Shavkatjon Boltayev
| Shavkatjon Boltayev | |
|---|---|
 | |
| Shaxsiy maʼlumotlari | |
| Jinsi | Erkak |
| Taxallusi/Laqabi | The Axe |
| Fuqaroligi |
 Oʻzbekiston |
| Tavallud sanasi |
2005-yil 10-yanvar Kattaqoʻrgʻon tumani, Samarqand viloyati, Oʻzbekiston |
| Faoliyat yillari | 2021—hozirgacha |
| Sport | |
| Mamlakat |
Oʻzbekiston |
| Qaysi sport | Boks |
| Sport mukofotlari | ||
|---|---|---|
| Osiyo oʻyinlari | ||
| Bronza | Aichi–Nagoya 2026 | 70 kg |
| U22 Osiyo chempionati | ||
| Oltin | Bangkok 2025 | 75 kg |
| Bronza | Astana 2024 | 67 kg |
| Yoshlar oʻrtasidagi Osiyo chempionati | ||
| Oltin | Astana 2023 | 67 kg |
| Oʻsmirlar oʻrtasidagi Osiyo chempionati | ||
| Oltin | Dubay 2021 | 70 kg |
| BRICS oʻyinlari | ||
| Oltin | Qozon 2024 | 67 kg |
| MDH oʻyinlari | ||
| Oltin | Belarus 2023 | 71 kg |
Shavkatjon Boltayev (2005-yil 10-yanvarda tugʻilgan, Samarqand viloyati, Kattaqoʻrgʻon shahri, Oʻzbekiston) — oʻzbekistonlik havaskor bokschi, 2026-yilgi Osiyo oʻyinlari bronza medali sovrindori[1], 2025-yil U22 Osiyo chempioni, 2023-yil yoshlar oʻrtasidagi Osiyo chempioni, 2024-yilgi BRICS oʻyinlari hamda 2023-yilgi MDH oʻyinlari gʻolibi.[2][3] Murabbiyi Alimardon Dostanov[4].
Tarjimayi holi
Shavkatjon Boltayev 2005-yil 10-yanvarda Samarqand viloyati, Kattaqoʻrgʻon shahrida tugʻilgan.[5] Boks bilan 8 yoshligidan shugʻullana boshlagan. 2018-yilda Oʻzbekiston oʻquvchi yoshlar chempionatida bronza medalini qoʻlga kiritgan.[5]
Faoliyati
Oʻsmirlar vayoshlar va oʻrtasidagi faoliyati
2019-yilda Quvayt shahrida oʻtkazilgan oʻquvchilar oʻrtasidagi Osiyo chempionatining 64 kg vazn toifasida oltin medalni qoʻlga kiritdi.[5][6]
2021-yil avgust oyida Dubayda oʻtkazilgan oʻsmirlar oʻrtasidagi Osiyo chempionatida 70 kg vazn toifasida chempion boʻldi. Oʻzbekiston terma jamoasi musobaqaning oʻsmirlar oʻrtasidagi bahslarida umumjamoa hisobida birinchi oʻrinni egalladi.[7]
2023-yilda Belarusda oʻtkazilgan MDH oʻyinlarida 71 kg vazn toifasida oltin medalni qoʻlga kiritdi.[8]
Oʻsha yilning oktyabr–noyabr oylarida Qozogʻistonning Ostona shahrida oʻtkazilgan yoshlar oʻrtasidagi Osiyo chempionatida 67 kg vazn toifasida oltin medalga sazovor boʻldi.[3]
2023-yil noyabr oyida kattalar oʻrtasidagi Oʻzbekiston chempionatining 67 kg vazn toifasida finalga chiqdi. Xal qiluvchi bahsda Kamron Turgʻunboyevga qarshi ringga chiqmagan va kumush medal bilan kifoyalangan.[9]
U22 va kattalar oʻrtasidagi jahon kubogi
2024-yil may oyida Ostona shahrida oʻtkazilgan U22 Osiyo chempionatida 67 kg vazn toifasida bronza medalini qoʻlga kiritdi.[10]
2024-yil iyun oyida Rossiyaning Qozon shahrida boʻlib oʻtgan BRICS oʻyinlarining 67 kg vazn toifasida oltin medalni qoʻlga kiritdi. Finalda rossiyalik Karen Solovyovni 4:1 hisobida magʻlub etdi.[11]
2025-yil avgust oyida Bangkokda oʻtkazilgan U22 Osiyo chempionatida 75 kg vazn toifasida qatnashdi. Chorak finalda qozogʻistonlik Aman Konsbekovni 4:1, yarim finalda Tailand vakili Thananchai Phoemsapni 5:0 hisobida magʻlub etdi. Finalda Hindiston vakili Neeraj ustidan gʻalaba qozonib, Osiyo chempioni boʻldi.[12][2]
2025-yil sentyabr oyida Liverpulda oʻtkazilgan World Boxing jahon chempionatining 70 kg vazn toifasida ishtirok etdi. Dastlab shvetsiyalik Kevin Scottni, keyingi bosqichda ispaniyalik Frank Martinez Bernadni magʻlub etib, chorak finalga yoʻl oldi. Chorak finalda Iordaniya vakili Zeyad Eashashga 0:5 hisobida imkoniyatni boy berdi.[13][14]
2026-yilgi Osiyo oʻyinlari
2026-yil sentyabr oyida Yaponiyada oʻtkazilgan Aichi–Nagoya 2026 Osiyo oʻyinlarida 70 kg vazn toifasida Oʻzbekiston sharafini himoya qildi.
Dastlab Janubiy Koreya vakili Kim Joonsuni 4:1 hisobida magʻlub etdi.[15]
Chorak finalda Xitoy vakili Li Guofeng ustidan 5:0 hisobida gʻalaba qozonib, yarim finalga yoʻl oldi.[16]
Yarim finalda qozogʻistonlik Torekhan Sabyrkhanga 0:5 hisobida imkoniyatni boy berdi va Osiyo oʻyinlarining bronza medaliga sazovor boʻldi.[17]
Havolalar
Manbalar
- ↑ „Shavkatjon Boltayev - Osiyo o‘yinlari sovrindori“.
- ↑ 2,0 2,1 „Asian Boxing U22 Boxing Championships Bangkok 2025 — Final Rankings“ (en). Asian Boxing (2025). Qaraldi: 2026-yil 8-oktyabr.
- ↑ 3,0 3,1 „Uzbekistan’s youth team wins Asian Youth & Junior Boxing Championships“ (en). Oʻzbekiston Milliy axborot agentligi (2023-yil 4-noyabr). Qaraldi: 2026-yil 8-oktyabr.
- ↑ „O‘zbekistonlik bokschilar Jahon chempionatiga tayyorgarlikni Angliyada o‘tkazadi“. https://zamin.uz/ (17 avgust 2025).
- ↑ 5,0 5,1 5,2 „ASBC Heroes – Uzbekistan’s 15-year-old Shavkatjon Boltayev who remained unbeaten in 2019“ (en). Sports.uz (2020-yil 26-sentyabr). Qaraldi: 2026-yil 8-oktyabr.
- ↑ „Uzbek boxers make a record by earning 10 gold medals at Asian Schoolboys Boxing Championships“ (en). Sports.uz (2019-yil 10-avgust). Qaraldi: 2026-yil 8-oktyabr.
- ↑ „O‘smir bokschilarimiz Osiyo chempionatida birinchi bo‘lishdi“. Oʻzbekiston Milliy Olimpiya qoʻmitasi (2021-yil 29-avgust). Qaraldi: 2026-yil 8-oktyabr.
- ↑ „Belarus-2023: Bokschilarimiz yana bir bor tengsiz“. Oʻzbekiston Milliy Olimpiya qoʻmitasi (2023-yil 13-avgust). Qaraldi: 2026-yil 8-oktyabr.
- ↑ „Boks bo‘yicha O‘zbekiston chempionati o‘z g‘oliblarini aniqladi“. Oʻzbekiston Milliy Olimpiya qoʻmitasi (2023-yil 29-noyabr). Qaraldi: 2026-yil 8-oktyabr.
- ↑ „Qozog‘istondagi Osiyo chempionatini yosh bokschilarimiz yuqori notada yakunlashdi“. Oʻzbekiston Milliy Olimpiya qoʻmitasi (2024-yil 7-may). Qaraldi: 2026-yil 8-oktyabr.
- ↑ „BRICS Games: Tenth Competition Day Results“ (en). BRICS Games 2024 (2024-yil 22-iyun). Qaraldi: 2026-yil 8-oktyabr.
- ↑ „Asian Boxing U22 Boxing Championships Bangkok 2025 — Middle 75 kg Draw Sheet“ (en). Asian Boxing (2025). Qaraldi: 2026-yil 8-oktyabr.
- ↑ „Uzbekistan continues to impress with five wins from five on day five of the World Boxing Championships“ (en). World Boxing (2025-yil 8-sentyabr). Qaraldi: 2026-yil 8-oktyabr.
- ↑ „Medal guaranteed as Ishaish reaches World Champs semis“ (en). Jordan Olympic Committee (2025-yil 10-sentyabr). Qaraldi: 2026-yil 8-oktyabr.
- ↑ „Women Take Centre Stage as Asian Games Boxing Continues in Nishio“ (en). Asian Boxing (2026-yil 24-sentyabr). Qaraldi: 2026-yil 8-oktyabr.
- ↑ „Wu Yu, Lovlina Borgohain, Torekhan and Okazawa advance as quarterfinals continue“ (en). Asian Boxing (2026-yil 28-sentyabr). Qaraldi: 2026-yil 8-oktyabr.
- ↑ „Asian Games finalists confirmed as semi-finals conclude in Aichi-Nagoya“ (en). World Boxing (2026-yil 30-sentyabr). Qaraldi: 2026-yil 8-oktyabr.