Sharja masjidi
| Masjid | |
 | |
| Mamlakat |  Birlashgan Arab Amirliklari
|
| Joylashuvi | Amirliklar yoʻli va Maleha yoʻliga olib boruvchi tutashgan chorraha, Sharja |
| Koordinatalar | 25°14′27″N 55°34′13″E / 25.24083°N 55.57028°E |
| Meʼmoriy uslub | Usmoniylar meʼmorchiligi – Islom arxitekturasi |
| Binokorlik | 2014-yil—2019-yil |
| Oʻlchami | 25,000[1] |
| Minoralar soni | 2 |
| Minoralar soni | 2 |
Sharja masjidi (arabcha: مَسْجِد ٱلشَّارْقَة)[3][4] – Birlashgan Arab Amirliklari Sharja amirligidagi eng yirik masjid. Masjid nafaqat musulmonlarning ibodat qilishi uchun xizmat qiladi, balki u yerda kutubxona, shuningdek, musulmon boʻlmaganlarga daʼvat berish uchun alohida maydon ham ajratilgan.
Tarixi
Qurilish ishlari 2014-yilda boshlanib, taxminan 300 million dirham mablagʻ sarflangan. Masjid 2019-yil 10-may kuni Sharja hukmdori, Shayx Sulton bin Muhammad al-Qosimiy tomonidan rasman ochilgan[2].
Ochilish munosabati bilan BAA Markaziy banki tomonidan biri oltin va biri kumushdan boʻlgan, har birining yuzida Qur’on oyati yozilgan esdalik tangalar chiqarilgan. Ularning dizayni Sharja islomiy banki tomonidan ishlab chiqilgan[5].
Geografiyasi, oʻlchami va statistika
Masjid loyihasi klassik uslubdagi Usmoniy meʼmorchiligi asosida ishlab chiqilgan boʻlib, Tay hududida Amirliklar yoʻli va Mleyhaga olib boruvchi yoʻl tutashgan chorrahada joylashgan[1]. Masjid, uning bogʻlari va infratuzilmalari jami 190 000 m² maydonda barpo etilgan. Taqqoslash uchun ilgari amirlikdagi eng yirik masjid hisoblangan Qirol Faysal masjidining maydoni 10 000–12 000 m² edi[6][7][8]. Sharja masjidi musulmon boʻlmagan mehmonlar uchun ham ochiq, ular uchun alohida belgilangan yoʻlaklar va zonalar mavjud. Masjidda koʻplab asl islomiy qoʻlyozmalar jamlangan keng kutubxona bor. Masjid majmuasining turli avtoturargohlariga 2 200 dan ortiq avtomobil va avtobus joylashishi mumkin. Shuningdek, masjidda suvenir doʻkoni, muzey va favvoralar bor. Majmua ikkita tahorat olinadigan joy, keksalar uchun 100 dona nogironlar aravachasi bilan jihozlangan[9][10].
Masjid oʻzida 25 000 nafar ibodat qiluvchini sigʻdira oladi. Shundan 5 000 nafardan ortigʻi ichki qismdan joy olsa[1], 610 tasi ayollar uchun ajratilgan. Old zal va yon foyelar 6 000 nafardan ortiq, tashqi maydon esa 13 500 kishini sigʻdira oladi[2].
Yana qarang
- Shayx Zayd masjidi
- Musulmon tarixining vaqt jadvallari
- Sulton Qobus masjidi
- Birlashgan Arab Amirliklaridagi masjidlar roʻyxati
Manbalar
- ↑ 1,0 1,1 1,2 1,3 „New Sharjah mosque can accommodate 25,000 worshippers“ (2019-yil 11-may). Qaraldi: 2019-yil 12-may.
- ↑ 2,0 2,1 2,2 2,3 Staff Reporter.. „Sharjah Ruler opens emirate's largest mosque“ (2019-yil 12-may). 2019-yil 18-mayda asl nusxadan arxivlangan. Qaraldi: 2019-yil 13-avgust.
- ↑ „ar:سلطان القاسمي يفتتح مسجد الشارقة“ (ar) (2019-yil 11-may). Qaraldi: 2019-yil 30-may.
- ↑ „ar:سلطان القاسمي يفتتح مسجد الشارقة بتكلفة 300 مليون درهم“ (ar) (2019-yil 11-may). Qaraldi: 2019-yil 30-may.
- ↑ WAM.. „Sharjah bank issues coins to mark mosque opening“ (2019-yil 10-may). Qaraldi: 2019-yil 13-may.
- ↑ „A look at the magnificent mosques of the UAE“ (2015-yil 1-iyul). Qaraldi: 2019-yil 15-avgust.
- ↑ Kakande, Yasin. „Sharjah's mosque where the faithful can listen and learn“ (2011-yil 11-avgust). Qaraldi: 2019-yil 15-avgust.
- ↑ Al Qassemi, Sultan Sooud. „Demystifying Sharjah’s iconic King Faisal Mosque“ (2017-yil 16-noyabr). Qaraldi: 2019-yil 15-avgust.
- ↑ „Gallery: Sultan Al Qasimi opens largest mosque in Sharjah“ (en) (2019-yil 12-may). Qaraldi: 2019-yil 13-avgust.
- ↑ „Sharjah Ruler’s vision comes to life as largest mosque in emirate welcomes first worshippers“ (en) (2019-yil 13-may). Qaraldi: 2019-yil 13-avgust.
Havolalar
 |
Vikiomborda „Sharja masjidi“ mavzusi boʻyicha mediafayllar bor. |