S&P Global
 | |
 55 Water Streetdagi bosh ofis | |
| Sobiq nomi |
|
|---|---|
| Tarmogʻi | Moliyaviy xizmatlar |
| Status | Ochiq aksiyadorlik jamiyati |
| Birja listingi | |
| Qachon asos solingan | 1917 |
| Joylashuvi | 55 Water Street, Nyu-York, AQSh |
| Hududiy xizmati | Butun dunyo |
| Asoschi(lari) | |
| Prezidenti | Martina Cheung |
| CEO | Martina Cheung |
| Mahsulot(lar)i | Moliyaviy maʼlumotlar va tahlillar |
| Daromadi |
 AQSh$14,2 milliard (2024) |
| Operatsion foydasi |
AQSh$5,58 milliard (2024) |
| Boyligi |
 AQSh$60,2 milliard (2024) |
| Kapitallashtirish |
AQSh$33,3 milliard (2024) |
| Sof foydasi |
AQSh$3,85 milliard (2024) |
| Ishchilar soni | 42 350 (2024) |
| Shoʻba korxonalari |
|
| Vebsayti | spglobal.com |
| Til(lar)i | Ingliz tili |
S&P Global Inc. (2016-yilgacha McGraw Hill Financial, Inc., 2013-yilgacha esa The McGraw–Hill Companies, Inc) – bosh ofisi Nyu-York shahrining Manhattan tumanida joylashgan Amerika aksiyadorlik korporatsiyasi. Kompaniya asosan moliyaviy maʼlumotlar va tahlil sohasida faoliyat yuritadi. U S&P Global Ratings, S&P Global Market Intelligence, S&P Global Mobility, S&P Global Sustainable1, S&P Global Commodity Insights va CRISIL kompaniyalarining bosh kompaniyasi hisoblanadi. Shuningdek, S&P Dow Jones Indices qoʻshma korxonasining asosiy ulush egasidir. „S&P“ qisqartmasi „Standard and Poor’s“ soʻzlaridan olingan[1][2].
Tarixi
S&P Global kompaniyasining tarixi 1888-yilga borib taqaladi. Oʻsha yili James H. McGraw American Journal of Railway Appliances (Amerika temiryoʻl uskunalari jurnali)ni sotib olgan edi. U keyinchalik boshqa nashrlarni ham qoʻshib borib, 1899-yilda The McGraw Publishing Company nomli oʻz nashriyotini tashkil etadi. Shu bilan bir paytda, John A. Hill ham texnik va sanoat sohasiga oid bir necha jurnallar nashr etgan va 1902-yilda The Hill Publishing Company nomli oʻz nashriyotini ochgan.
1909-yilda oʻzaro manfaatlarini bilgan bu ikki tadbirkor hamkorlik qilishga qaror qiladi va oʻz nashriyotlarining kitob boʻlimlarini birlashtirib, The McGraw–Hill Book Companyni tashkil etadi. Bu yangi korxonada John Hill prezident, James McGraw vitse-prezident lavozimida ishlagan. 1917-yilda har ikkala nashriyotning qolgan qismlari ham birlashtirilib, yakuniy shaklda The McGraw–Hill Publishing Company tashkil topgan[3].
Tashkiliy tuzilma
S&P Global oʻz faoliyatini bozor yoʻnalishlariga qarab olti asosiy boʻlinma orqali tashkil etgan[4]:
S&P Global Ratings
S&P Global Ratings – mustaqil investitsiya tadqiqotlari va reyting xizmatlarini taqdim etadi. U turli moliyaviy vositalar va investitsiya instrumentlari boʻyicha reytinglar beradi hamda ularning ishonchliligi va xavf darajasini baholaydi.
S&P Global Market Intelligence
S&P Global Market Intelligence — koʻp aktivli sinflar boʻyicha real vaqt rejimidagi maʼlumotlar, tadqiqotlar, yangiliklar va tahlillarni taqdim etuvchi yetakchi platforma. Uning mijozlari qatoriga institutsional investorlar, investitsion va tijorat banklari, sugʻurta kompaniyalari, investitsiya maslahatchilari, boylik boshqaruvchilari, yirik korporatsiyalar va universitetlar kiradi.
Uning tarkibiga kiruvchi shoʻba kompaniyalar va brendlar quyidagilar: Capital IQ, Eviews, Journal of Commerce, Panjiva, Global Insight.
S&P Dow Jones Indices
S&P Dow Jones Indices 2012-yil iyul oyida tashkil etilgan boʻlib, indeksga asoslangan tushunchalar, maʼlumotlar va tadqiqotlar boʻyicha dunyodagi eng yirik global manba hisoblanadi[5]. U S&P 500 va Dow Jones Industrial Average kabi mashhur indekslarni ishlab chiqadi[6].
Bugungi kunda S&P Dow Jones Indices 830 000 dan ortiq indekslarni hisoblaydi, 575 ta global ETF (birjada savdo qilinadigan fond) uchun asosiy koʻrsatkichlarni eʼlon qiladi, dunyo boʻyicha 1,5 trillion dollardan ortiq indekslangan aktivlar uchun „DNK“ rolini bajaradi[7] .
S&P Global Commodity Insights
Bosh ofisi Londonda joylashgan S&P Global Commodity Insights – bu xomashyo, energetika, neft-kimyo, metallar va qishloq xoʻjaligi bozorlari boʻyicha maʼlumotlar va narx mezonlarini taqdim etuvchi global tashkilotdir. Uning ofislari 15 dan ortiq shaharlarda joylashgan boʻlib, ular orasida yirik energetika markazlari — London, Tokio, Dubay, Singapur, Xyuston, shuningdek xalqaro biznes markazlari — San-Paulu, Shanxay va Nyu-York ham bor.
S&P Global Mobility
S&P Global Mobility — Carfax, Market Scan, Polk Automotive Solutions va boshqa avtomobil bozoriga oid brendlarning bosh kompaniyasi[8]. 2025-yil aprel oyida S&P kompaniyasi Global Mobility boʻlinmasini mustaqil aksiyadorlik jamiyatiga ajratib chiqish rejasini eʼlon qilgan[9].
Kompaniya prezidentlari
- James H. McGraw (1917–1928)
- Johnathan Heflin (1928–1948)
- James McGraw Jr. (1948–1950)
- Curtis W. McGraw (1950–1953)
- Donald C. McGraw (1953–1968)
- Shelton Fisher (1968–1974)
- Harold McGraw Jr. (1974–1983)
- Joseph Dionne (1983–1998)
- Harold W. McGraw III (1998–2013)
- Douglas L. Peterson (2013–2024)
- Martina Cheung (2024–hozirgacha)
Manbalar
- ↑ Martin, Timothy W. „McGraw Hill Moves Downtown, Says Goodbye to Namesake Building“. The Wall Street Journal (2015-yil 8-iyul). Qaraldi: 2015-yil 14-iyul.
- ↑ „SPGI 2024 Annual Report (Form 10-K)“. U.S. Securities and Exchange Commission (2025-yil 11-fevral).
- ↑ „About Us: Corporate History: The Foundation“. 2007-yil 5-mayda asl nusxadan arxivlangan. Qaraldi: 2007-yil 26-may.
- ↑ „S&P Global & IHS Markit merger“. S&P Global.
- ↑ Rooney, Ben „Stocks end mixed after late-day recovery“. CNNMoney. 2024-yil 3-dekabrda asl nusxadan arxivlangan. Qaraldi: 2024-yil 25-oktyabr.
- ↑ Leising, Matthew.. „McGraw–Hill, CME Group Start S&P Dow Jones Indices Venture“. Bloomberg (2012-yil 2-iyul). Qaraldi: 2013-yil 6-dekabr.
- ↑ „Dow slides more than 500 points, S&P 500 closes lower in sharp sell-off Thursday: Live updates“. CNBC (2024-yil 19-iyul).
- ↑ „Reynolds and Reynolds, Carfax simplify service history upload process“ (en). www.autonews.com. Qaraldi: 2025-yil 29-iyun.
- ↑ Butler, Peter; Pinkerton, Keith; Reinstein, Dennis (2006). "The Guideline Publicly Traded Company Method and the Market Value of "Invested" Capital: Should Market Value of "Stakeholder" Capital be the Appropriate Reference?". Business Valuation Review 25 (2): 78–82. doi:10.5791/0882-2875-25.2.78. ISSN 0897-1781. https://doi.org/10.5791/0882-2875-25.2.78.