Kontent qismiga oʻtish

Seri Sendayan masjidi

ZiyoSfera, erkin ensiklopediya
Masjid
Seri Sendayan masjidi

Sri Sendayan masjidi (malaycha: Masjid Sri Sendayan) — Malayziyaning Negeri Sembilan shtati Seremban shahri Bandar Seri Sendayan shaharchasida joylashgan masjid. Seremban shahar markazidan 15 kilometr (9.3 mi) janubi-gʻarbda joylashgan. Shtatdagi eng katta masjidi boʻlib, 5000 nafargacha ibodat qiluvchini sigʻdira oladi.

Masjid RHB Bank asoschisi Rashid Hussain tomonidan vaqf qilingan. Masjid qurilishi 2015-yilda boshlangan va 2019-yil 20-sentyabrda rasman ochilgan.

Tavsif

Masjid, 2022-yil
Asosiy namoz oʻqiladigan zali
Asosiy gumbazning tilla suvi yuritilgan pastki qismi va qandil

Seri Sendayan masjidi 4,5 gektar maydonda qurilgan boʻlib, uchta namozxonani oʻz ichiga oladi. Ularning barchasi gilam bilan qoplangan va konditsionerlar bilan jihozlangan. Masjid majmuasida, shuningdek, portik va atrium mavjud. Asosiy namozxona 3000 kishini, qoʻshimcha namozxona hamda ayollar namozxonasi (yuqori qavatda joylashgan) esa har biri 800 kishini sigʻdira oladi. Masjidda konferensiya xonalari, turli maqsadda foydalaniladigan zal, maʼmuriy idora, ovqatlanish zali, marhumlarni yuvish va dafn marosimiga tayyorlash xonasi hamda masjid xodimlari uchun moʻljallangan oltita turar joy mavjud.

Meʼmorchiligi

Masjid loyihasi Kuala-Lumpurda faoliyat yurituvchi meʼmor Zailan Yusop tomonidan ishlab chiqilgan[1]. Masjid oʻzining nafis va badiiy jihatdan jozibador meʼmorchiligi bilan ajralib turadi. Inshoot meʼmoriy qiyofasida Abbosiylar va Mamluk davri meʼmorchiligi asosiy oʻrin tutadi, shuningdek Umaviylar va Usmoniylar meʼmorchiligining taʼsiri ham seziladi[2][3]. Masjid ichki bezagida Misr, Usmoniylar, BAA, Marokash va Xitoy meʼmorchiligiga xos unsurlar uygʻunlashgan. Malayziyaning eng goʻzal masjidlaridan biri sifatida eʼtirof etilgan ushbu maskan mahalliy va xorijiy sayyohlarni oʻziga jalb qiladi.

Galereya

  • Asosiy kirish joyi
    Asosiy kirish joyi
  • Masjid hududidagi gullagan sariq allamanda o‘simliklari
    Masjid hududidagi gullagan sariq allamanda o‘simliklari
  • Atrium
    Atrium
  • Masjidning ikki minorasi
    Masjidning ikki minorasi
  • Minoralardan birining yaqindan ko‘rinishi
    Minoralardan birining yaqindan ko‘rinishi
  • Tahorat olinadigan joy
    Tahorat olinadigan joy
  • Masjid majmuasi: orqa fonda ko‘p maqsadli zal (chapda) va ma’muriy bino (o‘ngda) joylashgan, eng orqadagi gumbazli inshoot — qo‘riqlash posti
    Masjid majmuasi: orqa fonda ko‘p maqsadli zal (chapda) va ma’muriy bino (o‘ngda) joylashgan, eng orqadagi gumbazli inshoot — qo‘riqlash posti

Manbalar

Vikiomborda „Seri Sendayan masjidi“ mavzusi boʻyicha mediafayllar bor.
  1. ↑ „The men behind Masjid Sri Sendayan“. New Straits Times (2019).
  2. ↑ „Tentang Masjid Sri Sendayan“ (Malay). Masjid Sri Sendayan (2025-yil 19-mart).
  3. ↑ „Masjid Sri Sendayan“ (Malay). Majlis Keselamatan Negara (2023-yil 23-noyabr). 
"https://ziyosfera.uz/index.php?title=Seri_Sendayan_masjidi&oldid=1535449" dan olindi