Rustam Karimov
| Rustam Karimov | |
|---|---|
| Tavalludi |
Каримов Рустам 1951-yil 13-may |
| Fuqaroligi |
 OʻzSSR →  Oʻzbekiston |
| Kasbi | rejissyor, teatr va kino aktyori |
| Faoliyat yillari | 1972-yildan hozirga qadar |
| Mukofotlari |
 |
Rustam Karimov (1951-yil 13-may, Qibray tumani, Toshkent viloyati) – rejissyor, teatr va kino aktyori, Oʻzbekiston Respublikasida xizmat koʻrsatgan artist.
Hayoti
Rustam Karimov 1951-yil 13-mayda Toshkent viloyatining Qibray tumanida tugʻilgan. Oʻzbekiston davlat sanʼat va madaniyat institutini tamomlagan. 1972-yilda Mannon Uygʻur nomidagi Toshkent davlat sanʼat institutining aktyorlik boʻlimini tugatgan.
Faoliyati
Rustam Karimov 1974—1987-yillarda Abror Hidoyatov nomidagi Oʻzbek davlat drama teatrida rejissyor va aktyor sifatida mehnat faoliyatini boshlagan. 1987-yildan buyon Oʻzbek milliy akademik drama teatrida ishlaydi.
Aktyor ijodining dastlabki yillaridan to hozirgi kungacha turli xil obrazlar yaratgan. „Kelinlar qoʻzgʻoloni“da Boqivoy, „Oʻgʻrini qaroqchi urdi“da Murod, „Piri qoʻynot“da Ahmad Fargʻoniy, „Andishali kelinchak“da otaxon, „Gamlet“da Gorkov, „Abdulla Qodiriyning soʻnggi kunlari“da xizmatkor, „Usmon Nosir“da Matveyev, „Alisher Navoiy“da Majiddin, „Oʻzbekcha raqs“da Igorov, „Oʻtkan kunlar“da Hasanali, „Oilaviy sehr“da ota, „Quyoshni asra“da Chora bobo, „Taqdir sinovlari“da Esonqul, „Rustam“da Ota, „Makr va Muhabbat“ va boshqa koʻplab spektakllarda rollar ijro etgan. Rustam Karimov sanʼat, kino va televideniya sohasida ham faoliyat yuritgan. „Girdob“da Naimjon, „Hayot mazmuni“da Yusufali, „Dard“da Azim, „Faqat gʻalaba“da ota, „Toʻychoq“da Ajdar, „Zanjir“da ota, „Taqdir yoʻllari“da Gʻofurov, „Poydevor“da Azimov, „Vijdon“da ota kabi qahramonlarning rollarini ijro etgan. Aktyor boshqa filmlarda, masalan, „Otalar soʻzi, aqlning koʻzi“da filmida ham suratga tushgan[1]. Rustam Karimov dublyaj sohasida ham salmoqli ijod qilgan. Bugungi kungacha 70 dan ortiq turli xil filmlardagi qahramonlarga ovoz bergan.
Mukofotlari
2001-yilda Oʻzbekiston Respublikasida xizmat koʻrsatgan artist faxriy unvoni bilan taqdirlangan.
Manbalar
- ↑ „Рустам Каримов“. kino-teatr.ru. Qaraldi: 22-noyabr 2024-yil.