Sherxon Allamurodov
Sherxon Allamurodov | |
 | |
|---|---|
|
Mansab davri 2025-yil 27-yanvar – hozirgacha | |
| Hukumat boshligʻi | Abdulla Aripov |
| Prezident | Shavkat Mirziyoyev |
| Bosh vazir | Abdulla Aripov |
| Hokim | Ulugʻbek Qosimov |
| Avvalgisi | Anvar Oripov |
| Shaxsiy maʼlumotlari | |
| Tavalludi |
1986-yil Jarqoʻrgʻon tumani, Surxondaryo viloyati) |
| Fuqaroligi |
Oʻzbekiston |
| Taʼlim | Oʻzbekiston Respublikasi Ichki ishlar vazirligi akademiyasi |
| Kasbi | Huquqshunos |
| Unvoni | podpolkovnik |
Sherxon Yoʻlliyevich Allamurodov (1986-yil, Jarqoʻrgʻon tumani, Surxondaryo viloyati) – oʻzbekistonlik davlat arbobi, huquqshunos. 2025-yil 27-yanvardan buyon Surxondaryo viloyati Qiziriq tumani hokimi.
Tarjimai holi
Sherxon Allamurodov 1986-yilda Surxondaryo viloyatining Jarqoʻrgʻon tumanida tugʻilgan. 2011-yilda Oʻzbekiston Respublikasi Ichki ishlar vazirligi akademiyasini tamomlagan. Mutaxassisligi boʻyicha huquqshunos, podpolkovnik harbiy unvoniga ega[1].
Mehnat faoliyati
Allamurodov mehnat faoliyatini ichki ishlar organlarida boshlagan. Turli yillarda Surxondaryo viloyati Ichki ishlar boshqarmasida boʻlim boshligʻi, shuningdek, Jarqoʻrgʻon tumani Ichki ishlar boʻlimi boshligʻi lavozimlarida ishlagan.
2023-yildan Qiziriq tumani Ichki ishlar boʻlimi boshligʻi vazifasida faoliyat yuritgan. 2025-yil 27-yanvarda Surxondaryo viloyati hokimi Ulugʻbek Qosimovning taqdimnomasiga koʻra, Xalq deputatlari Qiziriq tuman kengashining qarori bilan Qiziriq tumani hokimi etib tayinlangan[1].
2025-yil 23-avgust kuni viloyati hokimi farmoyishiga binoan Allamurodov intizomiy jazoga tortilgan. Unga 2025-yilning birinchi yarmida xorijiy investitsiyalarni oʻzlashtirish va eksport koʻrsatkichlarini taʼminlashda sustkashlikka yoʻl qoʻygani sababli Mehnat kodeksining 312-moddasi 1-qismi 2-bandiga asosan oʻrtacha oylik ish haqining 30 foizi miqdorida jarima chorasi qoʻllangan[2].
Manbalar
- ↑ 1,0 1,1 Komilov, Asadbek „Qiziriq tumaniga yangi hokim tayinlandi“. Qalampir.uz (2025-yil 28-yanvar). Qaraldi: 2025-yil 5-sentyabr.
- ↑ „Qiziriq tumani hokimi jarimaga tortildi“. Kun.uz (2025-yil 24-avgust). Qaraldi: 2025-yil 5-sentyabr.
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |