Sherin Xankan
| Sherin Khankan | |
|---|---|
 | |
| Tavalludi |
Ann Christine Khankan[1] 1974-yil 13-oktyabr |
| Kasbi | Imom |
| Bolalari | 4 |
Sherin Xankan (asl ismi Ann Christine Khankan; 1974-yil 13-oktyabrda tugʻilgan) — Daniya (va Skandinaviya)ning birinchi ayol imomi. Kopengagenda ayollar boshchiligidagi masjidga asos solgan. Shuningdek, ayollar integratsiyasi va ekstremizm kabi musulmonlarga oid masalalarda ishtirok etadi. Islom hamda siyosatni muhokama qiluvchi koʻplab maqolalar muallifi.
Yoshligi
Xankan 1974-yilda Daniyada tugʻilgan. Otasi suriyalik, onasi esa fin. Uning otasi siyosiy qochqin va feminist boʻlgan. Xankan Damashqda tahsil olgan va 2000-yilda Daniyaga qaytgan. U oʻzini ikki dunyo orasida tugʻilgan deb biladi va qarama-qarshiliklarni yarashtirishni maqsadi deb hisoblaydi[2].
Xankan 1992-yilda Kopengagen universitetida dinshunoslik boʻyicha taʼlim olishni boshlagan, shuningdek, qoʻshimcha ravishda arab tili kurslariga ham qatnagan. Otasining kelib chiqishi suriyalik boʻlishiga qaramay, Xankanning ona tili arab tili emas. U 2002-yilda Din sotsiologiyasi va falsafa yoʻnalishida magistr darajasini egallagan[3].
Faoliyati
2016-yil fevral oyida Xankan tomonidan Kopengagenda Daniyaning ayollar tomonidan boshqariladigan birinchi masjidi hisoblangan Mariam masjidi tashkil etilgan. Ushbu masjidda faqat ayol imomlar xizmat qiladi[4]. Masjid erkak va ayol ibodat qiluvchilar uchun ochiq, biroq juma namozlari bundan mustasno boʻlib, ular faqat ayol ibodat qiluvchilar uchun ochiqdir[5]. Ushbu masjidni ochishi bilan Xankan Skandinaviyaning birinchi ayol imomiga aylangan[6].
Xankan, shuningdek, din va siyosatni bogʻlashga qaratilgan „Critical Muslims“ tashkilotiga ham asos solgan.
2007-yilda u „Islam and Reconciliation — A Public Matter“ (tarjimasi „Islom va tinchlik — omma masalasi“) nomli kitobini nashr ettirgan.
Xankan xristian, yahudiy va musulmon institutlari patriarxal tus olganini taʼkidlaydi hamda ayollar boshqaradigan masjidlarni ushbu anʼanaga qarshi chaqiriq sifatida koʻradi. Masjid 2016-yil fevralida ochilgan va oʻsha yilning avgustida ilk bor rasmiy ravishda masjidda ibodat qilingan. Oʻsha kuni Xankan azon aytgan va fastfud doʻkoni ustki qavatida 60 nafar ayol jam boʻlgan. Boshqa bir imom Soliha Marie Fattoh ayollar va islom mavzusida soʻzlab, ibodatni boshqargan. Yangi masjid bir nechta nikoh marosimlarini oʻtkazgan. Masjid turli din vakillaridan iborat juftliklarni ham nikohdan oʻtkazadi, bunga esa baʼzi masjidlar tomonidan ruxsat berilmaydi.
Xankan BBCning 2016-yilgi 100 nafar ayolidan biri deb topilgan[7].
Shaxsiy hayoti
Xankanning ikki qizi va ikki oʻgʻli bor., eri bilan ajrashgan, biroq 2024-yilda Elias Benakrichga turmushga chiqqan. Er-xotinning birgalikda 6 nafar farzandi bor.
Taraqqiyparvar masjidlar va feminist imomlarni qoʻllab-quvvatlagani uchun Emmanuel Macron uni prezident saroyida qabul qilgan.
Manbalar
- ↑ Emil Eller.. „Kontroversiel genforening: Vermund og kvindelig imam var barndomsvenner“ (Danish). DR Nyheder (2019-yil 24-mart).
- ↑ Jensen, Sanni „Denmark's First Female Imam“ (Danish). Berlingske. Berlingske Media (2015-yil 30-mart). Qaraldi: 2016-yil 8-dekabr.
- ↑ Frydenlund, Sally „"Der er mange stereotyper om muslimer, men jeg har feminismen fra min far"“. Uniavisen (2022-yil 11-may). Qaraldi: 2022-yil 14-iyul.
- ↑ Harriet Sherwood.. „Women lead Friday prayers at Denmark's first female-run mosque“ (2016-yil 26-avgust). 2016-yil 30-noyabrda asl nusxadan arxivlangan. Qaraldi: 2016-yil 2-dekabr.
- ↑ Agence France-Presse.. „Women-led mosque opens in Denmark“ (2016-yil 12-fevral). 2016-yil 4-dekabrda asl nusxadan arxivlangan. Qaraldi: 2016-yil 2-dekabr.
- ↑ „Imam Sherin Khankan wants 'new narratives' on Islam – BBC News“. BBC News. Qaraldi: 2018-yil 10-oktyabr.
- ↑ „BBC 100 Women 2016: Who is on the list?“. BBC News (2016-yil 21-noyabr). Qaraldi: 2016-yil 8-dekabr.
Adabiyotlar
 |
Vikiomborda „Sherin Xankan“ mavzusi boʻyicha mediafayllar bor. |
- Ayollar Daniyaning ayollar boshqaradigan birinchi masjidida juma namozini olib boradi, Harriet Sherwood, 26 August 2016, The Guardian, Retrieved 27 November 2016
- Khankan (oʻngda), Saliha Marie Fetteh va Özlem Cekic bilan [Facebook] Nashr sanasi: 23 September 2016 , 23 September 2016, The New Arab, Retrieved 27 November 2016
- Daniyaning birinchi ayollar masjidi eshiklarini ochdi, 10 February 2016, Politiken, Retrieved 27 November 2016
- Daniyada ayollar boshchiligidagi masjid ochildi, 12 February 2016, The Guardian, Retrieved 27 November 2016