Sechankoʻl
 | |
| Iyul oyida koʻl | |
| Mamlakat |  Oʻzbekiston |
| Region | Qashqadaryo viloyati |
| Tuman | Mirishkor tumani |
Sechankoʻl – Oʻzbekiston Respublikasi, Qashqadaryo viloyati, Mirishkor tumanidagi koʻl[1]. Umumiy maydoni 5014 gektarni tashkil etadi.
Fauna
Oʻzbekiston Respublikasi Vazirlar Mahkamasining 2019-yil 11-iyunda qabul qilingan „2019-2028-yillar davrida Oʻzbekiston Respublikasida biologik xilma-xillikni saqlash strategiyasini tasdiqlash toʻgʻrisida“gi 484-son qaroriga muvofiq, Sechankoʻldagi barcha jonzotlarni roʻyxatdan oʻtkazish ishlari olib borilgan[2]. 2021-yil may oyida bir guruh shaxslar koʻldan noqonuniy baliq ovlab, tabiatga 45 million soʻmlik zarar yetkazishgan. Koʻlda Turkiston moʻylovdori, zogʻora baliq kabi „Qizil kitob“ga kiritilgan baliqlar mavjud.
Prezident qarori
2016-yil 22-sentyabrda Oʻzbekiston Respublikasi prezidentining „Sechankoʻl, Oqjar va Chimboy investitsiya bloklarida geologiya va qidiruv ishlarini olib borish, shuningdek, Urga, Oqchelak va Chandir guruhi konlarini qazish investitsiya loyihasini amalga oshirish chora-tadbirlari toʻgʻrisida“ PQ-2607-sonli qarori qabul qilingan[3]. Qarorda Sechankoʻlda 4 yil davomida Shveysariya kompaniyasi tomonidan geologiya qidiruv ishlarini tashkil etish belgilangan.
2024-yil 3-iyul kuni Oʻzbekiston Respublikasi Prezidenti rahbarligida hududlarda turizm infratuzilmasini yaxshilash va xorijiy turistlar oqimini koʻpaytirish chora-tadbirlari muhokamasi boʻyicha videoselektor yigʻilishi oʻtkazildi. Yigʻilishda tabiiy koʻllar atrofida turizm zonalari tashkil etilmagani, jumladan, Mirishkor tumanidagi Sechankoʻl va Achinkoʻl koʻllari boʻyicha dam olish maskanlari mavjud emasligi taʼkidlangan[4].
Fojiyalar
2023-yil 5-oktyabr kuni koʻlda Koson tumanidan kelgan 57 yoshli shaxs koʻldan baliq ovlayotgan paytda, suvga yiqilib, choʻkish oqibatida halok boʻlgan[5]. 2023-yil 30-iyul kuni koʻlda profilaktika inspektori hamkasblari bilan dam olish maqsadida koʻlga borib, choʻmilish paytida choʻkish sabab halok boʻlgan[6][7].
Manbalar
- ↑ „Сечанкуль“. https://uz.geoview.info/.+Qaraldi: 29-aprel 2025-yil.[sayt ishlamaydi]
- ↑ „Qushlar sanog‘i davom etmoqda“. O'zbekiston respublikasi ekologiya, atrof-muhitni muohafa qilish va iqlim o'zgarishi vazirligi. 2025-yil 5-mayda asl nusxadan arxivlangan. Qaraldi: 2025-yil 29-aprel.
- ↑ „“SECHANKO‘L, OQJAR VA CHIMBOY INVESTITSIYA BLOKLARIDA GEOLOGIYA-QIDIRUV ISHLARINI OLIB BORISH, SHUNINGDEK, URGA, OQCHALAK VA CHANDIR GURUHI KONLARINI QAZISH” INVESTITSIYA LOYIHASINI AMALGA OSHIRISH CHORA-TADBIRLARI TO‘G‘RISIDA [Ko‘chirma“]. Lex.uz.
- ↑ „Turizm infratuzilmasini yaxshilash bo‘yicha vazifalar belgilandi“. President.uz.
- ↑ „Qashqadaryodagi ko‘ldan 57 yoshli erkakning jasadi topildi“. Qalampir.uz.
- ↑ „Sechanko'lda qidirilayotgan shaxs topildi“. Qalampir.uz.
- ↑ „Qashqadaryoda bir nafar IIB xodimi dom-daraksiz yo‘qoldi. U 10 dan ortiq hamkasbi bilan Sechanko‘lga dam olishga chiqqan bo‘lgan“. Daryo.uz.