Shahnoz Buxoriy
| Shahnoz Buxoriy | |
|---|---|
| Taʼlimi | Panjob universiteti |
| Kasbi | Klinik psixolog va faol |
| Millati | pokistonlik |
| Bolalari | 2 o‘g‘il va 2 qiz |
| Mukofotlari | Fuqarolik jasorati mukofoti (2003) |
Shahnaz Buxoriy (yoki Boxariy) — pokistonlik klinik psixolog va ayollar huquqlari faoli. Nodavlat notijorat tashkilot „Ilgʻor ayollar uyushmasi“ (PWA) tashkiloti asoschisi va direktori. Ayollarga nisbatan zoʻravonlik holatlarini hujjatlashtiradi va ularga qarshi kurashadi.
Taʼlimi va faoliyati
Shahnoz Buxoriy Lohurdagi Panjob universitetida magistr darajasini olgan. Oʻqishni tugatgach, Saudiya Arabistonida yetti yil davomida oilaviy maslahatchi boʻlib ishlagan. 1984-yilda Pokistonga qaytgach, Buxoriy zoʻravonlik qurbonlari uchun xizmatlar koʻrsatilmasligini koʻrib, bu boʻshliqni toʻldirishga qaror qilgan. U keyingi yili ijtimoiy va oilaviy zoʻravonlikdan jabrlangan ayollarga yordam beruvchi tashkilot „Ilgʻor ayollar uyushmasi“ni (PWA) tuzgan[1]. 1994-yilda tashkilot kislota sepish va kuyishdan jabrlanganlar ishlarini ham koʻrib chiqishni boshlagan[2]. Shuningdek, Buxoriy „Womenʼs World“ jurnalini tahrir qiladi va uni nashr ettiradi[3].
Oʻsha yili „Ilgʻor ayollar uyushmasi“ Bosh vazir Benazir Bhuttoni faqat ayollardan iborat politsiya boʻlimlarini tashkil etishga koʻndirishga muvaffaq boʻldi. 1999-yilda Buxoriy Ravalpindidagi oilaviy uyini Pokistondagi bolali, kaltaklangan ayollar uchun birinchi boshpana uyiga (AASSRA) aylantirdi[4]. Buxoriy va „Ilgʻor ayollar uyushmasi“ ayollarga nisbatan zoʻravonlik boʻyicha hujjatlashtirilgan 16 000 ta ish doirasida gaz pechidan vafot etgan 5 675 dan ortiq qurbonlarni aniqlagan[1]. 1994–2008-yillarda „Ilgʻor ayollar uyushmasi“ Islomobod hududida kislotali hujumlarining 7800 ta holatini hujjatlashtirgan[5].
2001-yilda Buxoriy AASSRAda zoʻravon eridan qochgan ayolga boshpana berganidan soʻng „zino qilishga urinishga koʻmaklashish“ ayblovi bilan hibsga olindi. Ikki yildan keyin u ayblovlardan oqlandi[1]. Buxoriyning aytishicha, u va uning oilasi koʻplab tahdidlarga duchor boʻlgan, shuningdek, politsiyachilar tomonidan olib boriladigan reydlariga ham tez-tez duch kelgan[6].
Shaxsiy hayoti
Shahnoz Buxoriyning ikki oʻgʻil va ikki qizi boʻlib, ularni yolgʻiz tarbiyalaydi. Farzandlari orasida eng kattasi uning bosh yordamchisi sifatida faoliyat olib boradi. Uning sobiq eri esa AQShda istiqomat qiladi[3].
Mukofotlar va eʼtiroflar
Shahnoz Buxoriy 2003-yilda AQShda joylashgan Train jamgʻarmasining „Fuqarolik jasorati mukofoti“ni qoʻlga kiritgan. Ushbu mukofot „harbiy mardlikdan koʻra kattaroq vazifa, shaxsiy hayotini tavakkal ostiga qoʻyish evaziga yovuzlikka qatʼiy qarshilik koʻrsatganlik“ uchun taqdim etiladi[7][8]. Oradan bir yil oʻtib, Womenʼs eNews sayti uni „XXI asr uchun 21 yetakchi“dan biri deb atagan[1].
Shahnoz Buxoriy, shuningdek, 2001-yilgi Veymar inson huquqlari mukofoti sovrindori hisoblanadi.
Manbalar
- ↑ 1,0 1,1 1,2 1,3 Carline Bennett. „21 Leaders for the 21st Century“. We News (2003-yil 23-dekabr). Qaraldi: 2012-yil 2-avgust.
- ↑ Zofeen T. Ebrahim. „Maria Shah — another acid attack file closed?“ (2009-yil 16-fevral). Qaraldi: 2012-yil 2-avgust.
- ↑ 3,0 3,1 Richard H. Curtiss. „Shahnaz Bukhari—A Single-Minded Activist for Women's Rights“. Washington Report on Middle East Affairs (august–september 1996). Qaraldi: 2012-yil 2-avgust.
- ↑ „Shahnaz Bukhari“. Conference on World Affairs: University of Colorado-Boulder. Qaraldi: 2012-yil 2-avgust.
- ↑ Nicholas D. Kristof. „Terrorism that's personal“. The New York Times (2008-yil 30-oktyabr). Qaraldi: 2012-yil 2-avgust.
- ↑ Shahnaz Bukhari. „Shahnaz Bukhari Civil Courage Prize Address“. Civil Courage Prize (2003-yil 15-oktyabr). Qaraldi: 2012-yil 2-avgust.
- ↑ „Civil Courage Prize“. civilcourageprize.org (2010). Qaraldi: 2011-yil 11-may.
- ↑ „David Patrick Columbia's New York Social Diary“. newyorksocialdiary.com (2003-yil 29-oktyabr). Qaraldi: 2012-yil 2-avgust.