Sergey Silkin

Sergei Silkin

Shaxsiy maʼlumot
Toʻliq ismi	Sergei Nikolayevich Silkin
Tavallud sanasi	1961-yil 2-mart (1961-03-02)
Tavallud joyi	Lyubertsiy, RSFSR
Boʻyi	1.80 m (5 ft 11 in)
Ampluasi	Himoyachi
Yoshligida aʼzo boʻlgan klublar
1980—1982	Dinamo Moskva
Professional faoliyati*
Yillar	Jamoa	Isht.	(Gol.)
1983—1989	Dinamo Moskva	101	(1)
1990—1991	Dinamo Minsk	18	(0)
1992—1993	R. Jet Wavre	13	(0)
1993—1994	Dynamo-Gazovik Tyumen	16	(0)
1995	Avangard-Kortek Kolomna	21	(0)
1996	Spartak Shchyolkovo	16	(0)
Total		185	(1)
Boshqargan klublari
1997—2001	Dinamo Olimpiya zaxiralari maktabi
2002—2007	Dinamo Moskva (yoshlar jamoasi)
2011—2012	Dinamo Moskva
2016	Dinamo Moskva (yoshlar jamoasi)
*Professional klublardagi gollari (ichki chempionat)

Sergey Nikolayevich Silkin (ruscha: Серге́й Николаевич Силкин; 1961-yil 2-martda tugʻilgan) — rossiyalik professional futbol murabbiyi va sobiq futbolchi. U 1983-yilda Moskvaning „Dinamo“ klubi safida Sovet Oliy ligasida professional debyut qilgan.

Futboldagi faoliyati

Klubdagi faoliyati

„Torpedo“ (Lyubersi) klubining bolalar jamoasida oʻynashni boshlagan. Birinchi murabbiyi — V. I. Xazov. 1977-yildan „Dinamo“ SDYUSHORida Vladimir Nikolayevich Smirnov qoʻl ostida shugʻullangan.

„Dinamo“ ustalar jamoasi tarkibida 1983-yil 19-iyulda Moskvaning „Spartak“ klubiga qarshi oʻyinda (0:3) debyut qilgan. „Dinamo“ safida 117 ta oʻyin oʻtkazgan (mamlakat chempionatida 101 ta, SSSR kubogida 8 ta va Yevropa klub turnirlarida 8 ta) va 1 ta gol urgan. 1980—1989-yillarda oʻrinbosarlar tarkibida 156 ta oʻyin oʻtkazib, 6 ta gol urgan. „Dinamo“dan soʻng „Dinamo“ (Minsk) — 1990—1991 (18 oʻyin), „Dinamo-Gazovik“ (Tyumen) — 1993-yil avgustidan 1994-yilgacha (42 oʻyin) va „Spartak“ (Shyolkovo) — 1996 (16 oʻyin), shuningdek, Belgiyaning Vavr shahridagi „Rasing Jet“ (1992 — 1993-yil may) klublarida toʻp surgan.

Murabbiylik foliyati

Uning qoʻl ostida 1986-yilda tugʻilgan Dinamo oʻsmirlar jamoasi 2001-yilgi Moskva chempionatida gʻolib chiqdi, „Dinamo“ning oʻrinbosarlar tarkibi esa 2002 va 2003-yillardagi Rossiya chempionatining oltin medallarini qoʻlga kiritdi. 2003-yilda Viktor Prokopenko isteʼfoga chiqqanidan keyin „Dinamo“ bosh murabbiyi vazifasini bajargan. Uning qoʻl ostida jamoa Rossiya kubogida uchta oʻyin oʻtkazib, ikkita gʻalabaga erishdi va bitta magʻlubiyatga uchradi.

2009-yil sentyabr oyidan boshlab u oʻrindoshlik asosida 1996-yilda tugʻilgan L. I. Yashin nomidagi „Dinamo“ TsPF jamoasining bosh murabbiyi boʻlgan. Unga Sergey Stukashov assistentlik qildi. Qishki birinchilikda jamoa atigi 4-oʻrinni egalladi [manba 5406 kundan beri koʻrsatilmagan]. 2010-yilning yozida esa Xalqaro bolalar chempionlar ligasi doirasidagi final oʻyinida „Dinamo“ Londonning „Chelsea“ klubidagi tengdoshlarini yirik hisobda magʻlub etdi.

2011-yil 21-aprelda chernogoriyalik murabbiy Miodrag Božović isteʼfoga chiqqanidan keyin u „Dinamo“ bosh murabbiyi vazifasini bajaruvchi etib tayinlandi.

Yutuqlari

• Sovet Oliy ligasi 2-oʻrin sohibi: 1986-yil.