Shirin Meliyeva

Shirin Meliyeva
Tavalludi	25-fevral 1921-yil Kattaqoʻrgʻon
Vafoti	16-aprel 2001-yil(2001-04-16) (80 yoshda) Samarqand
Kasbi	aktrisa, rejissor
Mukofotlari

Shirin (Sora) Yuldoshevna Meliyeva (1921.25.2 – Kattaqoʻrgʻon – 2001.16.4) – aktrisa, rejissor O‘zbekiston SSR xalq artisti (1964). 1937-yildan Kattaqoʻrgʻon teatrida aktrisa, rejissor (1948—1978-yillar direktor). Sahnada Xonzoda, Hojiona („Boy ila xizmatchi“), Xolisxon („Xolisxon“), Maysara („Maysaraning ishi“), Kime („Nurxon“), Martena („Zoʻraki tabib“), Agafya Tixonovna („Uylanish“), Farmonbibi („Kelinlar qoʻzgʻoloni“), Ona („Qonli toʻy“) kabi yuzdan ortiq obrazlar yaratgan. Qahramonlarning ichki ruhiy holatlarini yorqin va ishonarli talqin etish, turli qarashlar oʻrtasidagi ziddiyatlarni kuchli eʼtirozlar orqali namoyish etish Meliyeva ijodiga xosdir. Rejissor sifatida „Adolat“ (I. Akromov), „Xolisxon“ (Hamza), „Surmaxon“ (B. Rahmonov), „Bahs“ (M. Bayjiyev), „Ona“ (S. Zunnunova), „Ogʻriq tishlar“ (A. Qahhor) kabi spektakllarni sahnalashtirgan. „El-yurt hurmati“ ordeni bilan taqdirlangan (1999).