Sarmada
Sarmada سرمدا | |
|---|---|
| Shaharcha | |
| Mamlakat | Suriya |
| Muhofaza | Idlib |
| Okrug | Harem okrugi |
| Nohiya | Ad-Dana |
| Aholisi (tax. 2007) |
15 000 |
| Vaqt mintaqasi | UTCEET +2; +3 |
Sarmada (arabcha: سرمدا) – Suriyaning Idlib muhofazasi Harem okrugi tarkibidagi shaharcha[1]. Shaharcha Suriyaning eng shimoli-gʻarbiy qismida, Turkiya bilan chegarada joylashgan. 722-yilda Antioxiya patriarxi Elias Sarmadadagi cherkovni muqaddas deb eʼlon qilgan[2]. Shuningdek, 1119-yil 28-iyunda Antioxiya knyazligi va Artukli bekligi oʻrtasidagi Sarmada jangi ayni shaharchada sodir boʻlgan.
Obidalari
Sarmada kolonnasi
Shaharcha milodiy II asrga tegishli Alexandrasning Rim uslubidagi maqbarasi bilan mashhur[3]. Maqbara toʻgʻri toʻrtburchak shaklda boʻlib, oʻn uchta silindrsimon toshdan tashkil topgan ikkita ustuni mavjud. Ustunlar oʻninchi silindrda gorizontal qism bilan birlashtirilgan boʻlib, uning tepasida qoʻshimcha kapitel joylashgan[4].
Avliyo Daniel va Hisn ad-Dair monastiri
Avliyo Daniel monastiri (shuningdek, Breij, Braij yoki al-Breij nomi bilan ham mashhur) shahardan 2 km gʻarbda, katta yoʻldan taxminan 400 metr balandlikda joylashgan[5]. Monastir Oʻlik shaharlarning soʻnggi monastik davri, yaʼni milodiy VI asrga oid deb belgilangan[6].
1121-yilda Quddus hukmdori Bolduin II Sarmada yaqinidagi Hisn ad-Dair nomli monastirni Gaellik Alanga bergan. Ushbu monastir mustahkamlangan qal’a deya tavsiflangan[7]. Shuningdek, hududda uchta kuzatuv minorasi boʻlgan qal’a haqida ham maʼlumotlar bor[8].
Rim ibodatxonasi
Baqirha yoʻnalishidagi yoʻl boʻylab 4 km uzoqlikda Zevsga bagʻishlangan Rim ibodatxonasi joylashgan. Epigrafik dalillar asosida bu inshoot taxminan milodiy 169-yilga toʻgʻri kelishi aniqlangan. Ibodatxona ulkan darvoza va selladan tashkil topgan boʻlib, bir paytlar toʻrt ustunli boʻlgan inshootning saqlanib qolgan yagona ustuni ham mavjud[6].
Manbalar
- ↑ Sarmada; Esyria
- ↑ ; Hendrika Lena Murre-van den Berg; Theo Maarten Van LintRedefining Christian Identity: Cultural Interaction in the Middle East Since the Rise of Islam. Peeters Publishers, 2005 — 1–-bet. ISBN 978-90-429-1418-6. Qaraldi: 2012-yil 9-oktyabr.
- ↑ Warwick Ball. Rome in the East. Taylor & Francis, 2000 — 363–-bet. ISBN 978-0-415-11376-2. Qaraldi: 2012-yil 9-oktyabr.
- ↑ Soubhi Saouaf. Six tours in the vicinity of Aleppo; visitors' guide. Georges Salem, 1957. Qaraldi: 2012-yil 9-oktyabr.
- ↑ Diana Darke. Syria, 2nd. Bradt Travel Guides, 2010 — 200–-bet. ISBN 978-1-84162-314-6. Qaraldi: 2012-yil 9-oktyabr.
- ↑ 6,0 6,1 ; Timothy PepperThe Rough Guide to Syria. Rough Guides, 2001 — 2–-bet. ISBN 978-1-85828-718-8. Qaraldi: 2012-yil 9-oktyabr.
- ↑ Thomas S. Asbridge. The Creation of the Principality of Antioch, 1098–1130. Boydell & Brewer Ltd, 2000 — 82–84, 88, 161-bet. ISBN 978-0-85115-661-3. Qaraldi: 2012-yil 9-oktyabr.
- ↑ Hugh N. Kennedy. Muslim Military Architecture in Greater Syria: From the Coming of Islam to the Ottoman Period. Brill, 2006 — 291–-bet. ISBN 978-90-04-14713-3. Qaraldi: 2012-yil 9-oktyabr.
