Serkan Çayoğlu
| Serkan Çayoğlu | |
|---|---|
| Tavalludi |
1987-yil 31-may |
| Fuqaroligi | Germaniya, Turkiya |
| Taʼlimi | Erlangen-Nyurnberg universiteti |
| Kasbi | Aktyor |
| Turmush oʻrtogʻi |
Özge Gürel (turm. 2022) [1] |
Serkan Çayoğlu (1987-yil 31-mayda tugʻilgan) — Germaniyada tugʻilgan turk aktyori[2]. U „Kiraz Mevsimi“ romantik komediyasi, „Börü“ harbiy seriali, „Bir Zamanlar Kıbrıs“ tarixiy seriali hamda „Halka“ va „Yeni Hayat“ nomli kriminal seriallardagi rollari bilan tanilgan[3]. Çayoğlu turmush oʻrtogʻi Özge Gürel bilan birga „Börü“ va „Kiraz Mevsimi“ seriallarida rol ijro etgan[4].
Yoshlik davri va taʼlimi
Serkan Çayoğlu 1987-yil 31-mayda Germaniyada turk oilasida dunyoga kelgan[3]. U Germaniyadagi Erlangen universitetining iqtisodiyot fakultetini tamomlagan[3]. Universitetda oʻqish bilan birga modellik bilan ham shugʻullana boshlagan.
Faoliyati
Aktyor boʻlish maqsadida Istanbulga kelgan Çayoğlu Ümit Çırakning „Zamonaviy aktyorlik texnikalari ustaxonasi“da Ümit Çırak va Dolunay Soysertdan aktyorlik saboqlarini olgan[3]. U 2012-yilda oʻzining aktyorlik faoliyatini „Kuzey Güney“ serialining mavsum finalida Merve Boluğur qahramonining Italiyadan kelgan doʻsti rolini ijro etish bilan boshlagan. Shuningdek, 2013-yilda Hande Yenerning „Ya Ya Ya“ nomli klipida ham suratga tushgan. Çayoğlu „Kiraz Mevsimi“ serialidagi Ayaz roli bilan tanila boshladi[5].
2024-yilda Çayoğlu „Miray Yapım“ shirkati tomonidan suratga olingan „Mehmed: Fetihler Sultanı“ nomli turk tarixiy-badiiy serialida Mehmed II bosh rolini qoʻlga kiritdi. Serial katta shuhrat qozonib, koʻplab mukofotlarga, jumladan, 10-Anadolu Media Mukofotlari marosimida „Yil seriali“ sovriniga sazovor boʻldi[6].
Shaxsiy hayoti
2022-yil 13-avgust kuni Çayoğlu 2014-yildan beri birga boʻlgan sevgilisi Özge Gürel bilan Germaniyada turmush qurdi. Kam sonli mehmonlar ishtirokidagi nikoh marosimida oila aʼzolari va yaqin doʻstlari qatnashdi[1].
Manbalar
- ↑ 1,0 1,1 „Özge Gürel ile Serkan Çayoğlu evlendi“. CNN Türk (2022-yil 15-iyul). Qaraldi: 2022-yil 16-iyul.
- ↑ „Almanya'da ekonomistti Türkiye'de oyuncu oldu“ (2018-yil 28-mart). Qaraldi: 2020-yil 4-sentyabr.
- ↑ 3,0 3,1 3,2 3,3 „Serkan Çayoğlu kimdir?“ (tr) (2016-yil 31-mart). Qaraldi: 2020-yil 4-sentyabr.
- ↑ „'Börü' filminin galası gerçekleşti“ (2018-yil 29-dekabr).
- ↑ „Özge Gürel ile Serkan Çayoğlu müjdeyi verdi“ (tr). CNN Türk (2018-yil 16-avgust). 2018-yil 7-oktyabrda asl nusxadan arxivlangan. Qaraldi: 2020-yil 13-may.
- ↑ „The media awards have found their recipients! President Erdoğan thanks the Turkish Press Federation.“ (2025-yil 23-iyul).