Serenay Sarıkaya
| Serenay Sarıkaya | |
|---|---|
 Sarıkaya (2019-yil) | |
| Tavalludi |
1992-yil 1-iyul Anqara, Turkiya |
| Taʼlimi | Ataşehir Adıgüzel tasviriy sanʼat oʻrta maktabi, Istanbul (teatr) |
| Kasbi |
|
| Faoliyat yillari | 2006–hozirgacha |
| Boʻyi | 1.75 m (5 ft 8.90 in) |
Serenay Sarıkaya (1992-yil 1-iyulda tugʻilgan) — turk aktrisasi, modeli va goʻzallik tanlovi gʻolibi. U „Adanalı“, „Lale Devri“, „Medcezir“ va „Aile“ seriallari bilan tanilgan. Aktrisa „Fi“ va „Shahmaran“ seriallaridagi rollari bilan xalqaro miqyosda shuhrat qozongan.
Sarikaya Istanbuldagi Ataşehir Adıgüzel tasviriy sanʼat litseyining teatr boʻlimini tamomlagan[1]. U 14 yoshida „Hayrat“ (2006) filmida kichik bir rol ijro etib, aktyorlik faoliyatini boshlagan, shundan soʻng „Sohilda“ (2008) filmida ham rol oʻynagan. Uning ilk bosh roli „Pari ertagi“ (2008) nomli fantastik bolalar serialida boʻlgan. Aktrisaga katta muvaffaqiyat keltirgan roli esa „Adanali“ (2008–2010) kriminal komediya serialidagi Sofiya obrazi boʻldi.
U Nejat İşler bilan birga „Behzat Ç. Ankara Yanıyor“ va „İkimizin Yerine“ filmlarida suratga tushgan. 2019-yildan beri Sarikaya „Alice moʻjizalar mamlakatida“ asarining musiqiy adaptatsiyasi boʻlgan „Alice Müzikali“da rol oʻynab kelmoqda. U tanqidchilarning eʼtirofiga sazovor boʻlgan va koʻplab mukofotlarni, jumladan, ikkita „Oltin Kapalak“ mukofotini qoʻlga kiritgan.
15 yoshida goʻzallik tanlovida qatnashib, Yevropa yoshlar goʻzallik tanlovida hakamlar hay’atining maxsus mukofotiga loyiq koʻrilgan. Keyinchalik „Miss Turkey 2010“ tanlovida birinchi vitse-miss (ikkinchi oʻrin) unvonini qoʻlga kiritgan. Aktrisalik faoliyatidan tashqari, u turli reklama roliklarida suratga tushgan va koʻplab brendlarning yuzi hisoblanadi. 2014-yilda u GQ Turkey jurnali tomonidan „Yil ayoli“ deb topilgan.
Manbalar
- ↑ „Serenay Sarıkaya'ya ait lise fotoğrafları“ [High school photos of Serenay Sarıkaya] (tr). milliyet.com.tr (2015-yil 19-may). Qaraldi: 2024-yil 10-iyul.