Sartak

Sartak
Sartakning huzuriga Gleb Vasilkovichning tashrif buyurishi tasviri.
Oltin Oʻrda xoni
Saltanat	1256 — 1256
Oʻtmishdoshi	Botu
Davomchisi	Ulagchi
Tugʻilishi	nomaʼlum
Vafoti	1256
Dafn etilgan joy	Saroybotu
Otasi	Botu

Sartak (? – 1256-yilda vafot etgan) – Oltin Oʻrda davlatining ikkinchi hukmdori. Botuning katta oʻgʻli. Yozma manbalarga koʻra u nasroniylik diniga eʼtiqod qilgan.

Biografiyasi

Botuning toʻngʻich oʻgʻli. „Vassof tarixi“da keltirilgan maʼlumotlarga koʻra, 1240—1242-yillarda moʻgʻullarning gʻarbga yurishlarida ishtirok etgan. Sayo daryosi boʻyidagi vengerlar bilan boʻlgan jangda aylanma manyovr harakatiga boshchilik qilgan (bu manyovr jang natijasini hal qilgan). 1246—1255-yillarda „ruslarga bogʻliq ishlarni nazorat qiluvchi shaxs“ vazifasini bajargan. Kirakos Gandaketsining maʼlumotlariga koʻra, Sartak cherkov va nasroniylarning ahvolini ancha yengillashtirgan, ruhoniylar va cherkovni soliqlardan ozod etish haqida farmon chiqargan.