Kontent qismiga oʻtish

Rustam Ragimov

ZiyoSfera, erkin ensiklopediya

Vikipediyada ismi Rustam va familiyasi Ragimov boʻlgan boshqa kishilar haqida ham maqolalar mavjud.
Rustam Ragimov
Shaxsiy maʼlumot
Toʻliq ismi Rustam Ragimov
Tavallud sanasi 1948-yil 6-mart (1948-03-06) (78 yosh)
Tavallud joyi Boku, Ozarbayjon SSR
Boʻyi 180 cm (5 ft 11 in)
Ampluasi Himoyachi
Professional faoliyati*
Yillar Jamoa Isht. (Gol.)
1967—1970 Neftchi (Boku) 3 (0)
1971 Dinamo (Mahachqala)
1972 Pomir 16 (0)
1973 Hazar (Sumagit)
*Professional klublardagi gollari (ichki chempionat)

Rustam Ragimov (ozarbayjoncha: Rüstəm Rəhimov; ruscha: Рустам Рагимов; 1948-yil 6-martda tugʻilgan) – Sovet futbolchisi va ozarbayjonlik futbol hakami[1].

Hayotning boshlangʻich davri

Rustam Ragimov 1948-yil 6-martda Boku shahrida tugʻilgan[2]. Rustam Ragimovning birinchi professional klubi Bokuning „Neftchi“ jamoasi edi. 1971-yilda Mahachqalʼaning „Dinamo“ klubida oʻynagan. 1972-yilda Dushanbening „Pomir“ jamoasida oʻynagan.

Hakamlik faoliyati

Futbolchilik faoliyatini yakunlagach, u hakam boʻlishga qaror qilgan. Ragimov hakamlik faoliyatini FIFA hakami Eldar Azimzodaning tavsiyasiga binoan 1977—1978-yillarda ikkinchi divizion oʻyinlarini boshqarishdan boshlagan. Ragimov SSSR chempionati oliy ligasidagi ilk oʻyinini 1983-yilda oʻtkazgan. Debyut Vilnyusning „Zalgiris“ va Xarkovning „Metalist“ jamoalari oʻrtasidagi oʻyinda litvaliklar 3:2 hisobida gʻalaba qozonishdi. Uning hakam sifatidagi soʻnggi uchrashuvi 1994-yilgi Mustaqil Davlatlar Hamdoʻstligi kubogi finalida Fargʻonaning „Neftchi“ va Moskvaning „Spartak“ klublari oʻrtasidagi oʻyin boʻlgan[3].

1992-yilda u SSSR chempionatlari va SSSR kubogining 80 va 100 oʻyinlarini oʻtkazgani uchun kumush va oltin medallar bilan taqdirlangan. U uch marta SSSRning „10 ta eng yaxshi hakamlari“ roʻyxatiga kiritilgan. 2004-yilda UEFAning 50 yilligi munosabati bilan „Ozarbayjonning 50 yillik eng yaxshi hakami“ diplomi bilan taqdirlangan. 2010-yilda Ozarbayjon Prezidentining farmoni bilan „Xizmat koʻrsatgan jismoniy tarbiya xodimi“ unvoni berilgan. 2010-yilda u Ozarbayjon Olimpiya qoʻmitasining „Yilning adolatli hakami“ diplomi va mukofoti bilan taqdirlangan. Rustam Rahimov 20-asrda Tofiq Bahramov va Eldor Azimzodadan keyin ozarbayjonlik uchinchi futbol hakami sifatida tan olingan[4].

2008-yildagi maʼlumotlarga koʻra, sobiq hakam AFFA xodimi boʻlib, assotsiatsiyada yosh hakamlar uchun kurslar ham yuritadi[5].

2008-yilda u hakamlar uchun „Oʻyinni oʻqish qobiliyati va hakamlik usullari“ qoʻllanmasini nashr etgan.

2010-yilda Rustam Ragimov Ozarbayjon Prezidenti Ilhom Aliyevning farmoni bilan „Xizmat koʻrsatgan jismoniy tarbiya xodimi“ unvoni bilan taqdirlangan.

2010-yilda Ozarbayjon Olimpiya qoʻmitasining „Yilning adolatli hakami“ diplomi bilan taqdirlangan.

2012-yildan buyon AFFA faxriylar uyushmasi raisi oʻrinbosari lavozimida ishlab kelgan.

2016-yilda „Bu mening taqdirim“ kitobini nashr etgan.

Manbalar

  1. ↑ „Azərbaycanın üç ən yaxşı futbol hakimindən biri - Rüstəm Rəhimov“. Azerbaijan State News Agency (2023-yil 6-mart). 2023-yil 5-iyunda asl nusxadan arxivlangan.
  2. ↑ Çingiz Abdullayev. „Rüstəm Rəhimovun 75 yaşına“ (az) (2023-yil 6-mart). 2023-yil 9-dekabrda asl nusxadan arxivlangan. Qaraldi: 2023-yil 9-dekabr.
  3. ↑ „II Кубок чемпионов Содружества 1994“ (ru). 2023-yil 27-martda asl nusxadan arxivlangan. Qaraldi: 2023-yil 9-dekabr.
  4. ↑ „Судейство как стиль жизни“. 2021-yil 26-iyulda asl nusxadan arxivlangan. Qaraldi: 2021-yil 26-iyul.
  5. ↑ „В Лянкяране проводятся семинары для детских футбольных тренеров“. Day.Az (2007-yil 16-dekabr). 2020-yil 22-fevralda asl nusxadan arxivlangan. Qaraldi: 2020-yil 22-fevral.

Havolalar

"https://ziyosfera.uz/index.php?title=Rustam_Ragimov&oldid=742381" dan olindi