Saidakbar Agzamxodjayev
| Saidakbar Agzamxodjayev | |
|---|---|
| Tavalludi |
1953-yil 2-may Andijon, Andijon viloyati, Oʻzbekiston SSR, SSSR |
| Fuqaroligi |
 SSSR→ Oʻzbekiston |
| Millati | oʻzbek |
| Mukofotlari |
  |
| Dini | Islom |
Saidakbar Agzamxodjayev (1953-yil 2-may, Andijon viloyati, Oʻzbekiston SSR) – oʻzbekistonlik olim, tarix fanlari doktori, professor[1]. Oʻzbekiston xalqaro islom akademiyasi „Islom tarixi va manbashunosligi“ kafedrasi professori[2]. „Doʻstlik“ ordeni sohibi[3][4].
Hayoti
Saidakbar Agzamxodjayev 1953-yil 2-may kuni Oʻzbekiston SSRga qarashli boʻlgan Andijon viloyatining Andijon shahrida tugʻilgan. Oʻrta maktabni shahardagi maktablardan birida olgach, 1973-yili Toshkent davlat universiteti Sharq fakultetining arab tili yoʻnalishiga qabul qilinadi. Oliygohni 1977-yilda muvaffaqiyatli tamomlaydi.
Faoliyati
Faoliyatini 1977-yilda Oʻzbekiston Fanlar akademiyasining Tarix institutida ilmiy xodim sifatida boshlagan. 1989-yili Moskva va Toshkent shaharlarida doktorantura taʼlim bosqichida tahsil oldi. 1993-yil Toshkent davlat sharqshunoslik institutining tarix fakultetida ilmiy xodim sifatida ishlagan. 1994-yildan 1997-yilgacha esa Oʻzbekiston Respublikasi Fanlar akademiyasining Tarix institutining katta ilmiy xodimi boʻlib faoliyat yuritgan. Olim 1997-yildan 1999-yilgacha Toshkent shahrida joylashgan jahon iqtisodiyoti va diplomatiya universitetining „Tarix, madaniyatshunoslik va falsafa“ kafedrasi dotsenti, soʻngra „Jahon ijtimoiy-siyosiy tarixi“ kafedrasi mudiri vazifasida ishlagan. 1999-yildan 2008-yilgacha Toshkent Islom universitetida „Islom tarixi va falsafasi“ fakulteti dekani, „Demokratik jamiyat qurish nazariyasi va amaliyoti“ va „Dinshunoslik“ kefedralari mudiri sifatida faoliyatini davom ettirgan.
Rossiya Federatsiyasi Prezidenti Vladimir Putin 2000-yili may oyida Toshkent shahriga qilgan tashrifida, Agzamxodjayev ishlaydigan akademiyaga borgan. U Rossiya prezidenti bilan suhbat qilgan. Rus ommaviy axborot vositasi boʻlgan „RIA Novosti“ ga tashrif haqida shunday degan[5]:
Rossiya Prezidenti Vladimir Putinning 2000-yili tashrifida jamoamiz bilan uchrashgan edi. Keyin Putin meni koʻrsatib, „uni universitetimizga faxriy talaba sifatida qabul qilishimiz mumkinmi“ deb masʼullardan soʻradi. Universitet rahbariyati „bugundan oʻzini shunday his qilaversa ham boʻladi“ deb prezidentga javob qaytargan.
Ilmiy faoliyati
Tarix va jamiyat yoʻnalishlariga oid bir qancha ilmiy ishlar bilan shugʻullangan olim 1988-yili „Uzbekistan v sotrudnichestve SSSR s razvivayuщimisya stranami Azii i Afriki v oblasti zdravooxraneniya“(Oʻzbekiston Sobiq Ittifoqda Osiyo va Afrikaning rivojlanayotgan mamlakatlari bilan sogʻliqni saqlash sohasidagi hamkorligi) mavzusida nomzodlik dissertatsiyasini yoqlagan[6]. Tarixga oid bir qancha ilmiy asarlarni tadqiq etib, 1996-yilda „Turkiston Muxtoriyati: borba za svobodu i nezavisimost (1917–1918 gg.)“ (Turkiston muxtoriyati: ozodlik va mustaqillik uchun kurash (1917-1918-yillar) mavzusida doktorlik dissertatsiyasini muvaffaqiyatli himoya qilgan[7]. 1992-yil Rossiya Federatsiyasi tarkibidagi Qozon shahrida „Social and Political views of the leader of the Jadid Movement in Turkistan“ konferensiyasida „Languages, Spiritual Culture, and History of the Turks“ mazvusidagi ilmiy ishi bilan ishtirok etgan. 1998-yil Italiyaning Venetsiya shahrida oʻtkazilgan „Reforming movement in Central Asia in the beginning of XX century: new interpretition and reevaluation“ ilmiy-amaliy konferensiyasida „Central Asia: a Decade of reforms, Cunturies of Memories“ mavzusidagi ishi bilan qatnashgan. Olimning ilmiy rahbarligida 2 ta fan nomzodlari va 8 naar ilmiy tadqiqotchilar ilmiy mavzularda ish olib borishyapti.
Mukofotlari
Oʻzbekiston Respublikasi Prezidentining 2006-yildagi tegishli farmoni bilan, „Oʻzbekiston Respublikasi Mustaqilligiga 15 yil“ esdalik nishoni bilan mukofotlangan. 2023-yilda Oʻzbekiston Respublikasi Prezidentining „Oʻzbekiston Respublikasi mustaqilligining oʻttiz ikki yilligi munosabati bilan fan, taʼlim, sogʻliqni saqlash, adabiyot, madaniyat, sanʼat sohalari va ommaviy axborot vositalari xodimlaridan bir guruhini mukofotlash toʻgʻrisida“gi farmoniga muvofiq, professorga Doʻstlik ordeni taqdim etilgan[8].
Manbalar
- ↑ O'zbek tarixchilari. Toshkent: Oliy va O'rta maxsus ta'lim vazirligi, 2012 — 28-bet.
- ↑ „Akademiya professori xalqaro ilmiy seminarda qatnashdi“. O'zbekiston xalqaro islom akademiyasi. Qaraldi: 23-avgust 2025-yil.
- ↑ „Ўзбекистон Республикаси мустақиллигининг ўттиз икки йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида“. President.uz. Qaraldi: 23-avgust 2025-yil.
- ↑ „Профессор Академии награжден орденом «Дўстлик»“. old.muslim.uz. Qaraldi: 23-avgust 2025-yil.[sayt ishlamaydi]
- ↑ „В исламской академии Узбекистана ждут президента России“. NovostiRU.
- ↑ „Агзамходжаев, Саидакбар Саидович Узбекистан в сотрудничестве СССР с развивающимися странами Азии и Африки в области здравоохранения, 60-80-е годы : диссертация ... кандидата исторических наук : 07.00.02“. Российская Государственний Библиотека.
- ↑ „Туркистон Мухторияти: борьба за свободу и независимость (1917–1918 гг.)“. Central Asian Analytical Network.
- ↑ „Akademiya professori “Do‘stlik” ordeni bilan taqdirlandi“. iiau.uz. Qaraldi: 23-avgust 2025-yil.