Shibuya daryosi
| Shibuya daryosi | |
|---|---|
| 渋谷川 (Shibuya-gava) | |
| |
| Tavsif | |
| Uzunligi | 2,6 km |
| Suv oqimi | |
| Boshlanishi | Shibuya stansiyasi yaqinida |
| · Boshlanish joyi | Shibuya, Tokio |
| Quyilishi | Furu daryosi orqali, Tokio koʻrfazi |
| · Quyilish joyi | Minato, Tokio |
| Joylashuvi | |
| Davlat | Yaponiya |
| Mintaqa | Tokio |
Shibuya daryosi (yaponcha: 渋谷川, Shibuya-gava) – Tokioning markazidan oqib oʻtuvchi daryo. Uning uzunligi 2,6 km boʻlib, manbai Shibuya stansiyasi yaqinida joylashgan. Daryo Shibuya va Minato tumanlari orqali oqib oʻtib, Hiroo hududida Furu daryosiga qoʻshiladi hamda Shiba Koen yaqinida Tokio koʻrfaziga quyiladi[1][2]. Daryoning quyi oqimi ustidan Shuto avtomagistralining Ichki aylana yoʻli qurilgan.
Shibuya daryosining qirgʻoqlarining katta qismi obodonlashtirilmagan. Faqatgina Shibuya Stream osmonoʻpar binosi va savdo majmuasi yonida ozgina obodonlashtirilgan qism bor. Daryoning eng asosiy irmogʻi – Onden daryosi – Sendagayadan boshlanib, Ura-Harajuku markazidagi Cat Street koʻchasi ostidan oqib oʻtadi. Onden daryosi Shibuya markazida Uda daryosi bilan qoʻshilib, Shibuya daryosini hosil qiladi. Keyinchalik daryo Shibuya stansiyasi ostidan yopiq beton kanal tarzida oqib oʻtadi[3].
Shibuya stansiyasini qayta qurish loyihasida Shibuya daryosini obodonlashtirish va piyodalar uchun ochiq qilish koʻzda tutilgan. Qayta qurilish ishlari 2018-yil sentabrida yakunlanib, Shibuya Stream osmonoʻpar binosi va savdo majmuasining bir qismi sifatida amalga oshirildi[4][5].
Manbalar
- ↑ „Description of Shibuya and Furu Rivers“. Tokyo Metropolitan Government. Qaraldi: 2014-yil 25-mart.[sayt ishlamaydi]
- ↑ Waley, Paul. Tokyo Now and Then. New York and Tokyo: John Weatherhill Inc., 1984 — 438-bet. ISBN 0-8348-0195-7.
- ↑ Rebecca, Milner „Shibuya Underground Streams“. Ping Mag (Architecture). 2016-yil 7-fevralda asl nusxadan arxivlangan. Qaraldi: 2014-yil 2-aprel.
- ↑ „Urban Planning Proposal for Areas Surrounding Shibuya Station“. Tokyu Corporation. Qaraldi: 2014-yil 19-mart.
- ↑ „Shibuya Stream - The New Banks of Shibuya-gawa“ (en). www.kanpai-japan.com. Qaraldi: 2023-yil 29-may.