Kontent qismiga oʻtish

Sergio Gor

ZiyoSfera, erkin ensiklopediya
Sergio Gor
Oq uy kadrlar boshqarmasi direktori
Mansab davri
2025-yil 20-yanvardan – hozirgacha
Prezident Donald Trump
Oʻtmishdoshi Gautam Raghavan
Shaxsiy maʼlumotlari
Tavalludi 1986-yil 30-noyabr (1986-11-30) (39 yosh)
Toshkent, Oʻzbekiston SSR
Siyosiy partiyasi Respublikachilar partiyasi
Taʼlim George Washington universiteti

Sergio Gor (toʻliq ismi Sergey Gorokhovsky, 1986-yil 30-noyabr, Toshkent, Oʻzbekiston SSR[1]) – amerikalik tadbirkor va siyosiy xodim[2]. U 2024-yilgi AQSh prezidentlik saylovi davrida Donald Trumpni qoʻllab-quvvatlovchi Right for America nomli super PACga rahbarlik qilgan[3]. Saylov jarayonida Winning Team Publishing nashriyoti orqali Our Journey Together, Letters to Trump (2023) va Save America (2024) nomli kitoblarni nashr qilgan[4][5][6]. Mazkur nashriyotni u Donald Trump Jr. (Trumpning toʻngʻich oʻgʻli) bilan birgalikda boshqaradi[7]. Sergio Gor 2024-yilgi Respublikachilar milliy kongressida delegat sifatida ishtirok etgan[8].

Yoshligi va taʼlimi

Gor 1986-yil 30-noyabrda Oʻzbekiston SSRning Toshkent shahrida tavallud topgan[9][10]. Bolaligining koʻp qismini Maltada oʻtkazgan va 1999-yilda oilasi bilan AQShga koʻchib ketgan[11]. U Los-Anjeles chekkasidagi oʻrta maktabda oʻqigan va keyinchalik Vashingtondagi George Washington universitetida tahsil olgan.

Karyerasi

Dastlabki faoliyati

Gor 2008-yilda Barack Obamaga qarshi oʻtkazilgan aksiyada olmaxon libosida ishtirok etgan[12]. Shu yili boʻlib oʻtgan AQSh prezidentlik saylovi davomida u „Catholics for McCain“ harakatining faoli boʻlgan[13]. Universitetni tamomlagach, u Respublikachilar milliy qoʻmitasida ishlagan va vakillar Randy Forbes, Michele Bachmann hamda Steve Kingning shtabida xizmat qilgan[12]. 2013-yilda esa u Rand Paulning yordamchisi boʻldi[14]. 2015-yil boshida uning matbuot kotibi sifatida faoliyat yuritdi va keyinchalik Paulning devonxona boshligʻi oʻrinbosari lavozimigacha koʻtarildi. U 2020-yilgacha Paul bilan ishlashda davom etgan[15]. Gor 2017—2018-yillarda Moskvaga tashrif buyurgan. Keyinchalik uning advokati, Gor 2017-yilda Rossiyaning milliy aviakompaniyasi Aeroflot orqali Vashingtondan Rimga qilgan safarida Rossiyada „qoʻnib oʻtgani“ni taʼkidlagan va „boshqacha qilingan har qanday talqin tuhmat boʻlishi“ni aytgan.

Gor, shuningdek, Fox News telekanalida prodyuser yordamchisi sifatida faoliyat yuritgan va sobiq kongressmen Matt Gaetzning toʻy marosimini boshqargan[16]. U Donald Trumpning 2020-yilgi qayta saylanish kampaniyasida asosiy mablagʻ yigʻish rasmiysi boʻlgan va PAC Right for America siyosiy harakat qoʻmitasiga asos solgan. Ushbu qoʻmita 2024-yilgi saylov kampaniyasi davomida qariyb 72 million AQSh dollari sarflagan[17].

Prezident maʼmuriyati kadrlar boʻlimi

2024-yil 13-noyabr kuni Semafor nashri Donald Trump ikkinchi prezidentlik muddati davomida Oq uy huzuridagi kadrlar bo‘limi direktori lavozimini Gorga taklif qilganini xabar qildi[18]. Gor 2025-yil 20-yanvarda ushbu lavozimni rasman egalladi va siyosiy tayinlovlarning Trump siyosiy dasturiga sodiqligini taʼminlash maqsadida sodiqlik testlarini joriy etdi. Bu testlar orqali Demokratlarga xayriya qilmagan shaxslar tanlab olindi[17]. 2025-yil fevral oyi oxirida Politico nashri Gor Oq uy xodimlari orasida Elon Muskning Davlat samaradorligi departamentiga doir qarorlarni kadrlar boʻlimi bilan kelishmasdan qabul qilganidan norozi ekanini xabar qildi[19].

Gor 2025-yil iyun oyida NASA rahbarligiga nomzod sifatida ilgari surilgan Jared Isaacmanning nomzodligi bekor qilinishida muhim rol oʻynagan. Texnologiya sohasidagi milliarder va Elon Muskning hamkori boʻlgan Isaacman 2025-yil 30-aprelda AQSh Senatining Savdo, fan va transport qoʻmitasi tomonidan 19–9 ovoz bilan maʼqullangan hamda uning Senatda keng qoʻllab-quvvatlanishi kutilayotgan edi[17]. Biroq Gor ushbu nomzodga qarshi lobbi yuritdi hamda Isaacmanning ilgari Demokratlarga qilgan xayriyalarini taʼkidlab oʻtdi. Natijada, Trump koʻrib chiqish yakunlariga koʻra, „ilgari boʻlgan aloqalar“ni asos qilib, nomzodlikni bekor qildi[17][20]. Bu qaror Trump va Musk oʻrtasidagi munosabatlarda keskinlikka sabab boʻld. Bu ziddiyatda Gorning taʼsiri muhim omil sifatida tilga olindi[17].

Gor tez-tez Mar-a-Lago qarorgohida koʻrinish beradi va sobiq Marvel rahbari, Trump tarafdori va siyosiy ittifoqchisi hisoblangan Isaac Perlmutter bilan yaqin aloqalarni saqlab keladi.

2025-yil iyun oyida ommaviy axborot vositalari Gor xavfsizlik tekshiruvidan oʻtmaganini maʼlum qildi hamda uning tarjimai holidagi ayrim tafsilotlarda nomuvofiqliklar mavjudligini taʼkidladi[21]. Gor oʻzini 1986-yilda Maltada tugʻilgan va bolaligida AQShga koʻchib kelgan deb taʼriflagan. Biroq Malta rasmiylari uning nomiga oid tugʻilish haqidagi hech qanday rasmiy hujjatlarni aniqlay olishmagan. Cospicua shahridagi mahalliy aholining ayrim aʼzolari uni bolaligida shu hududda yashaganini eslashgan boʻlsa-da, uni „rus bolasi“ deb atashganini va oilasi sharqiy Yevropa tilida soʻzlashganini ham qayd etishgan. The Shift nashri suhbatlashgan fuqarolardan birining soʻzlariga koʻra, Gorning ota-onasi kelib chiqishi nomaʼlum boʻlgan xorijliklar boʻlib, ular orolga 1980-yillarning oxirida yosh bola bilan kelgan[22]. Keyinchalik, xavfsizlik boʻyicha tadqiqotchi Brian Krebs Gorning elektron pochta akkaunti 1980-yil 20-noyabrda Rossiyaning Saratov shahrida tugʻilgan rossiyalik Sergey Anatolevich Goryachev tomonidan Rossiyada roʻyxatdan oʻtgan shaxsiy elektron pochta akkauntlari uchun foydalanilgan parollar bilan bir xil paroldan foydalanganini maʼlum qildi[23]. Biroq 2025-yil 20-iyun kuni Twitter orqali Brian Krebs avvalgi tadqiqotini rad etdi va quyidagicha bayonot berdi: „Men bu hafta Mastodon va LinkedInda Sergio Gorning kelib chiqishi haqida tadqiqot joylashtirdim. Tahlilda jiddiy xatolik borligini bilganimdan soʻng, darhol postlarni oʻchirib tashladim, chunki ular faktlar bilan tasdiqlanmagan edi. Men bu xatodan afsusdaman va kimnidir chalgʻitgan boʻlsam, uzr soʻrayman[24].“

2025-yil 18-iyun kuni Elon Musk ijtimoiy tarmoqlarda Gorga qarshi keskin chiqish qildi, uning shaxsiga shubha bildirgan holda uni „ilon“ deb atadi[25]. Keyinchalik Musk izoh berib, Gorni „jiddiy jinoyat“ sodir etganlikda ayblayotganini maʼlum qildi[26]. Shu bilan birga, Senatdagi respublikachilar Gorni Jared Isaacmanning NASA rahbari lavozimiga nomzodini bekor qilinishiga sababchi sifatida ayblashmoqda[27].

New York Post gazetasi 2025-yil 17-iyundagi maqolasida Gorning rus emasligini aytganiga iqtibos keltirgan[28]. 2025-yil 8-iyul kuni esa The Organized Crime and Corruption Reporting Project (OCCRP) hamda Times of Malta nashrlari Sergio Gor aslida Sergey Gorohovsky ism-sharifiga ega boʻlib, Sovet Ittifoqi fuqarosi sifatida Toshkentda tugʻilganini ochiqlagan maqolalarni eʼlon qildi[29].

Shaxsiy hayoti

Gor Florida shtatining Palm-Bich hududida havaskor didjey[12][11]. U ingliz va malta tillarini yaxshi biladi. Gorning rus yoki oʻzbek tillarini bilishi borasida aniq maʼlumot mavjud emas. Maltada yashagan davrida Gorning ota-onasi rus tilida soʻzlashgan, bu holat AQShdagi maltaliklar jamoasining 2025-yil fevral oyidagi axborotnomalarida tilga olingan[30].

Manbalar

  1. ↑ „Exclusive: Top Trump Adviser Sergio Gor Was Born In the Soviet Union“. OCCRP (2025-yil 8-iyul). Qaraldi: 2025-yil 8-iyul.
  2. ↑ Nelson, Steven „Sergio Gor, Trump Aide Who Vets Thousands of Staffers Hasn't Been Fully Vetted“. NY Post (2025-yil 17-iyun). Qaraldi: 2025-yil 17-iyun.
  3. ↑ Allen, Mike „Well-funded new super PAC joins Trumpworld“. Axios (2024-yil 23-fevral). Qaraldi: 2024-yil 13-noyabr.
  4. ↑ Haberman, Maggie „New Trump Super PAC Says It Has $27 Million After Its First Major Event“. The New York Times (2024-yil 11-aprel). Qaraldi: 2024-yil 13-noyabr.
  5. ↑ Doyle, Katherine „In his new book, Trump threatens to imprison Mark Zuckerberg and says he 'got along well' with Putin“. NBC News (2024-yil 29-avgust). 2024-yil 20-noyabrda asl nusxadan arxivlangan. Qaraldi: 2024-yil 13-noyabr.
  6. ↑ Bennett, Kate „Donald Trump quietly making millions from coffee table book“. CNN (2022-yil 7-fevral). 2022-yil 8-fevralda asl nusxadan arxivlangan. Qaraldi: 2024-yil 13-noyabr.
  7. ↑ Haberman, Maggie „A New Pro-Trump Super PAC Has Formed, With Ties to Mar-a-Lago“. The New York Times (2024-yil 23-fevral). 2024-yil 23-fevralda asl nusxadan arxivlangan. Qaraldi: 2024-yil 13-noyabr.
  8. ↑ Dixon, Matt „Barron Trump to step into the political arena as a Florida delegate at the Republican convention“. NBC News (2024-yil 8-may). 2024-yil 9-mayda asl nusxadan arxivlangan. Qaraldi: 2024-yil 13-noyabr.
  9. ↑ „Thursday's birthdays“. Politico (2017-yil 30-noyabr). Qaraldi: 2025-yil 26-yanvar.
  10. ↑ Borg, Jacob „Top 'Maltese' Donald Trump aide actually born in Soviet Union“ (en-gb). Times of Malta (2025-yil 8-iyul). Qaraldi: 2025-yil 8-iyul.
  11. ↑ 11,0 11,1 Montebello, Edward. „Bormliż li jaħdem viċin Trump jirrakkonta kif darba l-eks President xtralu l-ħwejjeġ għall-golf“ (Maltese). ONE News (2021-yil 14-avgust). 2021-yil 19-noyabrda asl nusxadan arxivlangan. Qaraldi: 2025-yil 26-yanvar.
  12. ↑ 12,0 12,1 12,2 Cummings, James. „Meet Sergio Gor: The Maltese man at the heart of Trump's administration“. Times of Malta (2025-yil 26-yanvar). 2025-yil 26-yanvarda asl nusxadan arxivlangan. Qaraldi: 2025-yil 26-yanvar.
  13. ↑ Malta, Times of „From Malta to Massachusetts“ (en-gb). Times of Malta (2008-yil 19-oktyabr). Qaraldi: 2025-yil 11-iyul.
  14. ↑ „How Rand Paul bombed at Koch brothers gathering“. POLITICO (2015-yil 3-fevral). Qaraldi: 2025-yil 11-iyul.
  15. ↑ Bailey, Phillip M. „Rand Paul's longtime aide leaves to join Trump campaign's finance arm“ (en-US). The Courier-Journal. Qaraldi: 2025-yil 11-iyul.
  16. ↑ Terris, Ben; LeVine, Marianne. „Is this publisher/DJ the most powerful man in Trump's transition?“ (2024-yil 12-dekabr). Qaraldi: 2024-yil 17-dekabr.
  17. ↑ 17,0 17,1 17,2 17,3 17,4 Caputo, Marc; Isenstadt, Alex; Kight, Stef W. „The White House adviser who fueled the Trump-Musk NASA feud“. Axios (2025-yil 6-iyun). Qaraldi: 2025-yil 7-iyun.
  18. ↑ Talcott, Shelby. „Ally of Donald Trump Jr. offered top personnel job“. Semafor (2024-yil 13-noyabr). Qaraldi: 2024-yil 13-noyabr.
  19. ↑ „What 130-day cap? Musk is 'here to stay' in the Trump admin, adviser says“. Politico (2025-yil 28-fevral). Qaraldi: 2025-yil 3-mart.
  20. ↑ „Donald Trump presidency news“. CNN (2025-yil 1-iyun). Qaraldi: 2025-yil 3-iyun.
  21. ↑ Nelson, Steven; Glebova, Diana „Exclusive | Sergio Gor, Trump aide who vets thousands of staffers, hasnʼt been fully vetted himself: sources“ (en-US) (2025-yil 17-iyun). Qaraldi: 2025-yil 20-iyun.
  22. ↑ https://eutoday.net/questions-over-identity-of-trumps-personnel-chief/
  23. ↑ „Sergio Gor: Trump aide born in Russia?“ (en). Daily Kos. 2025-yil 21-iyunda asl nusxadan arxivlangan. Qaraldi: 2025-yil 20-iyun.
  24. ↑ https://x.com/briankrebs/status/1936177266662514838 [bare URL]
  25. ↑ „'He's a snake': Musk jabs at Trump adviser who fueled messy presidential breakup“. POLITICO (2025-yil 19-iyun). Qaraldi: 2025-yil 21-iyun.
  26. ↑ Tomazin, Farrah „Musk Accuses Trump Aide of Federal Crime as Feud Explodes“. thedailybeast.com. The Daily Beast (2025-yil 21-iyun). Qaraldi: 2025-yil 22-iyun.
  27. ↑ Caputo, Marc; Isenstadt, Alex; Kight, Stef W. „The White House adviser who fueled the Trump-Musk NASA feud“. Axios (2025-yil 6-iyun). Qaraldi: 2025-yil 21-iyun.
  28. ↑ Nelson, Steven; Glebova, Diana „Exclusive | Sergio Gor, Trump aide who vets thousands of staffers, hasnʼt been fully vetted himself: sources“ (en-US) (2025-yil 17-iyun). Qaraldi: 2025-yil 10-iyul.
  29. ↑ Borg, Jacob „Top ‘Maltese’ Donald Trump aide actually born in Soviet Union“ (en-gb). Times of Malta (2025-yil 8-iyul). Qaraldi: 2025-yil 10-iyul.
  30. ↑ „Maltese-American Social Club Of San Francisco“. maltese-americanscsf.org. Qaraldi: 2025-yil 11-iyul. 
"https://ziyosfera.uz/index.php?title=Sergio_Gor&oldid=771818" dan olindi