻich maktabga borgan. Yoshligidan Qodir baxshi, Xo‘shboq baxshi, Chori baxshilardan saboq olgan[2]. 1984-yildan Sherobod tumani Madaniyat boʻlimiga qarashli Madaniyat markazining „Chaman“ badiiy jamoasi aʼzosi. Surxondaryo viloyati Sherobod tumani 8-sonli Bolalar musiqa va sanʼat maktabida ochilgan baxshichilik sinfi oʻqituvchisi. Tumandagi madaniyat markazida xavaskor baxshilar toʻgaragi rahbari.
2016-yilda O‘zbekiston Respublikasi xalq baxshisi faxriy unvoni bilan taqdirlangan[3][4][5]. Oʻzbekistonda anʼanaviy tarzda oʻtkazib kelinayotgan Xalqaro baxshichilik sanʼati festivalida bir necha bor ishtirok etgan. 1985-yilda Xorazm viloyatida oʻtkazilgan „Baxshi, shoir va oqinlar koʻriktanlovi“ gʻolibi. 1989-yilda Ozarbayjon SSRda boʻlib oʻtgan „Xalqaro baxshilar festivali“ laureati. 1999-yil Qirgʻiziston Respublikasi Bishkek shahrida oʻtkazilgan „Dunyoga chiqish“ Xalqaro baxshilar tanlovi gʻolibi. 2003-yili 14-mayda boʻlib oʻtgan Markaziy Osiyo davlatlarining „Baxshi, shoir va oqinlar III“ anʼanaviy xalqaro festivali gʻolibi.
Baxshining 2010-yilda chop etilgan „Xondali“ hamda 2021-yilda nashr qilingan „Xurdona“ nomli dostonlari, shuningdek, „Surxondanman, Surxondan“ (2012), „Kuyla, Surxon doʻmbirasi“ (2019) nomli termalari bor.
Manbalar
- ↑ „O‘zbekiston xalq baxshilarining ijodiy-ma’rifiy kechasi o‘tkazildi“. gov.uz. Qaraldi: 31-may 2025-yil.
- ↑ „Qo‘rqaman, o‘tgan baxshilar bizdan og‘rinmayaptimikan – Shodmon baxshi Xo‘jamberdiyev“. oyina.uz. Qaraldi: 31-may 2025-yil.
- ↑ „O‘zbekiston Mustaqilligining yigirma besh yilligi munosabati bilan fan, ta’lim, sog‘liqni saqlash, adabiyot, madaniyat, san’at, ma’naviyat va ma’rifat, ommaviy axborot vositalari hamda ijtimoiy sohalar xodimlaridan bir guruhini mukofotlash to‘g‘risida“. uza.uz. Qaraldi: 31-may 2025-yil.
- ↑ „O‘zbekiston prezidenti san'at xodimlarini mukofotladi“. kun.uz. Qaraldi: 31-may 2025-yil.
- ↑ „Shodmon baxshi Xo‘jamberdiyev“. bakhshi.uz. 2025-yil 31-mayda asl nusxadan arxivlangan. Qaraldi: 31-may 2025-yil.
Havolalar
- O'zbekiston xalq baxshisi Shodmon Xo'jamberdiyev Ustozi va bolaligi haqida so'zladi
- Zamondosh | O'zbekiston xalq baxshisi Shodmon Xo'jamberdiyev 14.07.2024
- Shodmon baxshi Xo'jamberdiyev
- O‘zbekiston xalq baxshisi, yozuvchilar uyushmasi a’zosi Shodmon baxshi Xo'jamberdiyev
- SHODMON BAXSHI "AN'ANAVIY TERMALAR"(ALPOMISH MEDIA)
- Shodmon baxshi Xo‘jamberdiyev haqida ma'lumot[sayt ishlamaydi] — Oyina.uz portali.
- Shodmon baxshi: Tafakkurimiz ildizi folklordan oziqlanadi — UzA.uz, 2026.
- Shodmon Baxshi Xo‘jamberdiyev — Respublika baxshichilik san’ati markazi rasmiy sayti.
- [1][sayt ishlamaydi] - Shodmon Baxshining O‘zbekiston Respublikasi Prezidenti farmoni bilan rasman mukofotlangan.