Saratepa

Saratepa — ilk oʻrta asr qasr harobasi (VII asr oxiri — IX asr oʻrtasi). Samarqandningjan.gʻarbiy chekkasida, Xoja Saʼd va Saratepa qishloklari yaqinida joylashgan. Toʻrtburchak tarhli (50x60 m), bal. 6 m gacha yetgan. 1980y.larda qazish ishlari olib borilgan. S. paxsadan hamda yirik xom gʻishtdan (45—48 x 25—28 x 7—10 sm) ishlangan. Qasr yoʻlaklarining uz. 12, kengligi 2,3 m boʻlgan. Sharqiy tomondan qasr mudofaa devoriga tutashgan. VIII asr oxiri — IX asr boshlarida S. janubida qishloq vujudga kelgan. IX asr oʻrtasida qasr tanazzulga uchrab, X asrda kimsasiz, tashlandiq holga kelgan. Qishlokdagi hayot esa, XIII asrga qadar davom etgan.