Shenchjen masjidi
| Masjid | |
 | |
| Mamlakat |  Xitoy
|
| Hudud | Guandun |
| Joylashuvi | Shenjen |
| Yoʻnalishi | sunniy |
| Meʼmoriy uslub | Islom meʼmorchiligi |
| Binokorlik sanasi | 2013 (qurib bitkazilgan) |
| Umumiy maydoni | 3,000 m2 (32,000 kv ft) |
| Oʻlchami | 100 nafar namozxon |
| Gumbazlar soni | 1 (balki koʻproq) |
| Gumbazlar soni | 1 (balki koʻproq) |
| Minoralar soni | 1 |
| Minoralar soni | 1 |
Shenchjen masjidi (xitoycha: 深圳清真寺) – Xitoyning Guandun provinsiyasi Shenjen shahri Futian tumani Meilin koʻchasi 7-uyda joylashgan sunniylik masjidi. Ushbu masjid Shenchjen shahridagi musulmonlar uchun asosiy ibodat maskani hisoblanadi.
Meʼmorchiligi
Shenjen masjidining qurilish ishlari 2013-yilda yakunlangan[1] boʻlib, umumiy maydoni 3,000 m2 (32,000 kv ft)ni tashkil etadi. Ushbu inshoot Shenchjendagi eng yirik masjid boʻlib, Shenjen Musulmonlar uyushmasi ham aynan shu yerda joylashgan. Masjid asosiy namoz oʻqiladigan xona, bunker, tahorat olinadigan joy, bogʻ va boshqa qismlardan iborat. Inshoot islom meʼmorchiligi uslubida bunyod etilgan[2].
Shenchjen shahrida musulmon aholi sonining izchil ortib borishi natijasida mavjud masjid binolari jamoa ehtiyojlarini toʻliq qondira olmay qoldi. Shu bois shahar hokimiyati eski inshootlarni buzib, ularning oʻrnida zamonaviy va kengroq masjid majmuasini barpo etish toʻgʻrisida qaror qabul qildi.
2014-yil 25-aprel kuni yangi masjid qurilishiga rasman start berilib, tantanali tarzda tamal toshi qoʻyish marosimi oʻtkazildi.
Yangi masjid 6,000 m2 (65,000 kv ft)dan ortiq maydonni egallaydi. Uning qurilish qiymati qariyb 50 million yuanni tashkil etdi. Ushbu mablagʻning 30 million yuani davlat tomonidan ajratilgan boʻlsa, qolgan qismi Shenchjen musulmonlari hamda Xitoy va boshqa mamlakatlardagi musulmonlar tomonidan qilingan xayriyalar hisobidan qoplangan. Mazkur masjid Xitoy Xalq Respublikasi tashkil topganidan buyon Guandun provinsiyasi hududida davlat mablagʻi hisobidan moliyalashtirilgan ilk masjid hisoblanadi.
Qurilish ishlari yakunlangach, masjidning umumiy maydoni 10,000 m2 (110,000 kv ft)dan oshdi. Bino besh qavatdan iborat boʻlib, bitta yer osti qavati ham mavjud. Asosiy namozxona bir vaqtning oʻzida 5000 nafardan ortiq kishini oʻzida sigʻdira oladi.
Halol taomlar
Masjid atrofida bir nechta restoranlar joylashgan boʻlib, ushbu restoranlarda halol taomlar taqdim etiladi.
Transport
Shenchjen masjidiga Shenjchen metropolitenining Shangmeilin stansiyasidan sharqqa tomon piyoda yurib borish mumkin.
Yana qarang
Manbalar
- ↑ „Shenzhen Mosque“. mosqpedia.org (2025). Qaraldi: 2025-yil 25-oktyabr.
- ↑ „Shenzhen Meilin Mosque“. Muslim2China. Qaraldi: 2019-yil 19-noyabr.
Havolalar
Vikiomborda „Shenchjen masjidi“ mavzusi boʻyicha mediafayllar bor.- Shenchjen masjidi bo‘ylab piyoda sayohat (streaming video).
