Sardana Avksentyeva
| Sardana Avksentyeva | |
|---|---|
ruscha: Сардана Владимировна Авксентьева | |
_01_(cropped).jpg) Avksenteva, 2021-yil | |
| Yakutskning 6-Mayori | |
|
Mansab davri 2018-yil 17-sentyabr – 2021-yil 14-yanvar | |
| Oʻtmishdoshi | Aysen Nikolayev |
| Vorisi | Yevgeny Grigoryev |
| Shaxsiy maʼlumotlari | |
| Tavalludi |
1970-yil 2-iyul Churapcha, Yoqut ASSR, Rossiya SFSR |
| Millati | saxa |
| Turmush oʻrtogʻi | Viktor Avksentyev |
| Bolalari | 5 |
| Alma mater |
Yoqut davlat universiteti (1993) Uzoq Sharq Boshqaruv Instituti (1998) |
Sardana Vladimirovna Avksentyeva (qizlik familiyasi Gogoleva; ruscha: Сардана Владимировна Авксентьева; saxa.: Сардаана Владимир кыыһа Авксентьева; 1970-yil 2-iyulda tugʻilgan) – rossiyalik siyosatchi. 2018-yildan 2021-yilgacha Saxa Respublikasi poytaxti Yakutsk shahri meri lavozimida xizmat qilgan.
Yoshlik yillari
Sardana Avksentyeva 1970-yil 2-iyulda Yakutskdan 177 km sharqda joylashgan Churapcha qishlogʻida tugʻilgan. 1993-yilda M. K. Ammosov nomidagi Yakutsk Davlat Universiteti (hozirgi Shimoliy-Sharqiy Federal Universitet)ning Tarix va huquq fakultetini tarix oʻqituvchisi mutaxassisligi boʻyicha tamomlagan. 1998-yilda Uzoq Sharq Davlat boshqaruvi akademiyasini davlat va mahalliy boshqaruv yoʻnalishi boʻyicha tamomlagan[1].
1993–1996-yillarda Yakutsk shahar maʼmuriyatining yoshlar ishlari, jismoniy tarbiya va sport boʻlimida mutaxassis sifatida ishlagan, 1996-yilda esa Yoqutiston Respublikasi Yoshlar ishlari, turizm, jismoniy tarbiya va sport vazirligi boʻlimi boshligʻi lavozimiga tayinlangan. 1998–2000-yillarda Saxa Milliy teleradiokompaniyasining tashkiliy va kadrlar ishlari boʻlimi rahbari sifatida faoliyat yuritgan. 2000-yilda Rossiya Davlat Dumasi deputati Vitaliy Basygysovning yordamchisi lavozimiga tayinlangan. 2004–2007-yillarda „Tuymaada Diamond“ AJ bosh direktori oʻrinbosari lavozimida ishlagan.
2007-yildan 2012-yilgacha Sardana Avksentyeva Yakutsk shahar maʼmuriyati apparati rahbari hamda „Yagona Rossiya“ partiyasidan saylangan mer Yuriy Zabolyovning oʻrinbosari boʻlib ishlagan[2]. Avvalroq u Zabolyovning saylov shtabiga rahbarlik qilgan[3]. 2012-yildan boshlab Yakutsk aeroporti huzuridagi „Aerotorgservis“ ishlab chiqarish va tijorat majmuasi direktori lavozimida faoliyat yuritgan[4].
Shaxsiy hayoti
Sardana Avksentyeva ikkinchi bor Viktor Avksentyev bilan turmush qurgan. Er-xotin toʻrt farzandni voyaga yetkazgan. Birinchi turmushi Alexander bilan nikohidan Natalia ismli qizi bor. Ikkinchi turmush oʻrtogʻi Viktor iqtisod fanlari nomzodi hisoblanadi. U Yuriy Zabolyov merlik davrida Yakutsk shahar hokimining birinchi oʻrinbosari boʻlib ishlagan, 2018-yilgi saylovda esa xotinining saylov shtabiga rahbarlik qilgan[5].
Manbalar
- ↑ „Сведения о проводящихся выборах и референдумах“. Election Commission of Yakutia. 2018-yil 12-sentyabrda asl nusxadan arxivlangan. Qaraldi: 2018-yil 12-sentyabr.
- ↑ „Якутск. Главы города.“. mag.e-gorod.ru. 2021-yil 30-avgustda asl nusxadan arxivlangan. Qaraldi: 2021-yil 30-avgust.
- ↑ „В Якутии.ру САРДААНА ГОГОЛЕВА - НОВЫЙ РУКОВОДИТЕЛЬ АППАРАТА МЭРИИ“. www.v-yakutia.ru. 2021-yil 30-avgustda asl nusxadan arxivlangan. Qaraldi: 2021-yil 30-avgust.
- ↑ „Выборы главы Якутска выиграла Сардана Авксентьева — биография нового мэра“ (ru). SakhaLife. 2018-yil 12-sentyabrda asl nusxadan arxivlangan. Qaraldi: 2018-yil 12-sentyabr.
- ↑ „Муж Сарданы Авксентьевой — Виктор: личная жизнь и дети в семье мэра Якутска“ (ru). rustars.tv. Qaraldi: 2021-yil 14-avgust.